[فهد الأحمد]

القريحة صحاري .. والمشاعر جليد = والحنايا رجومٍ قد عوى ذيبها
والقصايد وأنا تقول : ند .. ونديد = كم شهر .. هاجسي ما اشرف مراقيبها
( يالدحيمي ) لك الله وين أنا و(الجديد ) = يبست فياض شعري ويش أسوي بها
عقب راحت عروس الشعر عنق الفريد = ملهمة فكري اللي كنت أغني بها
غادةٍ في خيالي ركبها ما يهيد = ساع أودّع ضعنها .. ضعون تاتي بها
روّحت وتركتني مع غلاها وحيد = في مداهيل ودٍ ما انكشف غيبها
ما احسب اني عليها صرت مثل الطريد = لين سرّتني النسمة ورى .. طيبها
لهفتي مع مديد .. وحيرتي مع مديد = وطرقةٍ ما تضم العطر ما اسري بها
احتريها .. واعشّم في لقاها القصيد = يا عسى لا لفت يقبل يهلي بها
وكان طوّل جفاها واستمر الجليد = من يلوم القريحة ..؟ لو عوى ذيبها !

[صـدى الصـوت]

صح لسانك أخوي فهد الأحمد ويسعدني أن أكون أول من يعانق هذه الباذخة الشعرية
راقت لي كثيراً ولامست احاسيسي سلمت وسلم نبض شعرك العذب
تحياتي لك

[غرم البهيشي]

فهد الاحمد

لله درك ايها الشاعر

نص ينبض بالألم والشاعريه الصادقة الاحساس

استمتعت وارتويت من هذا المنهل العذب القراح

تحياتي لك

[سعيد بن مقبل الأكلبي]

الله الله يابوسلطان
الا جديد وقافٍ فريد
ابوبدر يستثيرك لتطربنا هنا نحن متذوقي الشعر
فلا عجمت ولاهفيت يالقرم

[عنود]

شاعر كبير

[محمد الدحيمي]

الله يافهد الله يافهد
اظلم النص لو اقتبس بيتاً دون الآخر
ان من البيان لسحرا
منظومة عقد فريد من اللؤلؤ
يحق لنا بحق ان نفخر بشاعر بحجم فهد الأحمد
شكراً لله عليك

[محمد الدحيمي]

فووووووووق ياشعررررررررر

[محمد بن حليلان]

جعل فياضك ما تيبس ان شاء الله

الله جاب هالدره قادر انه يجيب المستحيل من الشعر

بيض الله وجهك وصح لسانك مليون

[علي التركي]

ما احسب اني عليها صرت مثل الطريد لين سرّتنـي النسمـة ورى .. طيبهـا

لهفتي مع مديد .. وحيرتي مـع مديـد وطرقةٍ ما تضم العطر ما اسـري بهـا

الله الله
يا ابو سلطان
ونحن هنا سرينا مع رائحة عطرك

لا تبتعد كثيراً أيها السحاب
فـ الأرض عطشى لمطرك

[سالم بن جلعان]

صح لساانك يا فهد
نص مميز من شاعر جزل
كما عهدناك مبدع .....
اشكر ابو بدر على استثارتك لتكتب لنا هكذا نص
ولنصافح هكذا حضور ....
وهوللأمانه ..... ينثر الإبداع اينما حل
ويستثير المبدعين امثالك على هكذا تميز ..

لله درك

تحياتي

اخيك


سالم

[مقدور]

ما احسب اني عليها صرت مثل الطريـد ليـن سرّتنـي النسمـة ورى .. طيبهـا

لهفتي مع مديـد .. وحيرتـي مـع مديـد وطرقةٍ ما تضم العطر مـا اسـري بهـا الله الله ياابو سلطان وعز الله انه مع هالابيات في صحاري مير انها مربعه على مد النظر صح لسانك والله يبارك باللحظه ومن فيها الا خلانا نشوف هالزينه

[عبدالرحمن الهلالي]

هناك من يتميز
وهناك من يتفوق على التميز
وهنا فهد الأحمد يحلق بعيداً
تحية يارجل اطربتني واكثر

[فهد الأحمد]

الرسالة الأصلية كتبت بواسطة صـدى الصـوت

صح لسانك أخوي فهد الأحمد ويسعدني أن أكون أول من يعانق هذه الباذخة الشعرية
راقت لي كثيراً ولامست احاسيسي سلمت وسلم نبض شعرك العذب
تحياتي لك

شرُفت بحضورك .. وسعدت بتعليقك .
ألف شكر ,,,

[فهد الأحمد]

الرسالة الأصلية كتبت بواسطة غرم البهيشي

فهد الاحمد

لله درك ايها الشاعر

نص ينبض بالألم والشاعريه الصادقة الاحساس

استمتعت وارتويت من هذا المنهل العذب القراح

تحياتي لك

أخي غرم / تواجدك سرني .. وزادني شرفا
متعك الله بالصحة والعافية ,,,
تحيتي الصادقة ,,,

[فهد الأحمد]

الرسالة الأصلية كتبت بواسطة سعيد بن مقبل الأكلبي

الله الله يابوسلطان
الا جديد وقافٍ فريد
ابوبدر يستثيرك لتطربنا هنا نحن متذوقي الشعر
فلا عجمت ولاهفيت يالقرم

أبو مقبل
شرفتني يالغالي بحضورك
ولا عليك ولا على أبو بدر زود .
تحيتي لك أيها النقي ,,,