07-04-2002, 00:14 | #1 |
شـاعـر
|
رســم الكــلام
السلام عليكم .. ومساكم الله بالخير المشاركه الثانيه .. رسم الكلام ياهقاوي مات سلمك كم غدالك كم بقالك .............. يوم طرق العرق نازف سمّ عرقٍ مايصدي ان رضيت الهم قلته وان ماقلته قام وقالك .............. يلمح فـ عينك جليسك هاجس يجيب ويودي والمجامل كذبه بيضاء دونها شيٍ طرالك ................. والصدوق من النوايا ياعسا علمه يهدي والزمان اللي رماني في يدين الوقت هالك .............. ماسقاني من قراحه لو سقيته عذب شهدي يازماني كان باقي في حشاي طعون فالك ................... لاتلوم الوقت كانه انجرح سيفه بحدي لا حشا ماقلتها لك لاجل خايف من سؤالك .................... لكن اللي ماهقيته بيّح فـ مكنون سدي وادري اني لو شكيتك فزّ غيري واشتكالك ................. كن حظي بيد شارد عايشٍ ايامه ضدي ولو هو جاء شرقك لغربك مع جنوبك وشمالك .............. والله انك ماتساوي دمعةٍ شابت في خدي وانت ياللي تحتريني مسهرٍ نجمة خيالك .................... لاينام الليل دامه مسهرٍ جزري ومدي كفّ دمعك عن عيونك ليه عزيز الدمع سالك .................... مابقى للكحل دمعه تنتخي بلمس يدي وخذ مكانك في ظلوعي هاذي نارك ذي دلالك .................... كل عرقٍ بالحنايا واسمك بدمه يندي وان خذيت العمر كله من يردك عن حلالك ؟ ................ دامني حي ٍ واحبك فابشر بعمري تفدي الله اللي ساقني لك اتفيّا في ظلالك ................. ولا غيرك كم تمنّا يرتشف فنجال ودي والعذول اللي يخايل بارقه يحجب هلالك .............. تدري انه ماهو قدّك وادري انه ماهو قدي مره عيني ترتويني وتنقش فـ قلبي جمالك ............ ومره قلبي يرتوي بك ويعلن لعيني التحدي جيت تمشي فوق رمشي واشهد ان الرمش شالك ........واللي شفته تحت رمشي هذا طيفك ماهو سهدي جيت صوره في عيوني وليت هاللي جاني جالك ................ كان شفت شلون عاشق عيّا ليله لايعدي كنت اجهل قبل اعرفك وشهو مغزا (كيف حالك؟) ......... ومن عرفتك صرت اجهل كل جرحٍ مستجدي واذكر انك كنت تضحك لا تغلّيت بوصالك ......... ماخذيت حساب صدّك ولا خذيت حساب صدي كنت ترسم من كلامي كن رسمي ماحكالك ........ وكان همس الحب حاير في رجا صمتك وردي لين طاحت في يديني وردةٍ تشكي همالك ............... واكتبت للمزن قصه ماقراها غير رعدي ولو فيافي روض نجدٍ غرّها نرجس وشالك ............ ماتخيّر غير شمّك واشهدي بوعدي يانجدي ولاتقول اني وفيتك يوم جزل الشعر طالك ................ العشم في قلبي اللي وافيٍ من عهد جدي وسلامتكم خالد التميمي [ أبريل 06, 2002: تم تعديل الموضوع بواسطة : خالد التميمي ] |
07-04-2002, 03:00 | #2 |
عضو شعبيات
|
خالد التميمي ......... قصيده جميله ياخالد ........ ولاتقول اني وفيتك يوم جزل الشعر طالك ................ العشم في قلبي اللي وافيٍ من عهد جدي بيت رائع جدا جدا ....... لك تحياتي .... |
08-04-2002, 00:47 | #3 |
شـاعـر
|
