|
عزيزي
مجله <========= لاتشتريها
اي كان الاسم
وماهوب شرط ان المجله الفلانيه كل شعارها مايستاهلون
لا فيه شعر جيد وجزل
واختيار القصايد او التذوق الشعري شي مهوب صعب الى هالدرجه
لكن للاسف صارت مجلات سامجه الى ابعد الحدود
الي لفت انتباهي انهم ناشرين في احد المجلات رسايل من معجبات (بنات)<== اجل عجز
للفنان الجميل الوسيم ال.... جواد العلي
ورسايل والله تضيق الصدر
يعني الى الدرجه ذي وصلنا؟؟؟؟؟؟
للاسف الشديد ان القائمين على المجلات ذي ودك يربطون ويمنعون من الكلام بعد
والشي الي يقهر ويرفع الضغط
في جريدة الجزيره قبل اسبوعين قريت مقال في (مدارات شعبيه)
لواحد باسم مستعار
ويقول
ان مواقع الشعر على صفحات الانتر نت للاسف الشديد فاشله
وفي الحقيقه ان اكثر الي قايمين عليها هم من الي فشلوا في الصحافه.
هاه ياجماعة الخير وش تقولون لذااااا ؟؟؟؟؟؟
اشوى ان بنفس الصفحه الي فيها المقال ذا منشوره قصيده وفيها كسور ماتنجبر
انا من رايي مقاطعة المجلات ذي
وفي الحقيقه اكثر الي يهتمون فيها من المراهقين
والمجله تهتم بالمراهقين اهتمام شديد
والدليل تلقا على غلاف المجله مثل العنوان ذا
(المشاكل الجنسيه لدى النساء)
عاد تخيل مراهق يقرى العنوان ذا ؟؟؟؟
ان مااشترى المجله يبي يسرقها
اما بالنسبه للشعر فيكرم الشعر واهله
والانترنت اشوف انه فضح الصحافه الداجه
ادخل على احد المواقع الي تهتم بالشعر واقرى قصيد شعار الموقع تدري ان الي في المجلات والي قايمين عليها (هنود)
وللاسف الشديد حتى شعارنا صاروا ينعرفون عن طريق غيرنا
في برنامج ديوانية شعراء النبط في قناة الكويت قبل 3 اسابيع استضافوا شاعر .. وقالوا انه من المملكه العربيه السعوديه
قلت اكيد خلف ابن هذال او احمد الناصر او اي شاعر معروف
لكن للاسف
شاعر موهوب
وقصايده جزله لابعد الحدود
ورجال يخاف الله وملتحي
واسمه على مااعتقد (خالد العتيبي)
وين الصحافه عن الشاعر ذا ؟؟؟؟؟؟؟؟؟
والا علشان انه يخاف الله ؟؟؟؟
والا مامدح جواد العلي ؟؟؟؟؟؟
مااقول الا الله يصبرنا على صحافتنا
واتمنى من الي يعرف الشاعر العتيبي يعطينا كل مايعرفه عنه من معلومات
شاعر جزل واسلوبه في الالقاء جيييييييد
اتمنى له التوفيق
واسف على الاطاله
|