[محمد المسعر]

السلام عليكم ورحمة االله وبركاتة:

اول مشاركة لي في هاذا الصرح اتمنى ان تنال اعجابكم:

ماكان ودي بالزعل بـس خليـت=قلبي يبيعـك لـو تمكنـت فينـي
صبرت لجلك وانت طولت ماجيـت=خلاص روحي ابعـدي واتركينـي
حبك رميته تحت (الاقدام) واقفيت=عند المكان اللي اجيـك وتجينـي
لاعاد تسأل ليه انا ابعدت وابطيت=ماعاد ودي بالهـواء والحنينـي
كتبت اول بيـت بجدارهـم ليـت=مرة وقالـت ياعـذاب السنينـي
(محمد) اقفى ليتني معة ماخطيـت=وش بس اسوي لية ربي يعينـي
مريت بعد الي كتبته على البيـت=لقيتهـا بجـدارهـم تحتريـنـي
ناضرت ثم قالت (محمد) وصديت=قالت علامك؟؟ قلت وش تطلبيني!
قالت <احبك>قلت من يوم زليـت=ماني مصدق لو حلفتـي يمينـي
ياما على جرحي حبيبـي تسليـت=وينك وويني بس وينـك ووينـي
في حبنـا يامـا عليـة تماديـت=غيري تبي تلقى مـن المسلمينـي
مليت روحي ابعدي منـك مليـت=طفشتني حسبي علـى الظالمينـي
اقفيت عنها وليتني صدق ماقفيت=(ماتت) وهي بجدارهم تحتريني!!!!
عزيت اهلها جيت معهم وصليـت=دفنتها والدمع في وسـط عينـي
دامك على شاني حبيبـي توفيـت=مسامحك وانتي بعـد سامحينـي

وسلامتكم

[مزون نجد]

قصيدة رائعة .. صحت روحك وبوحك .. ننتظر منك الأجمل .. شكراً لك .

[شقى الشمري]

صح لسانك وبيض الله وجهك

[أشواق الشمري]

الله الله الله عليك يامحمد

قصيده وربي روعه تسلم يدينك يالغلا

[محمد بن ناشي]

صح لسانك ..
سأترك الصمت يتحدث هنا عن زمام القصيد والتحكم في لغة النص
دامك على شاني حبيبـي توفيـت
مسامحك وانتي بعـد سامحينـي
فهذا ختام رائع يدل على قاموسك اللغوي والعفوي
تحياتي لك وتقبل ملاحظتي البسيطة
لية= ليت
معة= معه
:::::
تحياتي مجدداًَ والى الامام