12-06-2011, 18:46 | #1 |
عضو شعبيات
|
لـــولا الحـــيــا
ألسلام عليكم ورحمة الله وبركاته إخواني وأخواتي أعضاء منتدى شعبيات أتقدم بهذه القصيده عسى أن ترتقي لذائقتكم كما أن نقدكم البناء يرتقي بي دمتم بخير حال والسلام عليكم ورحمة الله وبركاته جريّت انا ويلاه من غربتي آه ولولا الحيا والله لا اشق جيبي والله لولا قولة الناس وش جاه ومن قبل ذا خوف العليم الرقيبي وعهدٍ لواني به على كيف مشهاه لاصيح باعلى الصوت هاتو طبيبي هاتو ضما قلبي و طبّه و بلواه لولاه ماني ياعرب .. مستصيبي ولولاه ماذقت البلا من سواياه وابلا بلاي انه بعيدٍ .. قريبي ياكيف ما اوده واحبه وأهواه ومحدٍ سواه من الخلايق حبيبي في كل شيٍ .. . أذكره واتمناه في طلعة القمرا .. وشمس المغيبي واذكره وآحـــنّ لغناويه وحـــكاه لاواعذابي صار شوفه صعيبي خلي شّذَبْ قلبي ببعده وهذّاه هذّاه.. وخلاني جريح عطيبي واذكره لاهبّ الهوى من نحاياه واذكره لامن مال عود ٍ رطيبي ولاسال سد العلّبْ ثم اعتلا ماه اذكر وليفٍ..لي..لطيفٍ..لبيبي وآجذّ.آهاتي من الروح جذّاه جذّت عروق السدر بيد القطيبي فلبيه ياحبٍ قديمٍ هويناه ولبيه ياغروٍ..صغيرٍ..أديبي مهما يطول الوقت واقف وبتناه وماظن فيه إن الهقاوي تخيبي جرحٍ نحته الحب ياويش يمحاه شيٍ يطيب وشي لاما يطيبي ولاقلت انا ويلاه من غربتي آه خلي وطن. والحب وسطه غريبي.؟ ـ ـــــــــــ عبدالله آل شداد ـــــــــ |
12-06-2011, 19:03 | #2 |
شــاعر
|
رد : لـــولا الحـــيــا
الله الله الله يا عبدالله قصيدة تعيدنا إلى زمن الشعر الأصيل صح لسااااااانك وهلا بك ملايين |
13-06-2011, 04:31 | #3 | |
عضو شعبيات
|
رد : لـــولا الحـــيــا
إقتباس:
البقا والعمر الطويل يا خالد كالديباج إطرائك على أبياتي وصح بدنك |
|
13-06-2011, 10:44 | #4 |
شــاعر
|
رد : لـــولا الحـــيــا
ارحب ياعبدالله وصح قلبك على هذه المصافحة الرائعة وبوح العشق النقي |
13-06-2011, 14:04 | #5 | |
عضو شعبيات
|
رد : لـــولا الحـــيــا
إقتباس:
وصح بدنك مرور الكبار يعني لي الكثيييير |
|
14-06-2011, 07:40 | #6 |
شــاعر
|
رد : لـــولا الحـــيــا
الله الله عبد الله ال شداد صح لسانك ملايين ,, على هكذا بوح .. تقبلني من المعجبين |
14-06-2011, 15:39 | #7 |
شــاعر
|
رد : لـــولا الحـــيــا
فلبيه ياحبٍ قديمٍ هويناه ولبيه ياغروٍ..صغيرٍ..أديبي صح لسانك نص يتكئ على الأصالة نسمات تستهوينا نستنشق معها شعرا نقيا |
17-06-2011, 14:00 | #8 | |
عضو شعبيات
|
رد : لـــولا الحـــيــا
إقتباس:
وصح بدنك مرحبا بك يا غـــــارم |
|
17-06-2011, 14:03 | #9 | |
عضو شعبيات
|
رد : لـــولا الحـــيــا
إقتباس:
إطراء كالشهد وإشــــــــاده كالنياشين على صدر القصيده مرحبا بك يا خلف |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|