22-09-2003, 15:03 | #1 |
شــاعر
|
سهيـــــــــــــل بان
بسم الله الرحمن الرحيم الحمد لله على نعمه الكثيرة ومن نعم الله علينا فصل الربيع الذي تتنتعش به الارض وتسعد به النفوس وهذه القصيدة ولدت بعد ما ظهر ذلك النجم الذي يعتبر الاشاره الى بداية مغادرة فصل الصيف وهو (( نجم سهيــــــــــــل)) واتمنى ان تنال هذه القصيدة المتواضعه على اعجابكم [poet font="Simplified Arabic,5,black,normal,normal" bkcolor="transparent" bkimage="backgrounds/8.gif" border="groove,4,gray" type=0 line=350% align=center use=ex length=0 char="" num="0,black" filter=""] سهيل بان وجت معاه التباشير = هبت ذعاذيع البراد العذيّه سبحان رب يغير الجو تغير = فصلٍ ورا فصل ماهي سويّه لى زل عقب ْسهيل وقتٍ بتقدير = مع اول الوسم هلت موسميّه تسقي الرياض عقب ماهي مقافير = ْو تصبح بدال القفر جنه شذيّه متشكلٍ بالروض نوع النواوير = عبيرها يشفي النفوس الشقيّه تلقى الزبيدي مكسر القاع تكسير = يشبه نهودٍ فيها وصف العنّجهيّه ْوتلقى الفياض عقب ماهي مداهير = ممليةٍ بالما ومنتعشه وحيّه يحلى لراع الطير عقبه نقلة الطير = ومتابع الصيد في كل ْضحويّه ياماحلا شوف الحباري مخامير(1) = والطير صياد مابه من زريّه تلقى لهن وسط المهاريم تأثير = ثعوا في وسط الروض روحه وجيّه في وسط روض ٍ ماثعوا به صقاقير = مع اول الصبح مابه مودميّه(2) لى شافهن طير الهدد فابشر ْبخير = حر ٍ على المهداد له مقدريّه ياما تحت كفه توطا المعاشير(3) = عديم كفه للمصافق قويّه له عادةٍ يصخر الصيد تصخير = لى هد كنه شيخ فازع حميّه شيخ ٍ ليا حان وقت البواتير(4) = هو محزم القوم ماهاب المنيّه لمن طلبها تحسبه سالم الزير = في غزوة ٍ يطالب ْبثار اخيّه قنص الخلا مع الرجال المناعير = اخير من رفقة رخوم ٍ رديّه على بعض ماحسبوا صرف الدنانير = كل ٍ يبي بالطيب يسبق خويّه ياماحلا مجالسهم حزة ْعصير = شبوا حطبهم وجلسوا حول الضويّه ثم قربوا للنار صفر ٍ مباهير = اللي ليا فاحت روايحها زكيّه والجو زان وجت علوم ٍ مسافير = سوالف ْرجال ماهي بالدنيّه يالله ابطلبك ياوال المقادير = ياعالم اسرار كون ٍ خفيّه ترسل لنا الغيث من سحبٍ مزابير(5) = تسقي رياض ٍ شاقها شرب ميّه صلوا عدد ماكبروا الناس تكبير = على النبي الهاشمي خير البريّه [/poet] معاني بعض الكلمات 1. مخامير : اي انها ثابته في محلها بدون حركه (لابده) 2. مودميه : اي ناس والمقصد (اوادم) 3.المعاشير : الحباري 4. البواتير : السيوف 5. مزابير : اي سحب متراكمه فوق بعضها والسحاب الركامي هو الذي يأتي معاه البرق والرعد. وكلمة تزبر تعني تراكم اخر تعديل كان بواسطة » برق في يوم » 22-09-2003 عند الساعة » 18:10. |
22-09-2003, 17:35 | #2 |
شـــاعر العثمــانيـــات
|
شرف كبير أن اكون أول من يصافح هذه الرائعة من شاعرنا الرائع/ برق قصيدة فوق التقييم جمالا وابداعا ، وتصويرا دقيقا ، يجعل القارئ يستمتع بالربيع وهو أمام حاسوبه. صح لسانك وقلبك كل الإعجاب والتقدير مع أطيب تحياتي |
