09-11-2003, 07:41 | #1 |
الـحـــرّاب
|
جحيش بن مهاوش..
صباح الخير وشلونكم يا ربعنا و ربعاتنا اعضاء شعبيات هاذي قصه وصلتني عالايميل و اعجبتني و لاني مانيب متاكد هي صحيحه او لا؟؟ ابنقلها مثل ما هي: صاحب القصة رجل اسمه جحيش ابن مهاوش كان متزوج وتوفيت زوجته وتركت له اطفال فحرص جحيش على عدم الزواج لكي لا يحصل لأبنائه كرة وعدم استقرار ورباهم احسن تربية وكان في بعض الأيام لا ياكل ويفر كل شىء لأبنائه وكانت الحياة في زمانهم فقيرة والأحوال زهيدة وكبروا الأولاد وتزوج جميعهم وكل استقل بمفرده ونسوا ابوهم ولا احد يرغب به فلاحظ جحيش هذا الجفاء والجحود والنكران في تصرفات ابنائه ومن زوجاتهم وقام بالسكن في خرابة او ماشابهها بعيدا عن ابنائه بعدما تقدم به السن واصبخ شيخا كبيرا لا يستطيع ان يخدم نفسة وكانو يتصدقون عليه اهل الخير وقد دعا على ابنائه دعوة ودعوة الوالدين ليس بينها وبين الله عز وجل حجاب ومن حكمة الله ان الأبناء لم يرزق احد منهم بأولاد وقد قيل ان كل ماجاء لهم الأولاد يموتون وقد قال هذه القصيدة في ابنائة [poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] قال الذي يقراء بليا مكاتيب ،،،،=،،،،ياللي تقرون العماء من عماكم ياعيال يالي تشرفون المراقيب ،،،=،،،تريضولي وقصروا من خطاكم خذوا كلام جحيش مابة تكاذيب،،،=،،،مثل السند مضمون للي وراكم ياعيال وان صرتوا ضيوف معازيب،،،=،،،ترى الكلام الزين ملحة قراكم ترى البلاسة من كبار العذاريب،،،=،،، ترى البلاسة ماتطول لحاكم يصير بعيون الرفاقة تقل شيب،،،=،،،ليامنه اقبل قيل هذا بلاكم المذهب المذهب ترى المذهب الطيب،،،=،،،ترى رداء المذهب يبور نساكم يا عيال ما سرحتكم للمعازيب،،،=،،، ياعيال ماعمر المعزب ولاكم ياعيال ماضربتكم بالمشاعيب،،،=،،،ولاسمعوا الجيران لجة ابكاكم ياما تمسعرت الخلايق تقل ذيب،،،=،،،من خوفتي ينقص عليكم عشاكم احفيت رجليني بحامي اللواهيب،،،=،،،وخليت لحم الريم يخالط عشاكم واليوم شوفوا لحيتي كلها شيب،،،=،،،وشوفوا محل اتخوضعي في ذراكم قمت اتوكا فوق عوج المصاليب،،،=،،،قصرت اخطاية يوم طالت اخطاكم ياعيال ياعيال لي عليكم مطاليب،،،=،،،عطوني القرضة جزاء ما وتاكم خوالكم ياعيال من ماكر الطيب،،،=،،،يا عيال مدري هالرداء منين جالكم ياعيال يا عيال الخناء كلكم عيب،،،=،،، ياللي على الوالد كثير لغاكم قصيتكم وسندت وادي سلاحيب،،،=،،، لقيت بالسبخاء مدافيق ماكم ياعيال بعتوني بصفر العراقيب،،،=،،،ماهي حقيقة سودالله اقراكم اطلب عسى النسوان ماتحمل ولا تجيب،،،=،،،وتغيب شمس الصبح ويغتم سماكم ولابد ماهو عاوين دوني الذيب،،،=،،،بالقبر امفارقن طيبكم من رداكم [/poet] |
09-11-2003, 22:48 | #2 |
شــــاعـــر
|
ياما تمسعـرت الخلايـق تقـل .................،،من خوفتي ينقـص عليكـم عشاكـم احفيـت رجلينـي بحامـي اللواهيـب .................،وخليت لحـم الريـم يخالـط عشاكـم ابو حميد هذه القصيده كنت أرددها دائما واحفظها عن ظهر قلب رائعه بحق شكرا لك لادراج القصه وصح لسان جحيش |
11-11-2003, 04:11 | #3 |
عضو شعبيات
|
يعطيك العافيه على القصه الطيبه يا بو حميد وما قصرت وهذي قصه قديمه ومعروفه . ولك جزيل الشكر . ابــــــــــو بنـــــــــــدر najem29@hotmail.com |
11-11-2003, 09:17 | #4 |
شــاعــر
|
اخوي محمد الطيب مايجيب الا طيب قصه رااائعه واعتقد انها صحيحيه فقد سمعت بها من قبل ويكفي القصيده انها تثبت صحه القصه واعوذ بالله من العقوق تحياتي لك يامحمد ولاتقطع |
13-11-2003, 14:15 | #5 |
عضو شعبيات
|
يعطيك العافيه يامحمد الحراب ولأهنت على القصه والقصيده والجهد واالقصه والقصيده ذي متدواله بشكل كبير جدا وقيل انها لـ جحيش بن مهاوش وقيل انها لـ رجل من بادية الاردن .....الخ وسلمت يمناااااك , وننتظر المزيد تقبل تحياتي الخويطري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|