28-08-2002, 08:19 | #1 |
عضو شعبيات
|
يافتاح ياعليم يارزاق ياكريم اول ضحيه >>>>
[[c]COLOR=darkred]انا قررت انه يكون اول ضحاياي كبار مجرمي قصدي منسمي الديوانيه طبعا قلت هذي البدايه والبقيه نا وينهم خاصة بعض الناس الي شايفين حالهم اول ضحيه يا ساده ياكرام هو السائق الباصي ولد الهاص ويصنف تحت مسى منسمي الدرجه الاولى وهو صاحب اولويات فقد جمع بين خمس صفات يندر ان تجتمع في مراقب عام فضلا عن عضو عادي كحيان >>>>>> الله يرحم والديك يا مراقب عام شوي شوي على اليوزر لا تعوره طبعا تسالون وش الصفات الخمس اقول هي على التوالي التنسيم والدلاخه والسباهه والتهويه ومع ذلك اضاف اليهن قبل قليل انه اصبح صتيمه بدرجة الامتياز والثاني هو الضحيه المهوي الكبير عكاشه وقد احرز حتى الان البرنزيه في التنسيم والذهبيه في كل من الفهاوه ومفردها فاهي والصتمنه شكل بيعقد لي مجلس تاديبي عسكري على مستوى شعبيات ما اطول عليكم حبيت اتولجهم بفني الوحيد الشعر الشعبي المترنح بين العذوبه والتنسيم والذي لا يمت بصله <<<<<<<<< احلا يمت بصله اخذفيها دوره فالحاره لين عرفتها والان يسرنا ان نكشف الستار عن اولى وسائل الطرق والتعذيب لمروضي الذيب سويت اكوادكم والله مدري تنجح والا تخسر بس الي يجيكم خوذوه القصيدة [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] اشوف ولد الهاص عنده سواليف "=" ومسوي فيها علينا محامي واقول كان انك ابضاي ومخيف "=" وتثني الى جا الهوش عند الجهامي ترى طلع لك واحد من هل الريف "=" كنه الى غنا رشيد الزلامي اصبر عليه شوي يعطيك تعريف "=" وتعليق عقبه ما تذوق المنامي هذا تحدي بس اسميه تخويف "=" وانته تخير له جديد الاسامي الله يعينك صرف القاف تصريف "="والا عط البيدا سوات النعامي لو جا عكاشه فازعن في يده سيف "=" انا لكم مثل العديم القطامي احسن لكم ناموا وكولو مراهيف "=" لا تحسبون الشعر مثل الطعامي [/poet] هه وش رايكمممممممممممممممممممم وهذي حبتين خشم لولد الهاص وعكاشه في حالة زعلو اما في حالة الرضا فلا حبة خشمن البته برايفت للمراقيبي والمشرفين اي واحد يتعرض ابو دربيل تراه يبي يزعل ويخلي شعبيات ودورولكم واحد احلا مني |
28-08-2002, 09:14 | #2 |
..
|
ابو دربيل
[c]يالله صباح خير يالله[/c] هذا تحدي بـس اسميـه تخويـف ii" " وانته تخير لـه جديـد iiالاسامـي الله يعينك صرف القاف تصريـف ii" "والا عط البيـدا سـوات iiالنعامـي كل هذا تقوله لخالي ولد الهاص سواق الباص والله ان زعل عليك ان يحطك في بطن التنين وانك تدور الطلعه ولا تحصل؟؟؟؟؟ وكانه ما زعل عليك بلحيل ان يخليك مثل العمري و ابو نوت تموت وانت طول عمرك تركض وعاض اسفل ثوبك و الله يعينك علي خالي عكاشه اللي يسمونه وحش الشاشه يدور من يحارشه دايم جاهز بلسانه و ذراعه وكراعه يا يعطيك بكس او يرفسك؟؟؟؟ و ان بغيت الشور ازبن على ضاري بالعطا وخله يتوصط لك عندهم قبل لا تصير حديث الديوانيه!!! وان كان منك شده والا ضمه الله يقويك ما نزود الحبل الا وصله بعدين لا تقول افزعولي ذنبك على جنبك و هذا فعلك بيدك لقد اعذر من انذر وسلامتك يا ابو دريبيل يا المهبيل |
