30-12-2010, 23:37
|
#1 |
|
شــاعر
|
في جده!! الودْيان تمشي فالشوارع
 عندنا في جده الودْيان تمشي فالشوارع كل وادي فيه شارع / كل شارع فيه وادي اشهد ان اللي بنا تحْتيّها ماهوب بارع والا ماهو من هل الديره ولا هو مالبلادي لان راعي الارض في حب البلد ماينتشارَع الوطن في ذمّته ركنٍ من اركان الفوادي ياتصنفّها شباتي/ ياتصنفّها كوارع ياتصنفّها من الزعتر/ ولا هان الزبادي كلّها راحت طعام جـ...وش ماتاكل مزارع!! تاكل فلوس/ وتحب الروس/ وتْبوس الايادي كبْرت بْطونٍ من اكل الفول ماتقْدر تتارع! والمحيط الهندي/ اصبح عندنا/ محيط هادي لين عوّد راعي الديره حياته في تسارع! كل يومٍ يكْتشف له حاجةٍ ضد المبادي!؟ اتمنى في بعض الاحيان لو اني مصارع غير كم باضرب/ وكم بالطم/ وكم باسمع دوادي؟! ويش راي الساده الاصحاب فالفعل المضارع؟ علْمونا ياوجيه الخير كان الوضع عادي؟!  اخر تعديل كان بواسطة » سعيد بن مقبل الأكلبي في يوم » 02-01-2011 عند الساعة » 01:00. |
|
|
|
31-12-2010, 08:11
|
#2 |
|
متنبي الشعر الشعبي
|
رد : في جده!! الودْيان تمشي فالشوارع
مبدددددددددددع الى اخر حدود الثماله ياسعيد حتى في سخريتك ابداع صح والله لسانك وفكرك |
|
|
|
|
31-12-2010, 12:07
|
#3 |
|
أبو تركي / شاعـر
|
رد : في جده!! الودْيان تمشي فالشوارع
ياتصنفّها شباتي/ ياتصنفّها كوارع ياتصنفّها من الزعتر/ ولا هان الزبادي كلّها راحت طعام جـ...وش ماتاكل مزارع!! تاكل فلوس/ وتحب الروس/ وتْبوس الايادي كبْرت بْطونٍ من اكل الفول ماتقْدر تتارع! والمحيط الهندي/ اصبح عندنا/ محيط هادي ابو مقبل أقسم أنك تستاهل حبة خشم وراس وينها وين المستطرف هذي هنا شعر عميق .. ملّون بألوان الطيف .. يصل للقلوب مباشرة ومن يريد للبطون أنت غييييييييييير يا سعيد فالحدث لديك ساخن جداً مغلف بِعُلَب هدايا فاخره لمن يهمه الأمر ! مبدع أنت وليتك أكملت النقط هههههه  |
|
|
|
|
01-01-2011, 04:12
|
#4 |
|
مشرف الرحلات البرية والسياحة
|
رد : في جده!! الودْيان تمشي فالشوارع
ابو مقبل صح لسانك مليون صياغه ساخره بااسلوب فريد لظاهره لا تخفى على مبصر لكن قليل من يستطيع تطويع الابيات والتعبير عنها بهذا الابداع صوره مع التحيه  وهذي صوره عشان المكشات وقت السيل :d  |
|
|
|
|
01-01-2011, 17:17
|
#5 |
|
الدانه
|
رد : في جده!! الودْيان تمشي فالشوارع
مانقول الاحسبي الله على من كان السبب. مااتعضو من اخطائهم العام الماضي. والله اني بكيت من اللي فقدت ثلاث من عياله والرابع ابوهم.شي يقطع القلب. صح السانك يااخ سعيد كفيت ووفيت |
|
|
|
|
01-01-2011, 20:06
|
#6 |
|
شاعر
|
رد : في جده!! الودْيان تمشي فالشوارع
اتمنى في بعض الاحيان لو اني مصارع غير كم باضرب/ وكم بالطم/ وكم باسمع دوادي؟!  الله يستر ههههههه حقيقه يابو مقبل باسلوب ساخر ابدعت في توصيف الحدث لك وللجمال بالنص كل التحايا الصادقه .  |
|
|
|
|
02-01-2011, 01:03
|
#7 |
|
شــاعر
|
رد : في جده!! الودْيان تمشي فالشوارع
ارحب يابوبدر وصح بدنك ياعلَم |
|
|
|
|
26-01-2011, 00:21
|
#8 |
|
شــاعر
|
رد : في جده!! الودْيان تمشي فالشوارع
ارحب يابوتركي وتستاهل الطيب ياكحيلان والله لايحرمنا من اطلالتك البهيّه |
|
|
|
|
26-01-2011, 00:29
|
#9 |
|
شــاعر
|
رد : في جده!! الودْيان تمشي فالشوارع
ارحب يابوسعد ولاهنت يالكفو على هذا المرور الذرب |
|
|
|
|
26-01-2011, 17:52
|
#10 |
|
عبداللطيف العمري / شاعر
|
رد : في جده!! الودْيان تمشي فالشوارع
لا بالله مهو بعادي يا ابو مقبل صح الله لسانك امتعتنا يالشيخ ونتتظر المزيد شكرا لك مجددا عضو جديد..... ؟؟ |
|
|
|
|
28-01-2011, 01:01
|
#11 |
|
شــاعر
|
رد : في جده!! الودْيان تمشي فالشوارع
ارحب يابوسعد وصح بدنك ولاهنت على مرورك وتعليقك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
