03-11-2001, 06:58 | #1 |
عضو شعبيات
|
قصيده مناسبتها خاصه
اخواني السلام عليكم ورحمة الله وبركاته هاذي قصيده مناسبتها تتعلق بالسفر للخارج وطبعاَََ كل واحد له راي شخصي في السفر للخارج لاكن انا كنت قبل لا اسافر وقبل لا اقص جواز اسمع مثل غيري عن السفرات والروحات خارج الوطن فكنت اسمع اللي يمدح سوريا ويقول ان جوّها خيالي واسمع اللي يمدح مصر ويقول انّها ام الدنيا وانها وانها فصممت انّي اشوف هالكلام اللي هم يقولونه وسافرت انا ومجموعه من الزملاء لسوريا وجلسنا فيها حوالي عشرة ايام ومنها طلعنا على مصر واقمنا فيها مثل تقريباََ اللي قعدناه في سوريا المهم انّي انا في طريقنا بالطياره الى الرياض كنت افكر بيني وبين نفسي وبصراحه لاحظت ان اللي كنت متخيّل اني القاه في سوريا وفي مصر صار خيال وبس يعني ماشفت الجمال والوناسه اللي كانت في مخيلتي قبل اروح وطبعاَ هاذا راي شخصي لي وبديت في مطلع القصيده اللي بقولها لكم وانا في الطياره راجعين للرياض والقصيده تشرح رايي الشخصي ونظرتي الشخصيه وحبيت اني اشارك بها معكم والعذر منكم اذا صار مني اي تقصير [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] بعد السفر والسياحه حانت العوده = عوّدت لارض الوطن ياسرع الايامي رحله وجوله مابين اديار معدوده = اسياحةٍ بين(مصر)و(ديرة الشامي) مع رفقةٍ كل منهم ثابتٍ جـــــوده = ياسعد عين اللذي صاروا له احزامي بالطيب والجود كلٍ مثبت وجوده = افخر بهم واعتذر عن ذكر الاسامي كنت احسب ان السفر من ذاقه يعوده = احسبه يجلى الهموم وزود الاوهامي لاكن شفت السعاده فيه مفقوده = قلته بعد شفت شيٍ صار قدّامي قالوا ترى (سوريا)تلقى بها بروده = سافر ترى ارض الجزيره قيضهاحامي وسافرت مير السفر مابان لي فوده = الجو حرٍ ولاوافق مع احلامي ومنها نصينا اديارٍ دوم مريوده = قالوا تبي تروح رح لديار(الاهرامي) ومن يوم جينا( مصر) والنفس مسدوده = جوٍ ملوّث ومعه ازعاج وازحامي ديرة مرض بالتلوّث دوم مشهوده = من راح (للقاهره)يلزمه كمّامي شعبٍ على النصب دايم يبذل اجهوده = بالكذب والنصب نالوا افضل اوسامي والرجل فيهم(مدامه)دايم اتقوده = تامر وامرها يجي تنفيذه اللزامي وناسٍ تسافر ترى مهيب محسوده = لو كانهم سافرو اسنين واعوامي الرابح اللي قعد مافارق احدوده = يدوج في ديرته مهوب منضامي واناستي فالخلا مهيب محدوده = من داج فالبر يبرى جرحه الدامي يزين ممشاََ بروضٍ تومي وروده = ممشاََ بوسطه علاج الكل الاسقامي شوف (ابدويٍ)يودّه دايم لذوده = اخير من شوفة(المصري)و(الاشوامي) جعل الحيا ربّنا من عنده يزوده = من هل مزنٍ رعوده ترزم ارزامي وصلّو على المصطفى ماهب من نوده = واعداد من زار مكّه لابس احرامي [/poet] اخر تعديل كان بواسطة » ساري الليل في يوم » 08-08-2003 عند الساعة » 21:12. |
03-11-2001, 07:06 | #2 |
موقوف
|
روووووووووووووووووووووووووعه والله ثم والله ثم والله ماهي مجامله انها روعه واني اقراها وفاطس من الضحك بيض الله وجهك ولا هنت يا غالي وتقبل تحياتي |
03-11-2001, 07:33 | #3 |
موقوف
|
اخوي ساري يا ليت تراجع ملفك الشخصي بعد عشر دقايق وتقبل تحيات اخوك |
04-11-2001, 08:19 | #4 |
شـــــاعــــــر
|
ساري الليل صح لسانك ديرتنا الى جاء المطر والربيع والشتاء بعد تسوي جميع اصقاع الدنيا كلها لابرها ولااريافها وقراها,اما الى هبت سموم القيض وصلبتنا الشمس مال الرجال الا يشوف له دبرة ....والا يقعدفيها وغلا الديرة دايم يزود ما ينقص . ما اختلفنا تحياتي . |
04-11-2001, 09:22 | #5 |
عضو شعبيات
|
اخوي الغالي ابو نوت صح بدنك والله لايهينك على قرائتك ومتابعتك للقصيده رغم انها طويله ومره ثانيه لاهنت وبيض الله وجهك |
08-11-2001, 02:32 | #6 |
عضو شعبيات
|
يا سلاااااااااااام .. هذي من اجمل الابياات اللي سمعتها بحياتي... ما في احلى من الوطن وخصوصا اذا كان بلد الحرمين ومسرى الرسول الكريم.. الله يخليلنا وطنا ولا يحرمنا منه ابد... [ نوفمبر 07, 2001: تم تعديل الموضوع بواسطة : ضمير ] |
08-11-2001, 08:25 | #7 |
عضو شعبيات
|
ياهلا الله اخوي ضمير واللي اجمل من القصيده هو اعجابك بها والله لايهينك على المتابعه والرد وتقبل تحيات اخوك ساري الليل |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|