[سعيد بن مقبل الأكلبي]

مادام ياصاحبي طفّيت جوالك=فالله يسامحْك وانا الله يسامحني
كنت احسب ان اتصالي جاي في بالك=واثرك مثل ماتمازحهم تمازحني
ماغير تلعب على اللي يبغي اوصالك=واليوم اظنّك على اللعبه مرشحني
من يعجبك ودّك انه ميّت قبالك=وانا لا ذلحين والله منت ذابحني
انا عزيز الجناب ولا يورّا لك=انّي باجي دايمٍ والشوق فاضحني
لو كان مافي حياتي غيرك لحالك=لاشفت مالي قبول اقول ريّحني
لاصار همّك خروجك قبل مدخالك=خلك على الباب برّا لا تفرّحني
لا انتب لا مستاجرٍ عندي ولا مالك=ولا نيب خسران فيك ولا انت رابحني
واللي حصل بيننا محدٍ عنه سالك=وما عاد افاتحْك فيه ولا تفاتحني
ماكل شيٍ تمنّاه يتهيّالك=هذا كلام الصراحه غير صارحني
هو ذي طبيعه معك والا كذا حالك؟=يوم انت تنسى اسمي وتوّك مصافحني!!

[سمو الرأي]

صح لسانك


قصيده مفوتره بالحيل

تقبل اعجابي وتحياتي

[عنود]

قصيده رائعه
عوايدك ياشاعر المنابر
كل قصائدك اتخيلك على منبر لايليق الا بسعيد الاكلبي

[نوف الثنيان]

صح نبضك ..
دمت بكل الخير والشعر الذي يسكنك ..

[مزون المحمد]

,,


نبض في كل حرف .. ولغة سمااااح موغلة في الألم
نص فيه من حيرة الواقع الشيء الكثير
إلى أن وصل إلى التساؤل المر:
(هو ذي طبيعه معك والا كـذا حالـك؟
يوم انت تنسى اسمي وتوّك مصافحني!!)
رائع وأكثر مبدعنا سعيد ..
دمت بـ روعتك أخي

,,

[محمد الزهراني]

يسعدك ربي على ما امتعتنا به

والله نص لذيذ ,,

اشبعت اذائقة ورويتها بزلال حرفك


صح نبضك وقلمك واحساسك

تحياتي لك

[سلـــطان الشهري]

اهنيك على هذا النص الرايق
حيث جمعت في الصور الرائعة والبساطة والاسلوب السهل الممتنع

اشكرك على هذا النص

تحياااااتي

سلطان الشهري

[غرم البهيشي]

سعيد الاكلبي

صح لسانك

لو سمعت هذه القصيده من احد مجرد سماع لعرفت انها ل سعيد الاكلبي

فلها رونق وابداع واسلوب سعيد الخاص به

عزة النفس والأنفه والكبرياء غلبت على القصيده وهذه من شيم احرار الرجال

لا هنت ولك تحياتي

[نورة العجمي]

هو ذي طبيعه معـك والا كـذا حالـك؟
يوم انت تنسى اسمي وتوّك مصافحني!!

صح لسانك ياسعيد
متألق دائما ومنورنا بحضورك وابداعك
خلف هذا العتب وقصائدك الناقده من
أي موقف ومن واقعنا
قلب نقي وشفافيةلا تليق الا بالشاعر المبدع

خالص احترامي

[منتهى القريش]

سعيد ..

وأنا سعيدة جدا بقراءة هذه القصيدة الجميلة ..

شكرا لهذا الصباح وأنت ..

احترامي ..

[الجازي]

انـا عزيـز الجنـاب ولا يـورّا لـك انّي باجي دايـمٍ والشـوق فاضحنـي

لو كان مافي حياتـي غيـرك لحالـك لاشفت مالـي قبـول اقـول ريّحنـي

لاصار همّك خروجـك قبـل مدخالـك خلك علـى البـاب بـرّا لا تفرّحنـي

يااالله عليك ..
صادق في كل ماتكتب ..
ولذا كل قصائدك تلامس قلوبنا وذائقتنا ..
ونفرح عندما نجد قصيده جديده ..
ويبهجنا ايضا تفاعل شاعر بحجم جمال روحك مع الغير ..
تشجيع أو اطراء شاعر بروعتك لاشك له تأثير على الغير
سلم نبضك ..
ودام وهج بياضك وشِعرك ..

[نمرالعتيبي]

ابن مقبل الله يسعد قلبك


ويسلم رااااااسك شااعر مبدع والله مبدع ورااااقي حضوورك يشبه الغييم
الممطر والربييع المعشوشب برقي الافكاار وجزااااااااااالة المشااعر صح قلبك

[عبدالرحمن الهلالي]

الرسالة الأصلية كتبت بواسطة سعيد بن مقبل الأكلبي

مادام ياصاحبي طفّيت جوالك=فالله يسامحْك وانا الله يسامحني
كنت احسب ان اتصالي جاي في بالك=واثرك مثل ماتمازحهم تمازحني
ماغير تلعب على اللي يبغي اوصالك=واليوم اظنّك على اللعبه مرشحني
من يعجبك ودّك انه ميّت قبالك=وانا لا ذلحين والله منت ذابحني
انا عزيز الجناب ولا يورّا لك=انّي باجي دايمٍ والشوق فاضحني
لو كان مافي حياتي غيرك لحالك=لاشفت مالي قبول اقول ريّحني
لاصار همّك خروجك قبل مدخالك=خلك على الباب برّا لا تفرّحني
لا انتب لا مستاجرٍ عندي ولا مالك=ولا نيب خسران فيك ولا انت رابحني
واللي حصل بيننا محدٍ عنه سالك=وما عاد افاتحْك فيه ولا تفاتحني
ماكل شيٍ تمنّاه يتهيّالك=هذا كلام الصراحه غير صارحني
هو ذي طبيعه معك والا كذا حالك؟=يوم انت تنسى اسمي وتوّك مصافحني!!

يا الله ما اروع الشعر من الكبار
لا نجد فيه الا الإبداع
الكبير سعيد الاكلبي صح لسانك ولاهنت
بصراحه راقت لي القصيده كثيراً مريحه للقلب
تتحدث في القصيده وانت تنظر من الاعلى وارتقيت بنا
تحية استاذي

[سعيد بن مقبل الأكلبي]

إقتباس الرسالة الأصلية كتبت بواسطة سمو الرأي صح لسانك قصيده مفوتره بالحيل تقبل اعجابي وتحياتي

سمو الراي
ياهلابك
والله لايهينك على مرورك

[محمد مدران اليامى]

انـا عزيـز الجنـاب ولا يـورّا لـك=انّي باجي دايـمٍ والشـوق فاضحنـي.

لو كان مافي حياتـي غيـرك لحالـك=لاشفت مالـي قبـول اقـول ريّحنـي.

لاصار همّك خروجـك قبـل مدخالـك=خلك علـى البـاب بـرّا لا تفرّحنـي. الله يمسيك بالروعه يابن مقبل.. صح لسانك يامختلف.. شاعر نطرب لشاعريتك للامانه.. تحاياي

.