23-01-2002, 11:54
|
#1 |
|
جاسر الحربي
|
معركة بقعاء الشهييره سنة 1257 هـ
بسم الله الرحن الرحيم بقعاء سنة 1257 هـ خلاصة خبر هذه الوقعه أن أمراء القصيم أجمعوا على مهاجمة حائل وكسر شوكة ابن رشيد بعد ثلاث سنوات تقريبا من تأسيس الامارة الرشيديه على يد عبدالله بن رشيد وأخيه عبيد. فخرج يحي بين سليمان (أمير عنيزه) بأهل عنيزه وأتباعهم وخرج عبدالعزيز بن محمد بأهل بريده وجميع بلدان القصيم واجتمعوا على (بقيعاء) وهي شمال القصيم وهم نحو ستمتئة مظيه مردوفه ومعهم من عنزه غازي ابن ضبيان وعربانه من الدهامشه وقاعد بن مجلاد وعربانه وابن صقر من السلاطين والصقور. وسار الجميع من بقيعاء فأغاروا على وجعان الراس من شمر فأخذوا منهم كثيرا من الابل والغنم والأمتاع فأراد يحي بن سليمان أمير عنيزه الاكتفاء بالانتصار والرجوع بهذه الغنائم لكن أمير بريده أصر على مهاجمة ابن رشيد في حائل وقيل أنه حلف أن يطأ برجله في سوقها. وسار أهل القصيم ونزلوا بقعاء المعروفه شمال شرق حائل ونزلت عربان عنزه على ماء ساعده في تلك النواحي ولهذا قسم ابن رشيد أتباعه من شمر وحرب وأهل الجبل الى قسمين واجه أحدهما بقيادة عبيد ابن رشيد بوادي عنيزه واستعد القسم الاخر بقيادة عبدالله ابن رشيد لملاقاة أهل القصيم. أما عبيد ومن معه فقد التحموا مع بادية أهل القصيم قبل طلوع الفجر واشتد القتال بعد طلوع الشمس فخاف كبار أهل القصيم من وقوع الهزيمه على بواديهم ففزع يحي بن سليمان وعبدالعزيز بن محمد ورجالهما ماشين على أقدامهم لنجدة أصحابهم , وكان عبدالله ابن رشيد يرقبهم فانقض عليهم ومعه عدد من فرسان شمر وحرب وناشبوهم القتال. فاستعجل عربان أهل القصيم الهزيمه على بواديهم وانسحب ابن مجلاد بأتباعه من عنزه, فلما أيقن أمير بريده بالهزيمه تراجع هو ورجاله, وتركوا يحى ومن معه في مكانهم بلا ماء ولا ركاب, فوقع قتال شديد بين يحى وأتباعه وبين ابن رشيد لكن العطش أدركهم بعد أن ارتفعت اشعة الشمس, وكان الوقت صيفا فلم ينهج منهم الا القليل حيث قتلهم فرسان ابن رشيد في ميدان المعركه ما عدا يحى فقتله عبدالله ابن رشيد (خطأ) بعد أن سلم نفسه. وغنم أهل الجبل الكثير من ركاب أهل القصيم وأموالهم وصارت كسره شديده على أتباع أهل القصيم من عنزه. وبعد هذه الوقعه انزاح كثير من بادية عنزه شمالا , وانتهى تقريبا تحالفهم مع أهل القصيم. وفي هذه الوقعه قال ابن رشيد قصيدته التي منها: يا من لقلب بين خمسة وعشرين ** هجس وهاجوس وعدل ومايل يديرهن دولاب الافكار تسعين ** بالصدر ينشر دقهن والجلايل أصبحت منهن خالي ثنتين ** سعدي ومصقول بداوي الغلايل وخماسي غمق ثوابه وجوزين ** ليا جذبوا شروا بروق المخايل يا دارنا من جاك جيناه عجلين ** بالليل نمشي والصفروالقوايل فان كان هم عنا بالانشاد محفين ** من الراس ما يحتاج رد الرسايل جينا مع أول سربة فوق الالفين ** كن الشهر به ديدحان المسايل حضر الجبل والبدو ناتي صليبين ** يتلننا حجلات سود الجدايل --------- عجاجة تجلي صدى القلب