17-10-2006, 07:40
|
#1 |
|
شــاعر
|
قلت انا داخـل عـلى الله ثم علـيك
كنت احلم لين طاولـت السحـاب = وكنت اروي الحلم من شوقي اليـك رشفه برشفـه يليـن القلـب ذاب = ذاب منـك وذاب وده يرتـويـك ذاب وانت اخترت ما لـذّ وطـاب = مـن نبيـذه مـا يرطـب شفتيـك ترتشف كاسي وتعصرني عـذاب = ورغـم ذلك كنت أحس انـي مليـك ملك كسرى لا لمست ام الخضاب =قمت احسه تحت رجلـي ينتخيـك أملـك الدنيا وآمـر في الـرقاب =لكن اني عند رمشينك هـليك لا تنصتني الوسـاع ام الحـراب = قلت انا داخـل عـلى الله ثم علـيك خبني ما بيـن صـدرك والثيـاب = أو ببستان الزهـر فـي وجنتيـك لا تخليـنـي فريـسـه للـذيـاب = والحمـيا ورث مـن جـدك لابيك كيف ما احسب للطعون(امية) حساب = وانت كن همدان تحرس مقلتيـك كنت لا من طال في عيني الغيـاب = اتبع اثرك ليـن اشوفـك والتقيـك ولو يضيع اثرك ويخفيـه التـراب = في بداية دربك اجلـس واحتريـك كنت اجيك من الف سكه والف باب = لاطلبت اجيـك تدري اني بجيـك كنت اجيك بقلب ٍ اسـود ما يهـاب = مـن صناديد ٍمثـل عمك واخيـك وكلما تنطق ( هلا بك ) قلت خاااب = ظـن عـذالي هـلا مليوووون بيك كنت لازليت واخطيـت الصـواب = قلت قصده( ذِيْ ), ما يقصد هذيـك آتعذر لك لـو ان قلبـي مصـاب = ومن غلاك ان قلت هيك آقول هيك ولا أنا.. اقسـم لك بـرب الكتـاب = ما آعـرف انطق سـوا تيـا وتيـك اذكر إنـْك بيـوم زودت العتـاب = دون داعـي واثق اني مشــتريك ورحت عني وأصبح العالم ضباب = والمشاعـر كلهـا تصـرخ تبيـك وغبت لك كم يوم كن النور غـاب =عن عيوني والعـمى أصبح وشيك وصرت اسولف سـالفه تلوي الرقاب =عن حكايه اسمها ( آمـوت فيـك ) وتاليتها جـاي تعلـن الانسحـاب = دون ذنب إلا غـرور ٍ معتـريـك لاجل هذا شوف , راعي الذنب تاب = وحـرم يحبـك وحـرم يشتهيـك صد قلبه عنـك والصـده جـواب = للغـرور اللـي بثوبـه مكتسيـك وان بغيت الجـد , ما فيهـا كـذاب = رح توكـل صار بُعـدك لك شريك ولـو أحبـك بعدها يا( بو الشباب ) = لا تصدقني , وربـي مـا أهتـويك كنت احلم لين طاولـت السحـاب = وكنت ابني الحلم من شوقي اليـك يا حسافه ما ارتويت الا السـراب = انهدم حلمي .... تخيـل وبيديـك |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