زوربا .. ان كان للقصيده جمال .. فهو وجودك اشكر لك التعقيب تحياتي |
08-04-2002, 03:46 | #4 |
شـــاعــر
|
خالد ما راح تمر مرور الكرام ..... راح أرجع لك بأقرب فرصه وهذا وعد . أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 (2)- http://www.eqla3.com/cgi-bin/sh3r/ul...c&f=5&t=000864 (3)- http://www.eqla3.com/cgi-bin/sh3r/ul...c&f=5&t=001095 |
08-04-2002, 07:44 | #5 |
رحمة الله عليه
|
- الاخ الشاعر / خالد التميمي صح والله لسانك وتسلم يمينك قصيدة تستحق الاشادة وتستحق الاطلاع * ياهقاوي مات سلمك كم غدالك كم بقالك .............. يوم طرق العرق نازف سمّ عرقٍ مايصدي - مطلع قوي لقصيدة قوية وشاعر متمكن - تقبل تحياتي - اخوك / عبدالهادي الخليوي |
08-04-2002, 21:13 | #6 |
شـــاعــر / صــحفـي
|
ولو فيافي روض نجدٍ غرّها نرجس وشالك ............ ماتخيّر غير شمّك واشهدي بوعدي يانجدي الله يا خالد عطر جميل رائع رائع هذا البيت |
08-04-2002, 21:47 | #7 |
شــاعـر
|
السمى خالد الله يحيك مرحبا مليون صح لسانك ولك تحياتى |
09-04-2002, 02:06 | #8 |
شـــاعـر / عـاشــق سهر
|
خالد التميمي والله والنعم وصح لسانك مليون ولو هو جاء شرقك لغربك مع جنوبك وشمالك .............. والله انك ماتساوي دمعةٍ شابت في خدي ولو هو جاء شرقك لغربك مع جنوبك وشمالك .............. والله انك ماتساوي دمعةٍ شابت في خدي ولو هو جاء شرقك لغربك مع جنوبك وشمالك .............. والله انك ماتساوي دمعةٍ شابت في خدي ولو هو جاء شرقك لغربك مع جنوبك وشمالك .............. والله انك ماتساوي دمعةٍ شابت في خدي تامر شئ تحياتي مرزوق البديري |
09-04-2002, 11:12 | #9 |
شــاعر
|
السلام عليكم ورحمة الله وبركاته ================================================= وان خذيت العمر كله من يردك عن حلالك ؟ ................ دامني حي ٍ واحبك فابشر بعمري تفد |
09-04-2002, 12:48 | #10 |
عضو شعبيات
|
راااااااااااائع جدا يالتميمي صح لسانك ولاهنت يالغالي.. |
09-04-2002, 18:01 | #11 |
شــاعر
|
صح لسانك مليون اخوي خالد قصيده جزله بمعنى الكلمه كنت اجهل قبل اعرفك وشهو مغزا (كيف حالك؟) ......... ومن عرفتك صرت اجهل كل جرحٍ مستجدي الله الله بيت معناه في غاية الجمال والعشاق كل يوم في حال تقبل اعجابي وتحياتي |
10-04-2002, 12:59 | #12 |
عضو شعبيات
|
جيت تمشي فوق رمشي واشهد ان الرمش شالك ........واللي شفته تحت رمشي هذا طيفك ماهو سهدي التصوير في هالبيت جميل ,تم به جمال القصيده صح لسانك تحياتي لك |
10-04-2002, 19:41 | #13 |
شـاعـر
|
عبدالله .. مرحبا بك عدّ مادخلت شعبيات المحل محلك .. ولاهنت اخوك / خالد |
10-04-2002, 19:45 | #14 |
شـاعـر
|
عبدالهادي الخليوي .. صح بدنك .. ومن قال سالم شهاده عزيزه من اخ عزيز اسعدني وجودك خالد |
14-04-2002, 19:56 | #15 |
شـاعـر
|
اخي محمد البريكي .. صدقني انك عطرت الموضوع في مرورك .. تقبل تحياتي .. تشرفت فيك خالد |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|