يا حسين ** دبيله ماهي بكل الدبايل واللي ذبحت بشذرة السيف تسعين ** منهم ولاني عن طردهم بسايل جونا يبون ديارنا والبساتين ** يطرون منزلهم قفار وحايل وكما يلاحظ أن عبيد الرشيد لم يشر بشكل صريح الى دور الحروب في هذه الوقعه !!! ولكن الحقيقه لابد لها من الظهور فقد جاء الشاعر الكبير فرج بن خربوش الشمري يرحمه الله, الذي يقول في قصيده يمدح بها شيوخ حرب ويذكر موقفهم هذا مع شمر حرب من القبله الى أقصى تخاديد ** ياما بحرب من رجال الشكاله ياما بحرب من كرام صناديد ** شيوخ تنفد مالها دون حاله ابن نحيت ينفد الملح تنفيد ** في كون (بقعا) عندنا له جماله مع شمر ورّد على الموت توريد ** ارخى على حوض المنايا حباله ربعه بني سالم على كيف ما يريد ** يوم ابو ضيف الله براي عباله وهي أطول من هذا 00000000 وقيل أن الذين اشتركوا في هذه الوقعه هم بعض قبائل مزينه برئاسة الشيخ ثواب بن نحيت , وجماعة ابن مضيان وكلهم من بني سالم. وقد قطع ابن رشيد على نفسه عهدا أن لحرب ما لشمر وعليهم ما عليهم, لكن هذا التحالف لم يلبث طويلا, وذلك لحصول خلاف بين ابن مضيان وابن رشيد فيما بعد. هذا العلم وسلامتكم000000 طلب/ يالربع اللي عنده مراجع أو معلومات عن شيخ زبيد (مالك ابن رومي) وعن كيفية اغتياله من الاتراك وأشراف الحجاز000يسعفنا ونكون له شاكرين 0000وان شاالله ما تقصرون تحياتي لكم كل(ن) باسمه0000000 المهند [ يناير 23, 2002: تم تعديل الموضوع بواسطة : المهند ] |
|
|
|
25-01-2002, 07:50
|
#2 |
|
رحمة الله عليه
|
<font size="4"><font color="Blue"> أخوي:المهند ....تسلم وانا اخوك على هالسالفه التاريخيه...لموقعة بقعاء الشهيره ,,,وماقيل فيها من أحداث ,,,وقصيدة عبيد الرشيد وقصيدة فرج بن خربوش الشمري,,,والله يعطيك العافيه أخوي على هالمجهود ماقصرت والله يبيض وجهك ,والحمدلله على عزه ومعزته بتوحيد المملكه وانقطاع الحروب اللي تأكل الرطب واليابس ,,ولاهنت يابعدي ,تسلم.  </font></font> |
|
|
|
|
26-01-2002, 04:32
|
#3 |
|
جاسر الحربي
|
السلام عليكم ورحمة الله وبركاته هلا بخوي راعي العنود والله يسلمك 0000 ومشكور على هالتعليق والتعقيب المختصر والهادف 0000ومثل ما تفضلت فالوضع السياسي والاجتماعي والاقتصادي الذي كانت تعيشه شعوب المنطقه عموما وأبناء القبائل خصوصا قبل الحكم السعودي والوضع الذي تعيشه اليوم في ظل الوحده التي حققها أسلاف قادتنا ودورهم في احياء الشريعه السلفيه وتحويل هذه الجزيره المترامية الاطراف من قبائل متصارعه وقرى مفككه الى كيان متحد تحكمه شريعة الاسلام ويسود الامن والعلم ووالرخاء في أرجائه بعد أن كان الخوف الجهل والفقر والجوع أشباحا مألوفه وشريعة الغاب دستورا مقبولا . انها حقا لنعمة عظيمه ومعجزه من معجزات القرون الأخيره التي تستحق القراءة والاعتبار!!! تحياتي لك 0000000 المهند [ يناير 25, 2002: تم تعديل الموضوع بواسطة : المهند ] |
|
|
|
|
28-01-2002, 02:53
|
#4 |
|
رحمة الله عليه
|
