30-10-2001, 06:41 | #1 |
موقوف
|
رد على قصيدة الشاعر ص 0 س 0 العبدالهادي
اخواني الغالين اسعد الله اوقاتكم بالرضا والعافية 000 قرات قبل فترة قصيدة لاخونا الشاعر ص 0 س0 العبدالهادي واعجبتني وكان لي رد عليها اتمنى ان يكون على الاقل في نصف مستواها وفي البداية اذكر لكم قصيدته ثم ردي عليها 000 سلامة الجفن عل الدمع ما ضره ** تكفير ما جاه من هم وغربالــــــي حاولت اسره ولكن كيف انا آسره ** حاولت اسره ولكم ما تهيالـــــــــي عندي وكنه علي ابعد من الحره ** هوه ولا فاد فيها قطع الاميالــــــي والروح من قبل قبل العام منجره ** نزعت في ودها ياعسر محوالـــي لا منها قابلت بالجيد والغـــره ** والفاحم اللي على الامتان شلالــي بالصدر دره وهو من قبلها دره ** غالي ثمنها قليل في نحر غالــي قلبي على يمته والعين مفتـــــره ** أخاف من هرجة بالناس تبرالــي لولا الرجا قلت دنيا كلها مــــــره ** الا ان ربي على مابي صخرهالي دنيا غريبه بشين الطبع مجتره ** الى تواسيت ابا اجلس فيها زالي ركضت معها وخلتني على الجره ** والليل خيم وانا في ربعها الخالي دنيا بفرقا الولايف عادت الـــكره ** فرقا قديمه وفرقا توها تالــــــــــــي اجفل من الشارع المهجور ما مره ** مدري وشاللي الى مريت يجرالــــي مثل المجدف على الساحل يبي بره ** والريح نطحه وزفه موجه العالــــي00 اما ردي عليها فاقول 0000 يامل قلب طواه الشوق واجتره ************* كنه على الجمر يسحب واللظى صالي لين اصبحت منه الاشواق محتره *********** اونست موتي ولكن ما تهيا لــــــي اشوف موتي بيومي حيل كم مرة ************* لا هوب روح ولا اقبل يوم يبرالي قريت قاف الكريم بنفس مستره *********** لو كنت احس الذي به حيل للغالي وابطيت الملم لهاك الجرح واصره *********** والقبر للجرح مسكان ومنزالي وقت عسى الله يستر حيل من شره ************ ليته كفانا الهموم وقال يا والي لا طاب لي نوم في بحره ولا بره ************* وين الجميل الذي يرتاح له بالي وينه باجي له ولو هو من ورى الحره ********* لاجيه لو دون شوفه كل خيـ( ي )ـالي لكن وقته عليه يطول الكره *********** نحى به الوقت مع هم وغربالي دنيا بها نصف هالعشاق مغتره *********** حتى يذوقون جرح الوقت من تالي يالله سترك على اللي ذاق من مره ********** يالله انا طالبك في ستر الاعمالي واسمحوا لنا على القصور وسلامتكتم 00000 |
30-10-2001, 07:17 | #2 |
عضو شعبيات
|
<font size="4">صـح لـسـانـك . ومشكور على مشاركتك وماقصرة ولك مستقبل في الشعر المحاوره انشالله ولك تحيــاتي</font> <IMG SRC="cwm11.gif" border="0"> <IMG SRC="cwm11.gif" border="0"> |
30-10-2001, 07:23 | #3 |
شـــــاعــــــر
|
ابدعت القاف يا اخوي مبدع القاف صح لسانك انا رأيي الشخصي فيها انها ازين من سابقتها وعاجز عن الشكر ولي الشرف انك تعارض قصيدتي وقصيدتك ترى بعض الأخوان الي يقرون بسرعة يبي يحسبون ان فيها كسور وهي سليمة 100/100 ليتك تحط الشدات والتنوين ليتضح بهائها وجمالها اشكرك مرة اخرى وافتخر والله بمجاراتك تحياتي من الأعماق اخوك ص.س.العبدالهادي في منتدى الشعر النبطي |
30-10-2001, 07:29 | #4 |
موقوف
|
اخوي الغالي / مطرح القعدان يالله حيه وياهلا وغلا 000 اشكرك على اطلاعك على القصيدة واشكرك اكثر على الرد 0000000 |
30-10-2001, 07:33 | #5 |
موقوف
|
اخوي الغالي / ابو نوت يالله حيه وحي ماجاب والله ما ابرك من الرد اللي بين لنا اسمك الجديد وانا كنت ناوي اسال عنه 0 اخوي صح بدنك 00 اما بالنسبة لموضوع الحركات والله وانا اخوك اقتراح جميل لكن العتب على المعرفة وانا على بلاطة ما اعرف اضيفها 00000 والا طلباتك اوامر واسلم لغاليك 00000 |
30-10-2001, 08:39 | #6 |
عضو شعبيات
|
مبدع القاف .. صح لسانك على المجاراه وصح لسان الشاعر ص 0 س0 العبدالهادي وبيض الله وجيهكم الثنين اخوك // طـــ الليل ـــاوي |
30-10-2001, 15:25 | #7 |
موقوف
|
صح لسانك يا غالي وصح لسان بو نوت وانا اشهد انكم ابدعتوا وتقبلو تحياتي |
30-10-2001, 18:00 | #8 |
سيـــف الســـيــف
|
اخوي مبدع القاف لله درك وبيض الله وجهك وربي لو فيه مميزه في شعبيات غير اشيلها بنفسي لين احطها هناك قلتوا وابدعتوا عسى الله لايبين غلاكم عندي لكم تحياتي |
30-10-2001, 23:48 | #9 |
موقوف
|
اخوي الغالي / طاوي الليل وبيض الله وجهك وصح بدنك واشكرك على الاطلاع والرد00 |
30-10-2001, 23:50 | #10 |
موقوف
|
اخوي الغالي / هاوي قصيد اشكرك على اطلاعك على القصيدة واشكرك اكثر على الرد وصح بدنك واسلم لاخوك 0000 |
30-10-2001, 23:53 | #11 |
موقوف
|
اخوي الغالي / عكاشه لاعدمته اشكرك على اطلاعك على القصيدة واشكرك على الرد وفعلا كلامك وسام اعتز فيه والله لا يحرمنا من ارائك0000 |
04-11-2002, 08:12 | #12 |
رحمة الله عليه
|
صح لسانك اخوي مبدع وقصيده جزله ومن راس جزل |
04-11-2002, 08:17 | #13 |
رحمة الله عليه
|
ياجمااااااااعه وش جاب القصيد هنا؟ تكفوووووون انقلوهن لبوح القوافي وليتها تتثبت |
عدد المتواجدون في هذا الموضوع » 2 , عدد الأعضاء » 0 , عدد الزوار » 2 | |
|
|
|