19-11-2001, 17:58
|
#1 |
|
عضو شعبيات
|
(نهله سلامه)يوم حبّت(اسماعيل)
السلام عليكم والله يقبل منا ومنكم صالح الاعمال وهاذي قصيده متواضعه اتمنى ان تحوز على رضاكم [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] جفاالكرى عيني وعذبني الليل = لامن ضواني قمت اجر الطويله شفت العزاري والغرابيل والويل = ومن صابه اللي صابني عزتيله باسباب فرقا اللي كما نجمة سهيل = اللي لو أفديها بروحي قليله بنتٍ فريدة نوع فبني ذالجيل = زين ودلال ولا لها من مثيله مكحولةٍ مهيب تحتاج تكحيل = ومن دون تجميلٍ صناعي جميله وبالملح ربي كمّل الزين تكميل = وعذروبها بس انها بنت اصيله ولاهيب من تلبس(جنوز)و(بناطيل) = اللي ملابسهن عليهن فشيله ثقل وعقل ماتلتفت للمهابيل = ولاداست دروب الردى والرذيله بفراقها ذقت العنا والبهاذيل = عز الله ان فرقا الولايف ثقيله زادت هموم القلب واتعبني الشيل = وعزّي لقلبٍ كل همٍ يشيله جا بيني وبين الحبيبه عراقيل = ولا لي على المكتوب حولٍ وحيله وجدي وجود اللي غدى حاله نحيل = من المرض يشكي وحاله هزيله ولا لقى للحال فالطب تبديل = وقام ايتحرى للمنيّه تجيله او وجد من ذوده شعوها هل الخيل = جوه بنهارٍ غاب من يرتكي له في ساعةٍ مافيه حوله حلاحيل = مغير ورعانٍ..ولبّاس شيله ليت المحبّه مثل حب التماثيل = اللي محبتهم لو اتطول...ليله (نهله سلامه)يوم حبّت(اسماعيل) = ساعة غلا..والكل راح بسبيله مير البلا حبٍ على القلب تنكيل = يودع قلوب اهل المحبّه عليله يحمّل الخافق هموم وغرابيل = وتونس على كبدك غليل ومليله وارجي من الله فالليال المقابيل = انّه يروف بكل كبدٍ غليله ويلم شمل اهل القلوب المعاليل = وكلٍ يواجه فالمحبّه خليله [/poet] اخر تعديل كان بواسطة » ساري الليل في يوم » 08-08-2003 عند الساعة » 21:02. |
|
|
|
19-11-2001, 18:23
|
#2 |
|
شــاعر
|
الله الله الله الله الله .... صح لسانك اخوي ساري الليل.. قصيده رائعه من شاعر قوي يثبت وجوده بقصائده النادره التي تحمل اجمل واعذب المعاني... تقبل تحيات اخوك البدوي |
|
|
|
|
19-11-2001, 18:24
|
#3 |
|
سيـــف الســـيــف
|
ساري الليل 0000 ماشالله عليك مبدع مبدع ينثر الابداع والروعه اينما كان ساري صح لسانك وبيض الله وجهك والله يعطيك العافيه على هالقصيده ولو ان نهله سلامه احسبها مذيعه في الاول 0 على العموم قصيده طيبه 00 والطيب ما يجيب الا طيب لك تحياتي  |
|
|
|
|
19-11-2001, 18:26
|
#4 |
|
رحمة الله عليه
|
اخوي / ساري الليل صح لسانك ماشاء الله عليك مع طول القصيدة الا انك حافظت على ترابطها بكل حرفنة في ساعةٍ مافيه حوله حلاحيل***مغير ورعانٍ..ولبّاس شيله ليت المحبّه مثل حب التماثيل***اللي محبتهم لو اتطول...ليله اخوك/ عبدالهادي |
|
|
|
|
19-11-2001, 23:30
|
#5 |
|
عضو شعبيات
|
اخوي ساري الليل صح لسانك مليون...ولاهنت قصيده رائعه بمعنى الكلمه...ابداع ابداع ابداع * * * انت في القمه تقبل تحيات اختك  |
|
|
|
|
20-11-2001, 10:18
|
#6 |
|
عضو شعبيات
|
يا هلا وغلا بالغالي بدوي وصح بدنك والله لايهينك على متابعتك الدائمه وردودك الرائعه وتقبل اجمل تحيه من اخوك ساري |
|
|
|
|
20-11-2001, 10:21
|
#7 |
|
عضو شعبيات
|
ياهلا والله بالغالي عكاشه انت المبدع اخلاقاََ وشعراََ صح بدنك ولاهنت على المتابعه والرد ولك اجمل تحيه من اخوك ساري الليل  |
|
|
|
|
20-11-2001, 10:29
|
#8 |
|
عضو شعبيات
|
هلا بك اخوي عبد الهادي وصح بدنك والله لايهينك على متابعتك وردك واعجابك ولك تحيات اخوك ساري |
|
|
|
|
20-11-2001, 10:51
|
#9 |
|
عضو شعبيات
|
يا هلا والله بالاخت اريش العين وصح بدنك عشرة ملايين والله لايهينك ويكفي ان القصيده بس تنال اعجابك والقمه تتسع للكثير وانا افتخر واعتز بشاهدتك ومره ثانيه الف شكر لك على متابعتك وردك الاكثر من رائع وتقبلي ارق تحيه من اخوك ساري الليل |
|
|
|
|
22-11-2001, 13:07
|
#10 |
|
عضو شعبيات
|
الشاعر ساري الليل القصيدة مذهله صح لسانك والله يعطيك العافيه |
|
|
|
|
22-11-2001, 23:40
|
#11 |
|
ينتظر التفعيل
|
ولاهيب من تلبس جنوز و بناطيل ..........اللي ملابسهن عليهن فشيله الشاعر المميز ساري الليل .. قصيدة متكاملة ومتميزه .. صح لسانك وبيض الله وجهك وهلابك يالغالي  موقع مجنون الشعر ولهان-1 |
|
|
|
|
25-11-2001, 08:47
|
#12 |
|
عضو شعبيات
|
الاخ الغالي محمد بن عبدالرحمن ابا الخيل هلابك وانت المذهل بردودك ومتابعتك وصح بدنك وتقبل ارق تحيه من اخوك ساري الليل |
|
|
|
|
25-11-2001, 08:52
|
#13 |
|
عضو شعبيات
|
هلا وغلا بالشاعر والمشرف المميز ولهان-1 وصح بدنك وبيض الله وجهك وتقبل اجمل تحيات اخوك ساري |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
