10-08-2003, 19:24
|
#1 |
|
أطــلال
|
موضوع يستحق القراءة
اهلين للجميع هنا وهذي مشاركة اتمنى اكبر عدد يقرأها ويستفيد منها عبارة عن قصة واقعية ممتعة وفي نفس الوقت مؤثرة جداً ..تحمل كم من الحزن وتحتوي على الكثير من العظات .... قرأتها في احد المنتديات وحبيت انقلها لكم لتعم الفائدة ..... وبما أنها قصة طويلة جداً فسأوردها على اجزاء واتمنى تتابعونها لانها فعلاً قصة رائعة ومفيدة وهذا هو الجزء الاول نقلته حرفياً كما هو من المنتدى .. يعني ممكن يكون فيه اغلاط  الطـــفــــولة انا تربيت وسط عائلة كبيرة الحمدالله . لي ثلاثة اخوان اكبر مني وثلاث اخوات ايضا . والدي رحمة الله عليه كان رجل متوسط الحال ولكن الحمدالله علمنا وربانا احسن تربية . وامي الله يخليها ما كانت تقصر عنا باي شي . المهم . كنت في هاذا السن لا اهتم لاي شي الا المدرسة كانت هي الهم الوحيد اللي دائما نحسب له الف حساب . اتذكر اننا كنا نسكن في حارة في اطراف مدينة الرياض . وكنت في المرحلة الابتدائية وتحديدا بالصف الخامس الابتدائيه . واخواني ماشاء الله . الاثنين الكبار كانوا في الجامعة ..واللي بعدهم كان بالمتوسطة ..اغلب الجيران كانوا من اقاربنا . يعني البيوت مفتوحة ابوابها طول النهار ..هاذا يدخل وهاذا يظهر ..وبدون أي كلافة بينهم ..اذا فيه مناسبة عند احد ..كان الكل موجود .لابداء الخدمة ومساعدة الجار . او القريب ..واذا جاء الصباح .طبعا كلنا في مدرسة وحدة . واحيانا يجمعنا نفس الصف ..واذا رجعنا من المدرسة ووصلت البيت . الين الوالدة كانت طبعا في المطبخ . تجهز الغداء لحين رجعة ابوي . اذا كان خارج المنزل .. او رجهة اخواني الكبار من الجامعة .. بعدين نجتمع على سفرة وحدة . وناكل الغدا . وحسب الجو . اذا كان في الصيف الكل طبعا يحاول ينوم شوي قبل العصر .. والا ايام الشتاء . قصيرة وباردة .. يفضل فيها . الجلوس في الشمس .. للتدفئة . والسوالف . المهم ..بعد ان انتهيت من المرحلة الابتدائية ..كان اخواني الكبار قد خلصوا الجامعة . والتحقوا بالوضائف الحكومية . وانا خلصت الابتدائية . وتم تسجيلي في المرحلة المتوسطة .. اللي كان اخوي الكبير . يشغل منصب الوكيل في المدرسة . باع ابوي البيت . واشترى بيت في وسط مدينة الرياض .. وبعد الانتقال الي وسط المدينة . تغير الجيران . والحارة . وصرت تقريبا مثل الغريب بين عيالها . بعد البداية في الدراسة . طبعا افتخر واقول ان اخوي هو الوكيل .. وفي نفس الوقت . كنت اخاف انهم يظلموني المدرسين . ولا يعطوني حقي . لاثبات انهم لا يهتمون بالمنصب اللي يشغلة اخوي بالمدرسة .. حصل لي الكثير من القصص ايامها . اتذكر مرة من المرات . كان فيه الطلبة اللي على وشك التخرج من المعاهد التعليمية او الكليات .. كانوا يجون ويتدربون على التدريس عندنا في المدرسة .. المهم كانوا زملائي في الفصل يمزحون معي دايم ويسموني ( الواسطة ) فسأل المدرس المتدرب وقال ليه تسمونه الواسطة .. تلقف واحد منهم وقال هاذا اخو الوكيل ..وطبعا قعدنا نضحك .. لان الدرس كله كان ضحك ومزح ونوع من التعارف مع المتدرب الجديد ..بعد ما خلص الدرس طلع وقابل مدرس المادة اللي بعدها وبالصدفة كان مدرس الانجليزي ..وقال له فيه واحد يقول انه اخو الوكيل . ومسمينه الواسطة ..ولا احد يقدر يقول له شي .. دخل علينا وكالعادة نقوم لتحية المدرس . جاء عندي وقال خلك واقف . قلت ليه يااستاذ . ما رد علي عطاني كف احس بحرارته لين الحين ..