[فيصل الخالد]

السلام عليكم ورحمة الله وبركاته

لجنه واعضاء وجمهور خلف الشاشات نص مباشر " وش عنده الدكتور غسان"

اتمنى ان يصل الى بياض قلوبكم وسامحونا على القصور

*طوّل غيابك .. ولا طريتي الجيّه*
*وأنتي غيابك تعب بالحيل كاويني*

*كيّه واذا قلت لك يا دنيتي كيّه*
*كيّه تنومني .. وكيّه تصحيني*

*كيّة بعادك بقت نيرانها حيّه*
*تلهب خفوقي لهب لأنك تركتيني*

*دمعة وداعك ترى ماهي رومنسيه*
*الا رجاوي .. دخليك لا تخليني*

*حرام شوفي سلامك وسّم إيديّه*
*هجرك خنقني قسم بالله يكفيني*

*الكون زحمة بشر كلن مع وُخيّه*
*وأنا وحيد .. وخيالك مستلم عيني*

*يرسم طيوفك مدى وأفلّها شويَّه*
*وأرجع الاقي طيوفك لاعبه فيني*

*لاجيت أبكتب شعر أكتبني مرثيّه*
*ميّت وأقول الشعر ما بيني وبيني*

*دنياي ما أشعر لها بأيّة أهميّه*
*من دون وصلك أحس الكون ناسيني*

*يافرحتي يا إبتسامة عمري وضيّه*
*يا نعمة الله علي .. يحرم ويعطيني*

*يا كل فيصل أنا عشقي .. بأنانيّه*
*ابغاك جنبي طوال العمر ترويني*

*أرويني أكثر تعبت أضماك حنيّه*
*يحييني قربك وغيره إيش يحييني*

*إن قلت هانت تهون بعين مرضيّه*
*ما تهون عندي الين تجين ترضيني*

*عندي سؤال وأبي رد ك بأريحيّه*
*قولي الصحيح .. واعرفك ما ترديني*

*عليك ربي عطاني صك مِلكِيّه*
*وأنتي بمزاجك كذا وشلون بعتيني*

[محمد الدحيمي]

حجز اووووووووول
ولي عودة
يخرب مطنك ياشيخ

[خالد العروي]

دخووووول مخصوص

صح لسااااااااانك

يافيصل

ولي عودة بإذن الله تليق بالنص وصاحبه

تقديري واحترامي

[الغريبه شوق]

الله عليك يا فيصل

ما زلت مبدع ورائع

صح قلبك

ولا هنت

[احمد عوض]

الله الله

فيصل الخالد في قوافي البوح

يا هلا ومسهلا اسفرت وانورت

معانقه مغموره بالمشاعر مع هذه الرائعه يا فيصل

*كيّه واذا قلت لك يا دنيتي كيّه*
*كيّه تنومني .. وكيّه تصحيني*

كويت قلوبنا ياشاعر


الف صح لسانك

ودام وجودك

؛
؛

[نورة العجمي]

طوّل غيابك يافيصل عن قوافي البوح
وانهمر جمال روحك وصدق أحاسيسك وروعة حضورك
شكراً على حضورك النور ياشاعر
راجيه من الله ان يبدل الله اللوعة
وكيّة الغياب بفرح ومحبة وسرور

أسعدتنا بمشاركتك وعودتك المبهجه لنا
خالص الاحترااااااام

[الجازي]

دنياي ما أشعر لها بأيّة أهميّه*
*من دون وصلك أحس الكون ناسيني*

فيصل ..
يالهذا الغياب الذي حرّض على
كل هذه المشاعر أن تصرخ وتعتب
وتستنكر وتبوح بعذوبة الشعر
سلم نبضك الجميل
أعذب تحية ..

