28-11-2010, 01:15 | #1 |
شــاعر
|
سيـل القصيــد
. . أسرج لك خيول القصيد اللي من اللهفه غدى سيل يتحدر مع شرايين الفواد الذابله لا من طرت لي سيرتك وأغفيت جفني علني أحظى بذيك الصوره اللي فارقتني من سنين يزيدني حر السموم اللي أذاب اخر تماثيلاً رسمها لك خيالا واسعا وانسابت بروحي معالمها أصبحت للروح روح تحسها لا عانقتها وارتمت باحضانها مثل الصغير '' اللي فقد طعم الحنان وذاق طعم المر قبل يميز الأذواق والازوال ولأشخاص من حوله تلد عيونه الثنتين بأحداق العيون اللي تحدق والدموع تلفها وتدفها فوق الجبين هذي بقايا ذكريات أعلنتها قبل المغيب وحدني بيت القصيد اللي رميته داخل أسوار المكان اللي شهد قصة لقا وفراق دون عناق يشفع للغياب ويجبر الحال الكسير '' دامك من أول ناوي الغيبه وتبغى للخطا فرصه تحينها عشان تصير لك معذار تخرج فيه خالي من ملامات الضمير اللي رقد مدري سرى مدري تحت زيفك دفين فرصه وعيت لا تجي لك مثل ما ودك وجبت الغايبه والفتها من نسج فكرك وكبرت ثم عبرت واستوطنت في عقلك الباطن وغاصت وحفرت وأنكرت إنك جبتها حتى على دربك تسير '' لو قلت لي والله عطيتك دون تحسبها خطا أنته على قلبي وكيل تكيل كل اللي تبي حتى ولو تبى الرحيل لا ودعك من غير ما الدمعه تسيل مادام هذي رغبتك غالي ولو تطلب ثمين يا صاحبي ودعتك الله والخطا مسموح لجل تروح ما تنشد عن اللي قد حصل وإن كان في لحظه ذكرت أو يمكن بالك خطرت أنسى وتذكر كل ما ينسيك صحوات الضمير '' شفت الدروب اش كثرها وش طولها هذي تعبر عن مساحات الحياه اللي نبي كلا بيسلك له طريق إما وصل واحة فرح وإلا أنحبس داخل مضيق وإلا رجع صفر اليدين هذي هي الدنيا وهذا طبعها ما تنتظر موعد ولا تبكي على فرقا ولا تاقف لموت احباب وإلا اصحاب وإحنا اللي بها نشقى ولا تبقى وفيها تصطدم أحلام مع واقع مرير . . |
28-11-2010, 13:54 | #2 |
متنبي الشعر الشعبي
|
رد : سيـــــــل القصيــــــــــــد
الله الله الله الله الله ياخالد استاذية على نهج الأساتذه حمد المسردي واحمد الناصر الشايع وسعد الودعاني بحر تعجيزي ليس لطوله فقط ولكن لتمكن صاحبه من جميع ادواته الإبداعيه بحر لا يتقنه الا كبار المبدعين ممن يوزن ويقفي بالفطرة منظومة من اللؤلؤ تزين صدر القوافي ياخالد .. للأخوة الذين صعب عليهم قراءة النص هذا صدر البيت بالقافية سنين
وهذا عجز البيت بالقافية الصغير
اعجابي يابو فراس |
28-11-2010, 18:37 | #3 |
شــاعرة
|
رد : سيـــــــل القصيــــــــــــد
خالد العروي بـ هذا النص اقسم انك تجاوزت حدود الشِعر وعبرت بنا إلى قمم البراعة والوعي والتراكيب نص لابد أن يقرأ أكثر من مره وفي كل مره اثق بأن دهشتكم تتجدد تقديري لشخصك العظيم |
28-11-2010, 19:01 | #4 |
شاعر
|
رد : سيـــــــل القصيــــــــــــد
خالد العروي مساءك شعر واكثر اطربتني يارجل مؤسيقى راقيه بالنص جعلتني اتمايل طربا مع الكلمات واسمع الصوت بها إبداع وإعجاز لله درك وصح الله لسانك تقبل تحياتي واعجابي. |
