|
اخوي الغالي
محمد العمري
اسف ياخوي لكن عندي بعض الملاحظات وللاسف راحت عن بالي في ردي الاول
اخوي المجلات ذي صدقني مهوب اهتمامها في الشعر فقط
انا معك يجيبون قصايد لخلف ومقابلات لمستور العصيمي
لكن اخوي انا بنظري ان المفروض يكون اكبر نصيب من المجله للشعار امثال
(احمد الناصر...خلف ابن هذال..شقير الجدع..الخخخخخخخخ)
ومن غير قصور في باقي الشعار لكن هذولا الي كانو على بالي
لكن الي اشوفه من المجلات الي تدعي انها تخدم الشعر النبطي
في كل عدد تلقاهم مسوين مقابله مع احد رموز الشعر النبطي لايتجاوز سطرين (والله اني اشك انها مقابله)
وباقي صفحات العدد قصايد للشاعر (؟؟؟؟) وصور للشاعره (؟؟؟؟)
بيني وبينك ياخال اكيد ان الشاعره الي في بالك هي الي في بالي
بالله عليك هل من المنطق انك تتكلم عن احمد الناصر بصفحه
والشاعره الفلانيه
6 صفحات
وياليت الموضوع الي تدور حوله المقابله يكون موضوع شعري او ادبي
لاااااااااااااااااااااااا
متى تبين تعرسين؟
وشي الاشياء الي تبينها في زوجك ؟
خييييييييييير انشاء الله
ياخال المجله الي يكون عنوانها الشعر النبطي لازم يراعون انها مجله يتابعونها كبار السن مثل برنامج الباديه والاثير
تخيل رجال عمره 50 سنه ماسك مجله ويطالع بصورة الشاعره ويطلع على اشعارها الي ماادري وش تبي ؟
لا ويشوف منهو فارس احلامها
وبعدين ياخي الشي الغريب
ياخوي يحسبون العالم مهابيل ...... مثلا
الشاعر والفارس (تركي ابن حميد)
شاعر وامير وفارس معروف
لو تدخل بنشر وتطلب كتب تحتوي قصايد ابن حميد تبي تلقا<==== صيغة مبالغه
ومن اشهر قصايده
نومك طرب والا انا بنومي هواجيس
.............................................وماسه رك بالليل كثر الهمومي
قصيده تعتبر من اقوى القصايد الي مرت علي
وفي نفس الوقت القصيده معروفه بشكل غير طبيعي
يعني تلقاها في الكتب وعلى السنة الرواة
مره من المرات لقيت مجله ماودي اذكر اسمها
كاتبين على الغلاف
(قصيده للشاعر والامير والفارس تركي ابن حميد... والقصيده لاول مره تنشر)
انا طول الله عمرك رحت وشريت المجله وانا مغمض ....لاني من الي يقدرون قصيد ابن حميد
لكن يوم شريت المجله وفتحت على صفحة القصيده
لقيتها
(نومك طرب والا انا بنومي هواجيس)
القصيده ذي والله اني جدتي حافظتها
لا والي اكبر واطم ....كانت المجله في بيت حفيد ابن حميد
وطبعا جابو القصيده ذي بالواسطه
يعني كانهم طلعو سر من اسرار التاريخ
والقهر ان كل هذا كذب في كذب
بس يبون يجرون الضعوف ويشرون المجله
ومن الحركات الي يسونها لجذب الزباين
مره من المرات لقيت صوره لخلف ابن هذال وكان واقف بالصوره وخلفه سيارته الي هي(مرسيدس) ومكتوب تعليق جنب الصوره
خلف ابن هذال
سيارتي هي
المرسيدس والفكس اار واللكزس <====الخخخخخخخ
والمصيبه مدخلين صورة احد الممثلات المملوحات ومخلين الممثله كانها قاعده على شنطة المرسيدس حقة خلف
اول ماشفت الصوره انهبلت قلت افاااااا حتى خلف خربها
لكن بعد مافتحت المجله تاكدت انها حركه لجذب الزباين
وانا انصحكم يااخوان لايغركم بعض العناوين
ترى الدعوه مغير لعب على الدقون
وبعدين ياخال مافرقت 10 ريال او 20 او 30
انت بتدفع المبلغ ذا بالشهر مره وحده بس
لكن القهر اني احط فلوسي بشي مايستاهل .... او احس انه انلعب علي
على العموم اسف على الاطاله
وتقبل تحيات اخوك
عزيز
|