24-06-2002, 18:39
|
#1 |
|
الـحـــرّاب
|
لا يدخل الا الخليوي .......... أمزح حياكم الله
الأخ عبد الهادي كنت بوحده وصارت ثنتين الله يعينك انتظر ردك والله لا يهينكم يا شباب لا احد يبخل علي بتوجيهه لأني احتاجه مشكورين وان شاء الله تعجبكم [poet font="Tahoma,5,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""] يا الخليوي أتحرى منك ما جتني رسايل وش علامك يا الخليوي داله عني شوي لا تناسى اللي وعدته و انت ولد(ن) للحمايل صاحبك مل انتظاره كن في قلبه كوي كانك تشوف الشعر . عندي عقيم(ن) و إلا حايل-1 قل صحيحك يا رفيقي لا تغاب و تنطوي الصديق اللي صدقك . و لا هو اللي لك يحايل اللي دايم لك يصدق هذا ما هو لك خوي و أنا والله ما كتبت الشعر . من شان الحصايل و إلا لأجل الشهره اللي يجي لها حسّ و دوي-2 و الله اني ما كتبته إلا في شقر الخصايل جادل(ن) لى يوم غابت انشوى قلبي شوي في هواها قد غدا لي عام(ن) (ف)خير و جمايل قلبها فيني تلوى و آنا قلبي ملتوي حبنا . لا لا تخوّف. حب بالدين يتخايل حبنا حب العفاف و كل عيب(ن) ينزوي أبوي شيخ(ن) ولد شيخ(ن) من عريبين النسايل و هي بعد بنت القبايل من فخرها نرتوي كلنا بالدين نمشي حافظين(ن) للمثايل عشقنا عشق الأصاله ما سمعت : (عشق بدوي) ؟ و بإذن واحد نجتمع في اللي مخصص للعوايل-3 وكل كايد ينكسر لى صار لك عزم(ن) قوي و كان هاللي قد كتبته ما وصل في قول قايل للشعر . ما هوب غصب . المنتدى له يحتوي الوزن شي(ن) مهم(ن) به ينول الشعر نايل و اللي ما يوزن قصيده ما وراه الا ضعوي-4 و لا يهم اللي هوتني وزن . وتعديل الموايل همها فهم المشاعر في قليب المهتوي المنتدى اصل القصايد . و القصايد به أصايل و الشاعر اللي مهتوي يقطع عسير المستوي و أزكى تحيه معطره للمنتدى و أهل الوصايل ربعنا في المنتدى من حضري(ن) و قروي و ختامها صلي وسلم عد ما البارق يخايل (ع)النبي اللي بعثه الله بالهدي السوي محمد الحراب 13/4/1423 [/poet] ========= 1=الحايل هي الحرمه اللي ما تجيب عيال 2= الدوي هو الصوت العالي 3=هذا المكان مخصص للعوائل (هذا من افضل الأشياء الموجوده بديرتنا) 4=من المقولة الشعبيه (ما عنده الا الضعوي) و مشششكورين يا شباب على حسن تعاملكم اخر تعديل كان بواسطة » محمد الحراب في يوم » 24-06-2002 عند الساعة » 18:43. |
|
|
|
24-06-2002, 18:53
|
#2 |
|
الـحـــرّاب
|
الأخ عبدالهادي العذر و السموحه والله ما دريت عن السالفه الا بعد ما نزلت المشاركه والله يجعلها حاسمة الشر و يشفي الجميع آمين آمين آمين |
|
|
|
|
24-06-2002, 20:18
|
#3 |
|
رحمة الله عليه
|
- اخوي الغالي والشاعر العذب / محمد الحراب - صح والله لسانك وتسلم يمنك - قصيدة - رائعة وقوية - ابشر بالرد على القصيدة - وجعلك سالم وغانم - والله يسلمك ولاتشوف مكروه في قريب ولا حبيب والامور ابشرك انها سلامات ولاهنت طال عمرك - اخوك / عبدالهادي الخليوي |
|
|
|
|
25-06-2002, 16:29
|
#4 |
|
شـــاعــر
|
أخوي محمد الحراب حبيت أسج ل حضوري يالغالي صح لسانك ولا هنت على هذه الطيبه من وجه طيب .. أكيد أبو فهد ما راح يبخل عليك بتوجيهاته .. تقبل تحياتي ,,,,,,,,,, أخوك / عبدالله مران |
|
|
|
|
25-06-2002, 21:06
|
#5 |
|
الـحـــرّاب
|
الأخ الغالي عبدالهادي مشكور على ردك في هالوقت واكرر اسفي والف شكر =============== العزيز عبد الله حضورك شرف كبير اعتز به و ما لنا غناة لا عنك ولا عن ابو فهد والله يسلمكم جميع |
|
|
|
|
28-06-2002, 13:35
|
#6 |
|
رحمة الله عليه
|
- الاخ الشاعر / محمد الحراب - اعذرني على هذا الرد واللي حقيقة ماياصل الى مستوى قصيدتك ولعل القوافي كانت صعبه شوي ولا خليت منها شي  بالكود لحقت منها القليلوالعذر اذا فيه بعض القوافي تكرر0 [poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""] ياهلابك يامحمد عد همال الهمايل"=" وعد مالاحت بروق الصيف من دهم النوي مانسينا طال عمرك والعلوم لها دلايل"=" ومن يشاور زان علمه اشهد انه ماغوي وانت شاعر لكن اصبر والصبر باب الفضايل"="يابديع القاف لاتجزع وتاقع وتهوي والشعر مايرفع الهافي ولاعذرب صمايل"="مانعده راس مال ولانعده مقنوي والهوى ياما وياما شب جمره في الفتايل"="ويجعل العاشق على المرقاب يقنب ويعوي والسلام اختام هرجي والتحية والنفايل"=" من ضميرٍ قالها لك عد رعاد النوي [/poet] اخوك / عبدالهادي الخليوي |
|
|
|
|
29-06-2002, 13:50
|
#7 |
|
الـحـــرّاب
|
الأخ عبدالهادي صح لسانك ولا هنت و الحقيقه شرف لي ان ترد على محاولتي وغطيت عليها الله يهديك ومشكور لاهتمامك محمدالحراب |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
