[دوخي الشلوي]

السلام عليكم ورحمة الله وبركاته


اعضاء منتدي شعبيات اقدم لكم هذه القصيده كا اول مشاركه لي معكم

واتمنى ان ترقى الى ذائقتكم

دمعت فرح في عيوني بعد طول الغيـاب=للغايب اللى رجع صوبي وأنا أنشد عنـه
لبست الأفراح بقدومـه لبـوس الثيـاب=أستبشري يالدروب اللـى تمـر وطنـه
عاود شباب الطموح اللي من الوجد شاب=وأسترسل القاف بأفكـاره وجـر لحنـه
من غاب وأنا أتنقل من صواب لصـواب=صواب هـم الفـراق وهرجـه الألسنـه
طرقت بيبان ذكرايـه معـه بـاب بـاب=اللي رثيته بشعري واللـي أبكـي منـه
كنه في بعده يقول اصبر يامـال الذهـاب=أسبـوع وألا شهـر وألا اتصبـر سنـه
ولا بقى عرق في ألا مـن الشـوق ذاب=ورمح المفارق توسـط خافقـي وطعنـه
الدور في مسمعي ينعق عليهـا غـراب=والكون شامه تضايقنـي وضـاق يمنـه
فجر ضلوعي حنيني مثل خلـج الركـاب=على عدود المضامي تسحـب الارسنـه
تشيل جور الضمى وتشيل جور الزهـاب=تاهت طريق النجوع وشوف نشر ظعنـه
وأصيح مثل الغرير اللي بعمـره حسـاب=أول سنه عارضه ضيـم القـدر وغبنـه
يطالـع امـه عليهـا يدفنـون التـراب=كنه يبـي مـن كفنهـا يقطعـون كفنـه
من كثر نوحه مزج دمعه بريقـه لعـاب=والمرضعه ثديهـا عافـه وعـاف لبنـه
شف كيف سويت فيه ياعزيـز الجنـاب=وفاي في روحتـك رجعتـك لـي ثمنـه
أسمح لي أفتح معك باب الرضى والعتاب=من حقك الغطرسـه والكبـر والهيمنـه
لكن من دون حقـي لا تسـوي حجـاب=سير الغـلا ياحبيبـي بالوصـال أدهنـه
شفني بقربك من الفرحه وصلت السحاب=راهنت حظي معك حتـى كسبـت رهنـه
من شان عينك تحديت الضروف الصعاب=قدر ضروف الغلا واللي يصونـك صنـه
يكفيني أعيش من قسوة زمانـي عـذاب=فقران همس الحنان وهمس فاك حسنـه
شوفتك غذى روح يكفي عن طعام وشراب=وهرجتك مطعوم يسبق بالرحاب صحنـه
أجلس هنـا طـاب حظـي معـك طـاب=أمتص شوق الخفوق بضحكتك وأشحنـه

دوخي محمد الشلوي

[سالم بن جلعان]

الله الله الله عليك يا محمد
مليوووووون صح لسانك على الرحله الممتعه
وعلى النص الشعر الخالص
هنا شعر وجزاله وتمكن وشاعريه متدفقه
نص جميل جدا جدا يا محمد
لم يدر بخلدي وانا ادخل ان اجد كل هذا الشعر
وكل هذه الروعه
لي ملاحظه بسيطه على صدر البيت الأخير
يبدو لي انه سقطت منه مفرده بخطأ إملائي
آمل مراجعة البيت واضافة ما سقط منه

لله درك مرة اخرى ....
سأعود الى هنا كثيرا يا محمد

واصل التحليق يا محمد
وسنواصل المتابعه والتصفيق

تحياتي وتقديري ...

اخيك

سالم

[أحمد المحياني]

صح لساااااااانك يا دوخي الشلوي
قصيدة جميلة بحق ..

[نورة العجمي]

صح قلبك
قصيدة وجدانيه تستحق الاطراء والاشادة منا جميعا
ياهلا بك في هذا الصرح الشامخ بنجومه المتميزين
آملين ان تكون احد نجومه في حالة التواصل والمتابعة والمشاركة والتفاعل المُنتظر

فائق احترااامي

[دوخي الشلوي]

صحت ابدأنكم جميعأ وشهاده من الجميع

اعتز فيها

اخوكم

دوخي الشلوي

[حربيه]

صح الله لســااانك

جميــل ما سطره الينـا قلمــك ,,

تحيـاااتي اليك