28-11-2010, 19:34 | #5 |
شــاعر
|
رد : سيـــــــل القصيــــــــــــد
خالد العروي يسلم راسك على هذا الشموخ وصح السانك مدد لا عدد تحياااااااااتي |
29-11-2010, 16:39 | #6 |
شــاعر
|
رد : سيـــــــل القصيــــــــــــد
إقتباس » شاعرنا القدير متنبي الشعر الحقيقة لست متنبي الشعر فحسب بل منصف الشعر لا أخفيك بأن حضورك هنا لا يضاهيه شيء حقيقة هو الفخر بعينه ولي عظيم الشرف إن اسير على نهج هؤلاء العمااااالقة الدحيمي لك من الشكر والتقدير حتى ترضى والمعذرة لا أجد من الكلمات ما أعبر به ، فوجودك دائما يحرض على الشموخ والشعر تحيااااااااااااااتي وتقديري يا جبل اخر تعديل كان بواسطة » خالد العروي في يوم » 29-11-2010 عند الساعة » 16:52. |
30-11-2010, 20:35 | #7 |
شـــاعرة
|
رد : سيـــــــل القصيــــــــــــد
الحقيقة مدهش ياخالد استااااذ اعجااااابي بلا حدوووووود صح قلبك ولسانك |
02-12-2010, 06:19 | #8 |
شــاعر
|
رد : سيـــــــل القصيــــــــــــد
نجلاء الشعر آن لمتصفحي إن يتنفس عبير الورد وعبق جمال هذا الأطراء الذي لا يشبه إلا الشعر كل الشكر لك على هذا المرور الشعر |
02-12-2010, 21:00 | #9 |
شــاعر
|
رد : سيـــــــل القصيــــــــــــد
المبدع خالد العروي حقاً كما تفضل أستاذنا محمد الدحيمي قدرة على طرق هذا البحر الطويل وكذلك قوة المفردة الشعرية ابداع ليس بعده ابداع ، اتمنى لك كل التوفيق تقبل فائق تحياتي |
03-12-2010, 22:47 | #10 |
الدانه بنت عبدالله
|
رد : سيـــــــل القصيــــــــــــد
ماقرأته هنايفوق مستوى حرفي ويفوق ويفوق ويفوق مستوى الحديث...، دائم تأتي ياخالد بكل ماهومختلف .. إعجابي ...(: |
03-12-2010, 22:55 | #11 |
عضو شعبيات
|
رد : سيـــــــل القصيــــــــــــد
خالد العروي .. أندمـاج فكر وأحساس وشـعر .. لله انت يأخي .. صــح ألســـانك ... |
03-12-2010, 23:02 | #12 |
أبو تركي / شاعـر
|
رد : سيـــــــل القصيــــــــــــد
خاااااااالد وفعلاً سيل القصيد مبدع بكل تأكيد |
03-12-2010, 23:19 | #13 |
شـــاعــر
|
رد : سيـــــــل القصيــــــــــــد
نص فاخر ياخالد بيض الله وجهك مثل ماقال شاعرنا القدير محمد الدحيمي نص لا يتقنه إلا كبار الشعراء وبحره صعب جداً ولا كل شاعر ملم به دام ابداعك وتوهجك ياخالد وسلمت لمحبيك وللشعر |
04-12-2010, 00:06 | #14 |
شــاعر
|
رد : سيـــــــل القصيــــــــــــد
خالد العروي ما شاء الله تبارك الله قصيدة عظماء .. كان لي الشرف الكبير باطلالتي على هذه الواحه الفاتنه .. وساعود بكل عطش لقراءتها لك التقدير |
04-12-2010, 14:42 | #15 |
الضغط العالي
|
رد : سيـــــــل القصيــــــــــــد
خالد قرب اشوي خلني احب على خشمك صح لسانك ملاااااااااااااااااااين كان من النادر في الوقت الاخير ان اقرى نص مثل هذا ولاكن بوجودك ووجود الشعراء الجزلين عرفت الشعر باحسن حاله تقبل تحياتي واعجابي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|