25-03-2002, 00:46 | #1 |
جاسر الحربي
|
معنى قولهم // يثني عنـــــــد التــــــــوالي !!!!
السلام عليكم ورحمة الله وبركاته 00000 اســـــعد الله أوقاتكم بكل خير 00000عساكم بخير وعافيه جميعا 00000 وكل عام وانتم بخير ولو انها متأخره 000000 بسم الله / <font color="Blue">اذا انهزم القوم تتبعهم الغالب يقتــل ويأســر, وكل المنهزمين لاهٍ بنفسه يحتال لنجاته.( يعني كلن يقول نفسي نفســــــــي 0000000) الا أنه يوجد أحيانا بين المنهزمين فارس شجاع رمّاء يصيب أهدافه فإذا أهاب به قومه لحمايتهم حتى يجتازوا عدوهم فإنه ينزل عن راحلته ويختفي تحت شجرة وشبهها فيشغل المغيرين بالرمي ويرد الخيل عن اللحاق بجماعته فإذا رأى أن جماعته نجوا من الطلب لحق بهم ركضا على الأقدام. فإذا كان لهذا الفارس الرمّاء عشيقة ( العشق عند العرب ينتهي بالزواج ) قالوا له: حـــــــول لعــــــيـــون فــــــــــلانة !! أي انزل عن راحلتك وأشغلهم عنا بالرمي حتى نهرب لأجل خاطر عشيقتك فـــــــــلانه !! (يوهقونه يعني وهم ينحاشون 000000000أمزح) فإذا سمع الفارس هذه الكلمة استمات وفدى بنفسه وإذا وصل الخبر إلى العشيقه (تعلقت به حباً ) ولم تطمح لغيره. ( هذا أحد مقاييس البدويات أول للرجال 0000مو مثل هالوقت 000000مالت 0000000برضه أمزح) أما السالفه فحصلت (لسعود) أحد جماعة حميد المقاطي نشأ سعود يتيما عند أبناء عمه. وهناك فتاة ابنة عم لأولياء أمر اليتيم سعود كل منهم يطمح إلا أنها تفضل اليتيم ســـعود عليهم ( يعني على بلاطه تحبه 000000000) وفي عزوة لهم على قحطان حصلت لهم هزيمه من القحطانيون حتى صارت المطمعه في الجيش (الركاب ). فكانت هذه الحادثه فرصة سعود إذ نزل عن راحلته وحمى فلولهم ( يعني ما قصر000وثنـــالها عند التــوالي ) حتى طار صيته وأثنى عليه القاصي والداني مما أوغر صدور بني عمه حسداُ له على حظوته من بنت عمهم ( مالهم حق الصراحه 0000بس البنيه مزيونه تستاهل ). وبهــــــــذه المناسبه قال ســـــــعـــــــود:</font> <font color="Red">هيه يا راكبين الحـــــــــول ** كان طاب الغضــــي طبنا يفتشل ناقض المجــــــدول ** ان غزينــــــا ولا جبنــــــا ليت من ينشد المجـمــــول ** ويش ظنـــه الى غبنــــــــا ويش عـــذري منه بالقـول ** كــــان وخذت ركايبنــــــا</font> <font color="Black">هــــذا العلم وسلامتكم0000 تحياتي العاطره0000 المهــــــند</font> |
25-03-2002, 22:03 | #2 |
رحمة الله عليه
|
هلا وغلا بالمهند تسلم يابعدي على هالمواضيع الروعه وفعلا ياخي زود على ان من اول فيه رجال صح .. كان فيه حريم بعد ياخي معقوله ان البنت ماتبي الا الي شجاع ومستميت وراعي مغازي والله صدق من قال (الاولين مابقو للتالين شي) الحين ياخوي رح لاي موقع او اي مجلة شعر وشف غزل الحريم او البنات بالذات .... شف بايش تتغزل ؟؟؟؟ تتغزل بالشفايف .... شفت وش لون تتغزل بشفايف رجل لاتحسبني امزح وانا اخوك ... والله ان اشهر شاعرات الساحه الحين تتغزل بالشفايف ومعروفه ... عادي ماعلينا تتغزل انشاء الله بمقفاه لكن القهر ان لها جمهور ومتابعين .... يعني اذا نزلت لها قصيده انهبلو العالم تقول انها موضي الدهلويه ومن اول فعلا شف غزلهم كيف ؟؟؟؟ عندك عقاب العواجي الله يرحمه ويغفر له احد اشجع فرسان الجزيره العربيه .. كان غزاي يم دياركم المهم طلعتو عليه وتذابحتو معه هو والي معه .... ومن ضمن الي معه واحد ومات يوم رجع عقاب على ديرته ويقابل مرة الي مات قاعده على مدخل الديره تحتري الشوق وتقوم لعقاب العواجي وتقوله ياعقاب ياحبس الضعن بالقا الشين.... يالي حريبك بالهزيمه يمنا عينت ذيب الخيل يوم الاكاوين.... نور العيون بغيبة الشمس عنا هو سالم والا رموه المعادين ... ياعقاب خبرني تراي اتمنا ورد عليها عقاب يابنت يالي عن حليلك تسالين... حنا لنا ناس يسالون عنا واستمر بقصيدته ومن الي قاله بعد ليتك تراعي ياعذاب المزايين.... يوم ان عيدان القنا يطعننا منا حليلتس طاح بين المثارين.... في ديره فيها الوضيحي تثنا وقلايعي من نقوة الخيل عشرين... ايضا ولا فيهن ثبار وثنا وارسي لهم يابنت وانتي تعرفين ... وكم خير من راس رمحي يونا وهذا دليل على ان الشي الي قاله عقاب يبي يخفف من مصاب البنت وماقصرت يابعدي |
25-03-2002, 23:34 | #3 |
رحمة الله عليه
|
<font color="Purple"> أخوي :المهند..............الله يعطيك العافيه ويسلمك على هالطرح الطيب يابعدي ...وحقيقة إنها عندنا حاصله بس بالعكس اللي عنده فلوس أكثر هو اللي يتفاخر به بكل أسف راحت المرجله والشجاعه...شكرا لك ياعزيزي والله يسلمك ... وأستئذنك بأن أشكر أخوناعزيزعلى تعقيبه الطيب وللجميع حبي وتقديري........ </font> |
26-03-2002, 00:42 | #4 |
جاسر الحربي
|
<font color="Black">السلام عليكم/ هلابك أكثر عزيز 00000 تسلم على هالتعقيب اللي أحسن من الموضوع نفسه وش هالزين 000000 أما في هالوقت حدث ولا حرج 0000 شي يلوع الكبد بس وش نقول وش نخلي الله مير يكون بالعون 00000 تسلم مره الثانيه ويعطيك الف عايفه تحياتي العاطره 00000 المهند</font> |
26-03-2002, 00:56 | #5 |
جاسر الحربي
|
<font color="Red">السلام عليكم// الله يعافيك اخوي راعي العنود 0000 ومشكور على التعقيب 0000000سلمت 00000 وعسا ربي لا يربح اللي اتلف عقول شبابنا هالوقت وسمم افكارهم 0000 واتذكر مره دخلت قزاز ودخل شاب ما عرفت انه رجال الا بالثوب وشنيب تقول خيط 000000 وقال بالانجليزي لو سمحت ابغا مكياج رجالي 0000000بالله هذا تتحري منه علوم رياجيل والا شجاعه 000000 ما اقول غير الله يصبرنا على التالي 000000 سلمت أخوي والف شكر 00000 تحياتي لك 0000 المهند 00000000</font> |
29-05-2002, 03:17 | #6 |
عضو شعبيات
|
روووووووعه اخوي المهند :)
كفو والله اخوي جاسر ماقصرت على هالقصه والقصيده الحلوه وصح لسانك والله يعطيك الف الف الف عافيه بصراحه انا من متابعي طرحك ... واسرق منه بعض الاحيان وارسل للربع واتشرف ان يكون اول مشاراكاتي بها المنتدى الحلو في موضوع لك ... ولك تحياتي يالغالي اخوك الحبيب |
29-05-2002, 10:41 | #7 |
جاسر الحربي
|
الحبيب يا هلا ويا مرحبا
السلام عليكم // صار لي الشرف أخوي الحبيب انك قلطت وعلقت على الموضوع 000 في اول مشاركة لك 000 عزيزي هذا التراث لي ولك وللجميع هذا تراثنا ملكنا فيه عبرة لنا لابد لابد من الحفاظ عليه 00 الحبيب قدر ما تبي تاخذ خذ ولك جزيل الشكر لانك ساهمت في نشر هذا التراث العريق 00 وانا والله ما دخلت لمنتدى سالفه وقصيده الا لحبي الشديد لسيرة الاباء والاجداد اللي حملوا صفات للاسف هاليومين صارت شيء نااااااااااادر 0000 الحبيب أنا سأنتظر مشاكاتك 0000 فلا تذهب بعيدا 0000000 حللت اهلا ووطأت سهلا أخوي تحياتي ارسلها كوقع السحاب وارتجاف الزهر 00 اخوك/ ابو المهند |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|