02-12-2001, 08:41 | #1 |
عضو شعبيات
|
ان بغيت اعلاج من ضيّع دواه
السلام عليكم الاهداء: الى هذا المجلس العامر بكم ادام الله عماره حالتي حاله ومشكاتي شكاه0000مالها حلّ(ن) ولا طبّ(ن) يفيد التّجارب وكّدت لي هالسّواه0000أمّة(ن) قبلي ومن بعدي تزيد ومن كلام اللي انا دربي مشاه0000مالفاني علم في هاذا جديد الهوى ماهو بكيف اللي بغاه0000قسمة(ن) وارزاق في دنيا العبيد لو يجي بالمال غيري قد شراه0000لعنبو مال(ن) يخلّيني شريد حينِ تلقا اللي سهم قلبك رماه0000مع حبيبه وسط هالدّنيا سعيد مادرى او هو درى باللي نصاه0000ماتهمّه لو تهمّه ما يحيد وحينِ تلقا اللي وربّي ماتباه0000مرسل(ن) لك دمع شوقه بالبريد وان بغيت اعلاج من ضيّع دواه0000خذهِ من راسي ونا راع النّشيد من ترا يشريك سارع في لقاه0000اشتره بالصّدقِ سكّنه الوريد وان شريت ارجوك لاتلعب معاه0000الرّجل فعل(ن) هذا بيت القصيد وكان ماودّك به اهْرب من سماه0000خلّ فعلك فعل لو يبكي رشيد سهلِ هاذا القول لكن ياقساه0000وقتِ فعله لو مع الرّجل الشّديد وآناماغنّيت شعري من شفاه0000قلتها والقلب جمراته تقيد حالف(ن) لكتب قصايد من غلاه0000 وامشي خلفه لين له قلبي يصيد ماابي غيره ولا ارغب سواه0000لي فؤاد(ن) بالهوى طبعه بليد لو طلب روحي عسا روحي فداه0000 ناعس العينين يحصل مايريد يالغضيّ التّرف ياشبه المهاه0000عن رحى فكري ترا منته بعيد كلّ من يسمع لشعري او قراه0000شاف عرشك عرش ياحبّي فريد بين شطرين القوافي هو لقاه0000والبدايه والنّهايه ذا اكيد ولاتواخذني ترا حبّك بلاه0000هالفؤاد اللي على غيرك عنيد كلّ قاف(ن) زار لعيونك ضواه0000ياعسا ياطلبتي عيشك رغيد وسلامتكم |
02-12-2001, 09:27 | #2 |
سيـــف الســـيــف
|
وانت سالم وغانم يادكتور / فيصل قصيده رائعه بروعة حضورك صح لسانك وسلم جنانك 000 وتسلم على هالقصيده الطيبه والطيب دائما مايجي منه الا طيب لك تحياتي |
02-12-2001, 09:29 | #3 |
شـــــاعــــــر
|
بسم الله الرحمن الرحيم الشاعر الجن الأزرق السلام عليكم اخوي الدكتور فيصل تراي اسمي عليك مهوب عنك وتنطلق محلقا في سماء الشعر وتأتي ببيت القصيد من اعالي قمم الإبداع ............ من ترا يشريك سارع في لقاه0000اشتره بالصّدقِ سكّنه الوريد وان شريت ارجوك لاتلعب معاه0000الرّجل فعل(ن) هذا بيت القصيد وكان ماودّك به اهْرب من سماه0000خلّ فعلك فعل لو يبكي رشيد اشكرك نيابة عن الجميع على هذا الإهداء الجميل وتقبل اجمل المشاعر وارقها من اخيك ابو نوت . |
02-12-2001, 09:33 | #4 |
عضو شعبيات
|
هلا دكتور فيصل الهوى ماهو بكيف اللي بغاه0000قسمة(ن) وارزاق في دنيا العبيد والله ما قلت الا الصدق صح لسانك وبيض الله وجهك على هالقصيدة الجزله لك تحياتي |
03-12-2001, 02:26 | #5 |
عضو شعبيات
|
اخوي فيصل صح لسانك وبيض الله وجهك على هالقصيده قلت واجدت وابدعت تقبل تحياتي |
03-12-2001, 04:08 | #6 |
شــاعــر
|
السلام عليكم الدكتور فيصل اسعد الله اوقاتك بالخير فعلا انت رائع وكلماتك تشد الانتباه وتجبر قارئها على متابعتها بدقه تسلم يمينك على هذا التميز مع خالص تحياتي |
03-12-2001, 11:04 | #7 |
عضو شعبيات
|
اخوي العزيز سيف (عكاشه) صح بدنك دائما افتخر بردك لاخلا ولا عدم منك يابو عبدالله |
03-12-2001, 18:01 | #8 |
عضو شعبيات
|
الجن الازرق/ صح لسانك على هالاهداء الحلو وقهويت المجلس بهالقصيده لك تحياتي مره ثانيه |
04-12-2001, 05:51 | #9 |
عضو شعبيات
|
اخي العزيز الشاعر الكبير ابو نوت شاعر بحجمك يابو نوت يشرف اي قصيده يعقب عليها ويشرف راعيها صح بدنك يابو نوت اذا لي من اسمك نصيب يابو نوت فانا والله محظوظ وعسا لي من فعول الطيب اللي معك حظ ونصيب انشاء الله ولك انت اجمل تحيه من اخيك فيصل |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|