[محمد جفال]

السلام عليكم .. اشتقت لكم وجيئتكم بقصيدة
آمل أن تكون على مستوى تطلعاتكم ..

راح الربيع .. وناش وجه الارض من عقبه شحوب=وحيل الله أقوى والبنادم لو يحاول ماقوى
أقوى مافيه لسانه اللي بأغلب أوقاته كذوب=لو العرب ماهي سوى لو كان اساميها سوى
تعال .. ياللي كل ما احتجتك عن أحساسي تنوب=انت الصديق اللي عليه من الشرف رتبة لوا
تجاهلوك اللي يبون الشمس ترحل للغروب=لكنهم ماينطحون الليل لمنه ضوى
اللي ماغير أصابع ايديهم تفتش بالجيوب=يصدرون الكتب والعنوان عكس المحتوى
لكن بسيطه خلها .. والارض مليانه دروب=لو كان ماهو كل وادي يعتبر وادي طوى
البارحه فكري خذاني صوب والعالم بصوب=بعيد عن جو التنافس والشعر والمستوى
يطرق خفوقي طاري الذكرى وذعذاع الهبوب=أشرب من الدله لكن الراس ماهو من خوا
أدوابي اللي عن دروب اهل الهوى عيا يتوب=واقلبي اللي كل مايذكر مواليفه دوى
دايم على رجم المحبه والهوى شره وطروب=يسمر مع القمرا ويلعب مع ذعاذيع الهوى
ياما على شانه تحملت المساري والدروب=وانا ما اعرف آقف على دربه ليا منه نوى
خصٍ ليامنه طرقني طاري الترف اللعوب=اللي مشاهد غرته لجروح خفاقي دوا
هذاك لو هو ذنب بالميزان ياكثر الذنوب=هذاك لو هو ليل صرت اللي على المرقب عوى
وانا لو أني جيت أعبر عن بعض حال القلوب=اللي شواها البعد حتى عودها الاخضر ذوى
ما كنها الا في سهول الحب قطعان الذهوب=وكم واحدٍ صدر من رسوس المحبه ما روى
وانا بغيت الوصل لكني على البعد مغصوب=وكالة ( أنباء الزمان ) اشعارها ( مالك لوى

[محمد الطنيني]

صح لسانك شاعرنا ...
أجدت كثيراً ، وحلّقت عالياً .
أرجو قبول مروري وتسجيل إعجابي .