22-09-2003, 23:36 | #3 |
شـــاعــر
|
برق
حضور أكثر أكثر أكثر من رائع صح لسانكـ تحياتي يا بطل أخوكـ أبو الطيب النبطي |
23-09-2003, 07:05 | #4 |
شـــاعر مضر
|
يالجمال شعر الوسم والربيع كم انا في اشد الاشتياق الى مثل هذه القصائد برق يا برق الجمال والروعة صح لسانك مليون |
23-09-2003, 08:58 | #5 |
الـحـــرّاب
|
اخوي برق صدقت الله يجيب السيل لاهنت محمد الحراب |
24-09-2003, 12:27 | #6 |
شـــاعــر
|
تلقى الزبيدي مكسر القـاع تكسيـر ...................... يشبه نهودٍ فيهـا وصـف العنّجهيّـه ْوتلقى الفياض عقب ماهـي مداهيـر ..................... ممليـةٍ بالمـا ومنتعشـه وحـيّـه يحلى لراع الطير عقبه نقلة الطيـر ..................... ومتابع الصيـد فـي كـل ْضحويّـه وصف متمكن يجعلك تعيشه وكانه واقع ملموس لك الان ......... عندما اسئل عن الحرفنه الوصفيه في الشعر .. فلا اتردد بالقول بانها لدى المبدع برق .. اخوي برق .... صح لسانك وفكرك وانا اخوك على هذه الرائعه .. |
24-09-2003, 14:34 | #7 |
شاعر
|
. يامبدع !! قصيدة رائعة .. وموضوع أكثر من رائع .. ألف صح لسانك يابرق !! وياجعلي ماأعدم هاليديات يالغالي .. |
24-09-2003, 15:05 | #8 |
قـلــم فعّــال
|
العزيز برق صح لسانك وسلم بنانك لى شافهن طير الهدد فابشـر ْبخيـر حـر ٍ علـى المهـداد لـه مقدريّـه ياما تحت كفه توطـا المعاشيـر(3) عديـم كـفـه للمصـافـق قـويّـه له عادةٍ يصخـر الصيـد تصخيـر لى هـد كنـه شيـخ فـازع حميّـه الف شكر على الابداع تقبل مني خالص الحب والتقدير |
24-09-2003, 20:34 | #9 |
شــاعـر
|
برق يبرق في سما الابداع وفي سما الجمال وفي سما الروعه بهاذه الرايعه االشامخه لله درك والله يابرق والله امطرت ذايقتنا بعذوبت هذه الجميل صح لسانك والله يجعلك على القوه ولك مني صادق الود والاحترام اخوك نمر العتيبي |
26-09-2003, 09:20 | #10 |
شــاعر
|
عثمان العبدالله حياك الله اخوي عثمان كلامك يدل على طيبك ايها النقي وليس ما قرأت الا بعض مما عندك ايها المبدع مرورك الفريد اسعدني لاهنت وصح بدنك تحياتي لك |
26-09-2003, 09:23 | #11 |
شــاعر
|
ابو الطيب النبطي حياك الله اخوي ياسر والروعه هنا حظورك ايها الرائع مرورك اسعدني لاهنت وصح بدنك تحياتي لك |
26-09-2003, 09:26 | #12 |
شــاعر
|
ناصر الفراعنه حياك الله اخوي ناصر الجمال وجودك يا ابو فارس في صفحتي مرورك اسعدني يا ابوفارس لاهنت وصح بدنك تحياتي لك |
26-09-2003, 09:28 | #13 |
شــاعر
|
محمد الحراب حياك الله اخوي محمد مرورك اسعدني ايها الرائع لاهنت تحياتي لك |
26-09-2003, 11:10 | #14 |
عضو شعبيات
|
المتألق دائماً / برق صح لسااانك ايه المبدع تصوير رائع دمت متألقا ومبدعا صقر الطنايا |
27-09-2003, 09:47 | #15 |
شــاعر
|
تركي العثمان حياك الله اخوي تركي اخجلتني بكرم كلماتك سلمت ايها الرائع على الاطراء وهذا بعض مما عندك يا مبدع لاهنت وتحياتي لك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|