[شايعه الفاضل]

	تحية ود للجميع من فتره بعيده جدا قرأت بيت شعر ما اذكره حاليا لكن محتواه ما غاب عن فكري وهو من الشعر الجاهلي حيث ان الشاعر يذكر ان طول عمره ما نزلت دمعته الا في موقفين موقف اشتياق لحبيبته والموقف الاخر موتها مثل ما الجميع عارف ان الرجل صعب عليه البكاء ولو اراد ....والسبب ان (الدمعه عزيزه) واذا جينا نذكر المواقف اللي نزلت فيها هالدمعه العزيزه راح نسترجع وجع ماله اول ولا آخر وكأن الموقف الآن في لحظته اعتقد ان الدمعه العزيزه ما تخرج من العين كثر ما تنزف من الوجدان متى نزلت دمعتك العزيزه ويمكن الوحيده؟؟؟؟؟

[عمر أسعد اللحظات]

اختي بقولك شغله بذات التربيه النجديه فيها مشكله وانا احد الذين يعانون نفس المشكله يمكن يدمع القلب بس ماتدمع العين وهذي تربية نجد وهو ان الرجال مايصيح مهما كان الموقف وهذي اثاراها على النفس اكبر واقوى لأن الدمعه فيها فوايد كثيره منها راحة النفس و غسل وتنظيف العين وتجديد موية العين اشياء كثيره مااقدر احصرها لكن للأسف الرجال محروم منها تصدقين مالقها إلا مثل واحد الله يذكره بالخير اقرب مافيه دمعته كنه بنيه صح انها مو حلوه انه يطلع قدام الناس بهالصوره بس انها شيء مورررريح جداً

والمواقف الي تبكي كثير بس هل سنعيط هونا المشكله

تحياتي المزركشة

[نجـود]

الرسالة الأصلية كتبت بواسطة عمر أسعد اللحظات

اختي بقولك شغله بذات التربيه النجديه فيها مشكله وانا احد الذين يعانون نفس المشكله يمكن يدمع القلب بس ماتدمع العين وهذي تربية نجد وهو ان الرجال مايصيح مهما كان الموقف وهذي اثاراها على النفس اكبر واقوى لأن الدمعه فيها فوايد كثيره منها راحة النفس و غسل وتنظيف العين وتجديد موية العين اشياء كثيره مااقدر احصرها لكن للأسف الرجال محروم منها تصدقين مالقها إلا مثل واحد الله يذكره بالخير اقرب مافيه دمعته كنه بنيه صح انها مو حلوه انه يطلع قدام الناس بهالصوره بس انها شيء مورررريح جداً

والمواقف الي تبكي كثير بس هل سنعيط هونا المشكله

تحياتي المزركشة

.. رد بصراحه تحفه



شايعه الفاضل..
موضوع جميل اعطا ناس فرصه لقول اشياء واقعيه جدا
أما عني أنا الدموع عندي حدث ولاحرج
انا لحظه الوداع يعني لو بيسافر لمده بسيطه مااتحمل موقف الوداع
الافلام مع انوه تمثيل بس برضو دمعتي قريبه تعقدت صرت مااحب اتابع شي بالتي في عند احد شمات
اصير مضحكه لهم يمدون لي الكلينكس قبل تنزل دموعي...
الاشياء المحزنه من وفاة وكذا..تصدقين مانتزل دموعي.. يجيني تبلد,.وبعدها بفتره تبدا تنزل دموعي لين جا طاريه


مدري كيف تكون دمعه عزيزه
اتوقع انوه مااحب احد يشوفني وانا ابكي تصير بمعنى انوه دمعتي عزيزه

[شايعه الفاضل]

تحية ود عمر اسعد اللحظات
تربية الرجل الشرقي تمنعه من البكاء مع انه لو بكى دمعه بس راح يرتاح وبعكس ما يظن الناس انا جدا احترم دموع الرجال لانها تدل على رقة القلب وتأثير الموقف فيه بدليل ان الرجل ما يبكي في اي موقف الا اذا كان الموقف يفطر قلبه بعكس حواء اللي تغلبها العاطفه لكن مفاهيم الرجل الشرقي تغيرت واصبح ما يخجل من البكاء وطالما الله وضع هالشيء فينا فهو بالتالي طبيعي وفطري والا بتنفجر قلوبكم

الف تحيه على المرر

[شايعه الفاضل]

نجود اشكر مرورج الدائم على مواضيعي

حبيبتي قلتي شي جدا عجبني فيج انج تبكين في كل المواقف... عجبني لانه يدل على رقة احساسج الزايده وانسانه عندها مثل هالاحساس يعني ان قلبها ابيض صافي مثل صفحة الماي

نجود كلمه حطيها في عقلج......مش انت اللى مضحكه للناس .. الناس هم المضحكه لأن مشاعرهم متبلدة لدرجة ما تبكيهم المواقف ..ثقي من نفسج واخذي راحتج في البكى

تدرين ايش يبكيني ؟؟؟؟؟اذا شفت نظرة خوف في عيون طفل اموت من البكى


الف تحية حب لج اختي نجود