وقال رح لاخوك وقل له ان ما احد يقدر يسوي لك شي . انا طبعا ياغافل لك الله ما ادري انه مقابل المدرس الاول وهاذاك قال له كل اللي دار بالفصل .. وبعد ما طلعنا من المدرسة . ركبت مع اخوي بالسيارة رايحيين للبيت طبعاّ . قال ليه المدرس الفلاني معطيك كف اليوم .. قلت والله مدري . قال انا اقول لك .. انت قايل للمدرس اللي قبله ما احد يقدر يسوي لك شي بالمدرسة عشان اخوك الوكيل .. صح ؟ قلت لا والله بس كنا نسولف والعيال قالوا هالكلام من باب المزح بس .. سكت وسكت انا والحقد على المدرس كان بيفقع صدري .. لكن للاسف هم يجون مرة وحدة بس اعتقد .. . ما خلصت هاذيك السنين وانا اشوف . لاني فعلا تعقدت من الواسطات كلها .. اذا سويت أي شي طاروا المدرسين الملاقيف وقالوا لاخوي الكبير ..بس اقول لكم بصراحة دفوني شوي بالدرجات ..لين الحمدالله تخرجت من المتوسطة ..وبتقدير جيد جداّ بعد .. البقية في الجزء الثاني ...قريبا .. وتقبلوا خالص تحياتي .. اختكم جروح |
|
|
|
10-08-2003, 20:04
|
#2 |
|
شـــاعــر
|
يعطيكي العافية أختي جروح وبإنتظار الواسطة قصدي الجزء الثاني  |
|
|
|
|
13-08-2003, 01:31
|
#3 |
|
عضو شعبيات
|
يعطيك العافيه ياجروح ولأهنتي وبالفعل موضوع يستحق القراءه وبنتظار الجزء الثاني وتقبلي تحياتي الخويطري |
|
|
|
|
14-08-2003, 18:21
|
#4 |
|
أطــلال
|
اخوي فهد العيد : حياك الله وسعيدة بوجودك وردك والجزء الثاني في الطريق .. قصدي الواسطة بس ماني شايفة الموضوع ماخذ حقه من القراءة  اخوي الخويطري : يا هلا والله واله لا يهينك مشكور على الرد والحضور ومثل ما قلت الجزء الثاني قريب بس خلهم يردون على موضوعي  تحيااتي لكم اختكم جروح |
|
|
|
|
15-08-2003, 13:42
|
#5 |
|
..
|
<<<<<< من اول ما نزل الموضوع وهو متابع في نفس الوقت ينتظر الحلقه الثانيه جروح عجلي علينا الهمام الذنب ماهو ذنبنا اذا ماردو حنا متابعين تحياتي لك |
|
|
|
|
15-08-2003, 13:55
|
#6 |
|
موقوف
|
8 8 8 8 8 8 8 8 8 8 8 8 8 8 8 8 8 8 8 8 8 8 8 8 8 8 8 8 8 8 فديت خشمك يا جروج تبيني اغير توقيعي  |
|
|
|
|
16-08-2003, 06:56
|
#7 | ||
|
أطــلال
|
إقتباس:
الدحمي توك ترد لا ويقول بعدإقتباس:
ويبي الجزء الثاني .. معصي <== جتها الحالة :": طيب ولا يهمك بس مو الحين <== تبي ترفع ضغطه ههههههههههههه شعيفان انت الى الحين حي خخخخخخخخخخخخخخخخخخخ <== مضيعة  اقسم بالله انك مضيع ...... وش تبي ... وش انت مضيع يا مصللللللللللللك :": بس صراحة لازم اشكرك . تدري ليه ؟؟؟؟؟؟ عطيتني وجه وحسستني ان لي كلمة هنا  بس على فكرة ضحكتني صورتي مخليها موضوع بكبرها ههههههههههههههههههههه تحياتي الموقعة |
||
|
|
|
|
20-08-2003, 02:00
|
#8 |
|
أطــلال
|
اهلين يا حلوين روحوا هنا وتلقون الجزء الثاني http://www.sh3byat.com/vb//showthrea...&threadid=5881 تحياتي للجميع |
|
|
|
|
20-08-2003, 21:34
|
#9 |
|
شـــاعرة
|
مساءك خير ونور موضوعك جميل جروح واختيارك في محله ووفرتي المشاوير بالرابط على الموضوعين تسلمين عزيزتي تحياتي |
|
|
|
|
24-08-2003, 06:27
|
#10 |
|
أطــلال
|
هلا والله وغلا بالنور حياك الله ومساءك روعة كروعة حضورك وردك يا غالية تحياتي ولك كل الود اختك ....جروح |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