[فيصل الخالد]

إقتباس الرسالة الأصلية كتبت بواسطة محمد الدحيمي حجز اووووووووول ولي عودة يخرب مطنك ياشيخ

البيت بيتك واحنا ضيوفك يابو بدر عد متى ما شئت حجزك اولى مؤكد ومفتوح

بس تكفى لا تنسى التكسيدو الارماني لانها بتكون رمسيه حبتين

هلابد يا بو بدر

[فيصل الخالد]

إقتباس الرسالة الأصلية كتبت بواسطة خالد العروي دخووووول مخصوص صح لسااااااااانك يافيصل ولي عودة بإذن الله تليق بالنص وصاحبه تقديري واحترامي

يا مرحبا يا شاعر وعلى عيني وراسي الله لايهينك

في انتظارك

[فيصل الخالد]

إقتباس الرسالة الأصلية كتبت بواسطة الغريبه شوق الله عليك يا فيصل ما زلت مبدع ورائع صح قلبك ولا هنت

هلا باختي الغريبه وعاش من شاف اسمك

لا تكوني مثلك اسمك وجودك يذكرني في بدايتنا في شعبيات ويذكرني بالشله القديمه
اللهم يرحم راعي العنود وعبدالهادي الخليوي ويرفع عن بن سعيد والمسلمين يارب

هلا بك اشعدني رؤية اسمك لا خلا ولا عدم

[فيصل الخالد]

إقتباس الرسالة الأصلية كتبت بواسطة احمد عوض الله الله فيصل الخالد في قوافي البوح يا هلا ومسهلا اسفرت وانورت معانقه مغموره بالمشاعر مع هذه الرائعه يا فيصل *كيّه واذا قلت لك يا دنيتي كيّه* *كيّه تنومني .. وكيّه تصحيني* كويت قلوبنا ياشاعر الف صح لسانك ودام وجودك ؛ ؛

حبيب البي يابو حميد
لاخلا ولا عدم الف شكر

[فيصل الخالد]

إقتباس الرسالة الأصلية كتبت بواسطة نـــورة العجمي طوّل غيابك يافيصل عن قوافي البوح وانهمر جمال روحك وصدق أحاسيسك وروعة حضورك شكراً على حضورك النور ياشاعر راجيه من الله ان يبدل الله اللوعة وكيّة الغياب بفرح ومحبة وسرور أسعدتنا بمشاركتك وعودتك المبهجه لنا خالص الاحترااااااام

اختي الغاليه
الله كريم يانوره والغياب شي متعودين عليه من مقصر مثلي

ما فيه فايده ما اتوب

الف شكر يا نوره تعرفين غلاك كاخت عزيزه جدا وغلاة شعبيات كبيت واسره عنكبوتيه لي

الف شكر

[فيصل الخالد]

إقتباس الرسالة الأصلية كتبت بواسطة الجازي دنياي ما أشعر لها بأيّة أهميّه* *من دون وصلك أحس الكون ناسيني* فيصل .. يالهذا الغياب الذي حرّض على كل هذه المشاعر أن تصرخ وتعتب وتستنكر وتبوح بعذوبة الشعر سلم نبضك الجميل أعذب تحية ..

اخت الرجال وبنت الرجال الجازي

الف شكر على تواصلك

الف شكر يالجازي لا خلا ولا عدم

[دآم عزي]

*الكون زحمة بشر كلن مع وُخيّه*
*وأنا وحيد .. وخيالك مستلم عيني*


*يرسم طيوفك مدى وأفلّها شويَّه*
*وأرجع الاقي طيوفك لاعبه فيني*


*لاجيت أبكتب شعر أكتبني مرثيّه*
*ميّت وأقول الشعر ما بيني وبيني*


الله يكفيكـ شر الكوآيـآ .. انسـى وربكـ كريم << مـآهيب عـآقله اللي تحل المشـآكل : )

صح لسـآآآنكـ مدد يـ الشيخ


كتبت وابدعت


لآهنت .. ننتظر جديدكـ ~

[منتهى القريش]

*عليك ربي عطاني صك مِلكِيّه*
*وأنتي بمزاجك كذا وشلون بعتيني*

حتى بحزنك مختلف .. عندك روح عذبة شفيفة ..
تهدينا الإبتسامة حتى في عز الألم ..

روح يا شيخ الله يسعدك دنيا وآخره ..