28-08-2002, 11:57 | #3 |
شـــاعــر
|
اخوي ابو دربيل اخواني الشعراء المعنيين اخوي عبدالرحمن الأعضاء تم نقل الموضوع الى قسم النقائض لكي لا تحدث ازدواجية في الأداء بين الاقسام وشكرا |
28-08-2002, 17:13 | #4 |
عضو شعبيات
|
جيتك وانا ابن الهاص شيخ التخاريف ++++++++++++++ وأفهم وثمّن يالصتيمه كلامي حي الله اللي ينسمع به ولا شيف ++++++++++++++ وأرد لك لو ماتسلم سـلامي ياخبل وش لك بالشعر والتواصيف +++++++++++++ بير ان وردت لماه صدرت ظامي ياخبل وان غرتك ضوك فهي ليف +++++++++++++ وألا انا يـطـفي نهــارك ظــلامي وانت بمكان ٍ حاكمه مكرم الضيف +++++++++++ وأخو الحلال ابرك من اخت الحرامي والبعد لولا دربه الشين ماعيف ++++++++++++ ولولا مقيم القرب مأبطى مقامي وابوعبيد علاج سقم الملاقيف ++++++++++++ يبصر به الاعمى ياكود متعامي لا شك حملك ماعلي فيه تكليف ++++++++++++++ يابـو دريـبـيـل ٍ وراه متحـامي |
28-08-2002, 18:39 | #5 |
شـــاعــر
|
ابودربيل ... انت صاحي ؟؟!! ولدالهاص وعكاشه مرة وحده ترى طلع لك واحد من هل الريف ii" " كنه الـى غنـا رشيـد iiالزلامـي قوي بس وش قال ولد الهاص وابوعبيد علاج سقم الملاقيف ++++++++++++ يبصر به الاعمى ياكود متعامي لا شك حملك ماعلي فيه تكليف ++++++++++++++ يابـو دريـبـيـل ٍ وراه متحـامي احححححححححح اذا عندك اقوى والا حيل الله اقوى يابو دريبيل تحياتي وتعاطفي الخاص معك |
29-08-2002, 03:40 | #6 |
شـــــاعــــــر
|
ولد الهاص فكنا منه
يا ولد الهاص ترانا من مشجعينك على هالمنسم بصدق تسمع تنسيمه وانت في اقصى منتديات الاقلاع بس سنعه الله يعافيك بغينا نشجعه والاه يهاجم الجميع اكتمه يا ولد الهاص الله يقويك 000 تحياتي لك يا ابو دربيل وما عليه خوينا ابدى منك |
29-08-2002, 20:27 | #7 |
عضو شعبيات
|
جاك الموت يا تارك الصلاة
اشوفه كنه فور دمك يا ولد الهاص ما امدانا جاي بحموك قصيدتك تقطر دممممم على هونك تونا بادين الى الحين ما بعد جاك شي الوعد قدام الى قمت اسحب فيكم كلكم على العموم ما ودي يظيع الوقت بدون فايدة وحبيت اظغط عليكم بكم بيت والميدان يا عنيزان استلم يالمهويييييييييييييييييييييييي على اخر درجه من السلم الموسيقي [poet font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=""] هلا هلا يا فاتحين المضاريف "=" منسمينن بس اهلكم كرامي يا ويلكم لا عوسرن المحاريف "=" يمكن يجيكم فاول الخيل رامي (مهوب رامي عياش رامي ثاني) يشوت ولد الهاص شوتات حريف"=" من نجدويشوته والى في ميامي ( ميامي في الهند مهيب حقة امريكا) بالكم ابا اكتب بس اركز على الكيف"=" واقطف من الاشعار روس النوامي في قوتن مثل القظا والصواديف "=" وفي كثرهن مثل الجراد التهامي من جمتن ما نزحتها المغاريف "=" ومن يحتمي في ماقفه ما يلامي خل البني يرفعن الغطاريف "=" للي على صدره يحط الوسامي [/poet] وخل اعصابك في مخباتك ماعلينا منهن لازم ولا عليهن معمل بااااااااااااااااااااااي شعبيات حلوه فعلا |
29-08-2002, 21:01 | #8 |
عضو شعبيات
|
ابد خفت انك رديت جيت اويق
|
30-08-2002, 13:04 | #9 |
..
