[حمود الصهيبي]

اهداء الي صاحب السمو الملكي الامير فيصل بن سلمان بن عبدالعزيز ال سعود

القدوم اللي يشابه عيد الأضحى في حلوله =يستحق انّا نوصل بعد مَقَدمْه الرساله
الحروف تبارك لفيصل وهي منه محموله=للفهد في فيصل انه منه وإليه أتصاله
وانت دامك من يحده بالكرم..والطيب حوله=من يمينه سطر مجد وسطر مجدٍ في شماله
أمعذور انه يزاحم كل الافراح بوصوله=وين ماوجه لعزٍ شاف له عزٍ قباله
ولو بغيت أقول حقِ قوله يسجل اصوله=أن فيه أحساسٍ أول ما عرفه العيد جاله
كن في خاطر نهار العيد شي لويقوله=قال جيت لفيصل ابغى اكون واحد من عياله
يازعيمِ نال مجدِ ماحدِ يقدر ينوله=كيف لا وانته سلالة من بنى المجد و رقى له
لين حاز المجد كله من بطولة في بطولة=وكل حملٍ يرتكي له لوثقيل الحمل شاله
يوم سميته فهد ودك يشابه في فعوله=فهد بن عبدالعزيز اللي جزيلاتٍ خصاله
العديم النادر اللي يشبه الغيث بحلوله=السياسي والمحنك والحكيم ابو الجزاله
وللكريم اللي يطاول كل طيب الا يطوله=فهد بن سلمان طيبه غير ميقافه لحاله
ناهلٍ من نهر سلمان المسمى في قبوله=مستمده من هل العوجا وهقوتهم خصاله
ابشر انه يوم زاحم كل لافراح بوصوله=غير عزك كل ماهو شاف له عزٍ رقى له

حمود الصهيبي

[عبدالله البكر]

.






كن في خاطر نهـار العيـد شـي لويقولـه
........................ قال جيت لفيصل ابغى اكون واحد من عياله



الله يا حمود ..
شعر المدح موهبة يستطيعها من يستطيع ويعجز عنها من يعجز ..
وأنا والله ممن يعجز .. وأقرأ الآن لمن يستطيع وبكل جدارة وتميز ..

الف صح لسانك ..

ويستاهل من كتبت به هالرائعه ..
وياجعله نسل ٍ صالح انشاء الله وبار بوالديه ..


تحية طيبة

.

[منصور العبدالله ( ودان نجد )]

وللكريم اللي يطاول كل طيـب الا يطولـه
>>>>>>>>>>>>>>>>>فهد بن سلمان طيبـه غيـر ميقافـه لحالـه
ناهلٍ من نهر سلمان المسمـى فـي قبولـه
>>>>>>>>>>>>>>>مستمده من هل العوجـا وهقوتهـم خصالـه
ابشر انه يوم زاحم كـل لافـراح بوصولـه
>>>>>>>>>>>>>>>>غير عزك كل ماهو شاف له عزٍ رقـى لـه



كفوووووو
ويستاهل سلليل المجد

اللهم اجعله من عبدادك الصالحين واقر به عيون والديه

اخوى حمود جزل دائما بما تطرح
دمت بخير

[عبدالمحسن الشاهر]

الشاعر الرائع حمود

قصيدة تتهادى جمالا وعذوبة وصدق

هنا الشعر يتألق عندما يكون من شاعر وفي شخصية هامه تستحق المدح والثناء

هنا لون وذائقة مختلفة لحروف الشعر

كتبت فأبدعت ايها المبدع الرائع

يازعيـمِ نـال مجـدِ ماحـدِ يقـدر ينولـه
......................................كيف لا وانته سلالة من بنى المجد و رقى له
لين حاز المجد كله من بطولة فـي بطولـة
......................................وكل حملٍ يرتكي له لوثقيـل الحمـل شالـه

صح لسانك يالقرم على هالفاتنه

[نورة العجمي]

وللكريم اللي يطاول كل طيـب الا يطولـه
فهد بن سلمان طيبه غيـر ميقافـه لحالـه

ناهلٍ من نهر سلمان المسمـى فـي قبولـه
مستمده من هل العوجا وهقوتهـم خصالـه


صح قلبك ياحمود

الأمير فيصل بن سلمان يستاهل

مميز دائماً ياحمود

تقبل اعجابي