|
مشجع
صح لسانك ياولد الهاص عليك فيه ترا ماينفع معه الا العين الحمرا والتوطيس حتى الاسامي مالخبطهن من زينه هو وكشماته اللي كنها كاس عزبة هنود....خخخخخخخخخخخخخخخخخخخخخخخخ وين خالي عكاشه اليوم يومه ياجماعه وخالي ابو نوت جاهز يدور الفزعه باللي هوبه يقول انا والم باللي تامرون عليه؟؟؟؟ ابو دربيل جوك الشعار وان طعتني خلها ذلتن غبيه لاعاد ترد!!!! وانكان فيك حيل الله يقويك ما نزود الحبل الا وصله في قوتن مثل القظا والصواديـف ii" " وفي كثرهن مثل الجراد التهامـي من جمتن ما نزحتهـا المغاريـف " " ومن يحتمي في ماقفه مـا يلامـي خـل البنـي يرفعـن الغطاريـف ii" " للي على صدره يحـط iiالوسامـي............ نشششششششششششششششششششوف من يحط الوسامي ياابو دبيل البريميل على قولة ولد الهاص تحياتي للجميع |
30-08-2002, 21:39 | #10 |
عاشقة شعبيات
|
.......... ............ وعااااااااااااااااش ... عااااااااااااش ... عااااااااااااااااااااااااااااااااااااااااااش .... ابو دربيل باشا ..... ......... ولد الهاص ...... ...... أدري انك تموووووووت فيني عشان كذا حاربتك ... ... وترا الحرب على الأبووووووووواب ...... ..... هيصو ...... ... هصاهيصووووووووووو ......... ...... بااااااااااااااايو .... .... بس حبيت اطمن انك مازعلت ....... ....... هيصو .... ولكموووووووووووووو ..... وعاااااااااااش أبو دربيل ..... .... سروووووووبه الراعي الرسمي للهوشه الشعريه لبو دربيل |
31-08-2002, 03:02 | #11 |
عضو شعبيات
|
[c] العب وانا العب لعب ربع ومواليف ****** لو منت خال ٍ لي ولا من عمامي طبعي كذا والا انت مشراك برغيف ****** علباك حمرا عندك السوق حامي جيد على سوق الكبار المهاديف ****** صايم وشربك ماكسر لي صيامي خايف من الغرقه وتوك على السيف ******** ذا كتف قانوني وشغلي نظامي يافلكس ويجن راكبينه مخافيف ****** عقلك ورا مالك عقل دفع امامي سميتك البركان قمتك تجويف ****** أماأنت بركان ٍ تثور أو سيامي عندك يا بركان [/c] |
01-09-2002, 04:19 | #12 |
الضغط العالي
|
ابو دربيل صح لسانك ولا يهمونك لا ولد الهاص ولا عكاشه >>>>>> واحد مخربها وبايعها بعد المهم ابو دربيل عندك ولد الهاص لا تخليه لين يقول التوبه بس مشكله لو يجيك ابوه شايب الديمن بتروح فيها اما عكاشه ازهههههههههههههله عندي دواه بس خله يتحرش ولا اشوف خشته فا الموضوع صدقني اخليه يقول حقي برقبتي وهين هين يالضبان <<<<<<, واحد جاب العيد ومسوي نفسه ماسوى شي بس واصلوا والله لايهينكم وتقبلو كل التحيات كلها مره وحده |
05-09-2002, 08:27 | #13 |
سيـــف الســـيــف
|
سلااام ماشالله عليكم اثركم واصلتوا؟؟ انا اذكرها بالديوانيه لكن ما يمنع هذا قسمي استلموووه [poet font="Simplified Arabic,5,purple,bold,normal" bkcolor="white" bkimage="" border="double,4,purple" type=2 line=200% align=right use=ex length=0 char="" num="0,black" filter=" dropshadow(color=burlywood,offx=1,offy=1) shadow(color=burlywood,direction=135)"] اللي ورط في طلعته للمشاريف=لايحسب ان له قدرةٍ فاختصامي امطرفٍ له عدة الشغل تطريف= وابليس يلعب به لعين الرسامي ابليس يلعب به وهو خبل واضعيف= ماقول لا هافي ولا اقول زامي لكن وصلتك لاتقول اردعوا سيف=ياقررد حظه يوم جاء باستلامي انا احسب انه ناويٍ خط برليف= اثره من البطحاء لحي السلامي إن قاله الله صدر امهان ومعيف=وانا يبي يغفر لي الرب اثامي له كويتينٍ فالعلابي مراديف= منهن يشوف العِـرق والجلد دامي ويغمى عليه إمن العنا والتكاليف=وان هام عندي له علاج الهيامي نشوّق جابه مخلف ابناخي اخليف=منه اليماني لو نشق صار شامي [/poet] |
05-09-2002, 08:46 | #14 |
شـــــاعــــــر
|
ا ابطى في السيل الا جوده يا خال
بيض الله وجهك يا ولد الهاص وبيض الله وجهك يا عكاشه عليكم بهال المسركل 000 امّا انت يا خال ابطيت لين قلت وش بلاه بس اشوى جيت وطبحت كلك 000 تسلم ولا يسلم ردي العزايم 000 شكرا للكم جميعا وانت يا ابودربيل تحيلتي لك من حقي اشجع اللي ابي 00 مع السلامه عسى ما تسلط علي 000 اخوكم ابونوت |
10-09-2002, 08:31 | #15 |
رحمة الله عليه
|
ابودربيل تكفا تعال ارجوووووووووووك <====== خش جو بالله تكملون ولو تبون غيروا الطاروق يالله ابودربيل عطهم القاز |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|