السلام عليكم ورحمة الله وبركاته تسلم والله مهند على السالفه الحلوه والقصيده والشي ذا لابد من ان يكون عندنا خلفيه عنه لكن ؟ لي بعض المخالفات او المعارضات وارجو انك تقبلها مني وانا اخوك. الشي الاول . اسم امير عنيزه ماهوب السليمان الله لايهينك اسمه (يحى ابن سليم وهم امرا عنيزه الى اليوم الحاضر الشي الثاني. الي قتل ابن سليم هو عبيد الرشيد ماهوب عبدالله ولا كان نتيجة استسلام ياخوي لو سالت احد الي لهم خبره وعندهم معلومات تلقا ان ابن رشيد وابن سليم كان بينهم صداقه وطريقة قتل ابن سليم طول الله عمرك هي ابن سليم كان مع ابن رشيد وجاء احد رجال ابن رشيد وقاله اخوك مات وعبيد يحسب الي مات اخوه عبد الله وقتل ابن سليم (قتل صبر ) والدليل هو البيت الي راح عليك ولا ذكرته الي هو يقول عبيد العلي وذبحت ابو صالح سعوط المجانين وخليت راسه عن علابيه مايل والمقصود هنا ابو صالح هو ابن سليم الي كان معروف عنه الشجاعه والاقدام . وفيه رد الشاعر الخطيب من اهل الرس على ابن رشيد الي يقول انا احمد الي شدت العشر عشرين واهل القصيم اطفو معاميل حايل ابطو يحسبون البطا يغدي الدين والدين مثل الوسم بين القبايل ولا اسبكم يالي على الحرب قاسين مير الطغا قطع ايدين الاصايل ويالي ذبحت بشقرة السيف تسعين ياعنك فيها ماكسبت النفايل ذبحت ناس لهم يومين ميتين من الضما قد قلصن الصمايل ونبي نجيب الفاس ونقطع الغين ونذكره عصر مضى بالاوائل وتلاحظ اخوي البيت الي يقول فيه يالي ذبحت بشذرة السيف تسعين يعنك فيها ماكسبت النفايل البيت السابق كان رد على بيت عبيد العلي الي يقول فيه والي ذبحت بشذرة السيف تسعين ايضا ولا ني عن طردهم بسائل ومن الي يذكر في بقعا ان ابن رشيد بعد حاصر اهل القصيم ومنعهم عن الماء صار يمشي بين الاسرى ومعه قربة ماء وكل من طلب ماء ذبحه بالسيف . وارجو اني ما اكون ازعجتك اخوي بس بغيت ابين بعض الحقايق الي ماعرفتها الا من قريب والا معذور وماقصرت والله شي حلو ان فيه من يهتم للامور ذي الي هي تاريخنا ومجدنا. وسلامتكم اخوك عزيز |
|
|
|
|
28-01-2002, 09:50
|
#5 |
|
جاسر الحربي
|
السلام عليكم ورحمة الله وبركاته <font color="Blue">الله يسلمك أخوي عزيز وياهلا ويا مرحبا فيك000وشاكر ومقدر مرورك 000وممنون جدا على هذا التعقيب وقسم بالله اني سعيد باهتمامك000وابدا ما أزعجتني بالعكس هذا يثري معلوماتنا 000ويشدد من عرى التواصل بيننا 000لكن اسمح لي ياخوي اني أوضح بعض الامور أرجو انك تقتبلها بصدر رحب وحطني في حسبتك أخوك الصغير 0مدري ليش حاس اني أصغر منك بكثير .....</font> طبعا ياخوي سرد الاحداث التاريخيه تختلف عن السوالف العاديه 000فلابد ان تكون مصادرهاموثقه وما يعمتد على حكي المجالس وما نسمعه من كبار السن وأهل الخبره كود ننساه والا نزود فيه ونحرف00000وبالنسبه لهذي الوقعه (بقعاء) سمعتها كرارا ومرارا وعندنا يقولون "وقامت بقعاء" للتعبير عن الامر المهول اللي صار. ويوم كتبت عنها طال عمرك نقلتها من مرجع مو من حافظتي أو من أهل خبره وصدقني أنا سمعت لها كذا روايه فيها اختلافات تقدر تقول جذريه. الشيء الاول: هل هو يحي ابن سليم أم يحي بن سليمان بن سُلَيم ِ؟؟ واضح ان الإثنين هم نفس الشخص وأنا في الحقيقة كان من المفروض أكتب الاسم الثلاثي بس كان من باب (المعروف لا يعرف) ومثل يحي بين سليمان ما يحتاج تعريف فهو من الأعلام لا شك. الشيء الثاني: هل من قتل ابن سليم هو عبد الله أم عبيد الرشيد؟؟ فأنقل اليك بالنص من كتاب تاريخ حرب في الحجاز ونجد, الجزء الثاني قال البدراني فائز بن موسى:"000 ما عدا يحى فقتله عبدالله بن رشيد خطأ بعد أن سلم نفسه....." والله أعلم * هل تتفق معي أن القتل صبرا يصنف من القتل الخطأ؟ * قلت أنت: " ابن سليم (الذي هو ابن سليمان) كان مع ابن رشيد وجاء أحد رجال ابن رشيد وقاله أخوك مات...............الخ" هل تتفق معي أن هذا يدل على أن ابن سليم كان تحت أسر ابن رشيد؟ أم أنك تقصد كان بعد فتره من انتهاء الحرب وبعد رجوع الصداقه بينهما اللتي أشرت اليها ؟!! 000 الذي قرأته وسمعته أنا أنه بعد المعركه مباشره !!!! (أشار الكاتب الى "معجم بلاد القصيم للعبودي" للشيخ العبودي) * بالنسبة لقصيدة ابن رشيد هي أطول مما أوردتها والبيت اللي ما ذكرته أنا ماهو البيت اللي تفضلت فيه و الصراحه صعب علي وما طاوعتني يدي علي كتابته واكتفيت بوضع خط متقطع ليعرف أن هناك بيت حذف وراح أرسله لك على بريدك وان شاء الله تعرف السبب مع أنه موجود في المرجع وأنا حسيت ان ذكره له سلبيه في هذا المقام.(الأزهار النادره من أشعار الباديه,الجزء الثالث,محمد سعيد) *تظل أخوي عزيز معركة بقعاء حادثه كبيره جرى بها ما جرى مما يصعب تفصيلها في عدة سطور. وثق تماما لو بحثت عن تاريخ أي معركه أو سيره اعلاميه تجد فيها اختلافات وتناقضات يصعب أحيانا فك اختناقها. <font color="Red">أخوي عزيز انشاالله اني قدرت أوضح لك الصورة 0000000ومشكور على ذوقك الرفيع في تناول الموضوع0000000</font> <<<<<<<<<  يقللك سامحه لو خطاأو زل وهو في أتم الاستعداد لتبادل المعلومات تحياتي الاخويه لك00000000 المهند <font color="Navy">" اللهم لا تجعل الدنيا أكبر همنا ولا مبلغ علمنا ولا الى النار مصيرنا"</font> |
|
|
|
|
28-01-2002, 10:55
|
#6 |
|
رحمة الله عليه
|
ياهلا ومرحبا حياك الله المهند <<<<يحتريك من العصر  وبعدين اخوي الفاضل والله اني كنت اقول نفس كلامك (احس اني اصغر منك) لكن الصراحه ردك كان قوي واقصد بقوي يعني رد مسكت <<< وده يرد ويعابط لكن عجز محجر له مهند <IMG SRC="cwm44.gif" border="0"> وبالنسبه ياخوي لطريقة قتل ابن سليم ذي طول الله عمرك تلقاها في اشرطة اشهر الرواة (المرشدي.الريس .ابو صقر) لكن الي بغيت ياخوك اقولك عنه هو ان بعض الكتب او كل الكتب الي تجيب لك سالفه او قصه بدون قصيده تثبت تفاصيلها فهي بالارجح خطاء خاصه اذا مالقيت لها قصيده تثبتها لو بكتاب ثاني واما بالنسبه لسالفة ابن رشيد هو وابن سليم فهي؟؟؟ < < < < < شف ابوي يمكن جاء في بالك ان اخربط واهذري لانه كيف اعداء وحرب بينهم وناس تموت واقول اخويا <IMG SRC="cwm3.gif" border="0"> لكن مثلك عارف ان الاوضاع بين اهل القصيم وابن رشيد ماتازمت الا بالاخير (اقصد قبل معركة بقعا)والا قامت بينهم كذا حروب واجد مثل المطر وعنيزه وروضة مهنا . المهم كان الخلاف بين الخصمين حتى ان امير بريده بعد ماقال لابن سليم (ابي اطا برجلي السوق )وفي روايه ثانيه (والله مايردن الا المضيف)والمضيف هو القصر الي يتبع ابن رشيد بحايل. رفض ابن سليم وقال حنا كسبنا وهو لو بغانا يبي يجي قال امير بريده وهو بقصد الاستهزاء اجل ذليتوا فماكان من ابن سليم الا انه اول من توجه لحايل وبعد ماشدد ابن رشيد الحصار وماتو ضما هو بنفسه طلب ابن سليم والحق يقال عبيد الرشيد معروف عنه الطغاء والشجاعه لكن محد ينكر كرم الرشيد وطيبتهم وبعد ماطلبه ابن رشيد جاء ابن سليم وسلم على ابن رشيد وفي هالوقت جاء احد رجال عبيد الرشيد وقاله اخوك عبدالله انذبح وكان غلطان الرجل وماكان من عبيد الا انه قال مايسدن باهل القصيم الا ابن سليم. واذا كنت مشكك انت فيه بيت عبيد وانا اخوك اكبر اثبات الي ذكرته .... والله يغفر للجميع ويرحمهم وان كان فيهم بعض العيوب لكن بالطيب محد يسبقهم . وتاكد ياخوي ان ردك ذا والله العظيم انه ريحني لاني بعد ماقضيت حسيت اني رديت عليك بعنصريه وجلافه لكن الله يطمنك مثل ماطمنتن. وتقبل خالص الشكر اخوك عزيز |
|
|
|
|
29-01-2002, 02:09
|
#7 |
|
جاسر الحربي
|
السلام عليكم ورحمة الله <<<<<<<< يحتريك في كل وقت لأنك عزيز أخوه <IMG SRC="cwm37.gif" border="0"> يا هلا ويا مرحبا بعزيز ومشكور أخوي على تجاوبك وسعة بالك على المهند0000000 عزيز أولا ماني مشكك في كلامك أبد وبالذات في البيت اللي أرسلت <<<<<<< مستغرب ليش ما شيكت على ملفك أرسل لك رساله  عزيز كل كلمه قلتها مالها عندي تكذيب أو شك بالعكس هذا شي طبيعي جدا وبالنسبة للكتب اللي وصفت عز الله انك صدقت واني قبل فتره رامي كتاب ووتأسفت على فلوسي اللي دفعتها فيه <IMG SRC="cwm14.gif" border="0"> ومشكور على الاضافه اللي ذكرتها في قصة قتل ابن سليم0000وأنا دائما بانتظار مشاركاتك. وعموما نسأل الله العلي القدير أن يرحمهم جميعا وأن يغفر لمخطيهم00000هذا جيل ضرب لنا أروع أمثله في الكرم والشجاعه والوفاء وغيره وغيره 0000وأنا أشهد انهم صقور والصقور لابد ما يجي بينهم محاشر ومقاشر 0000000 نتمنى ان الشباب اليوم يهتمون أكثر بهذا التراث لأنهم راح يحصلون بحر من القيم والأخلاق اللي وصت عليه الشريعه الاسلاميه00000ياليت أخوي عزيز (ياللي أكبر مني <IMG SRC="cwm20.gif" border="0"> ) الله يعطيك العافيه والله يحفظك لعينن ترجاك وقلبن يبغاك والسموحه السموحه لو خطينا0 <IMG SRC="cwm25.gif" border="0"> تحياتي لك 0000 المهند  <MARQUEE><font color="Red">عزيز حول على صندوق الرسايل حقك</font></MARQUEE> |
|
|
|
|
30-01-2002, 02:43
|
#8 |
|
عضو شعبيات
|
عشت والله وبيض الله وجهك واحسنت الاختيار وانشالله نستقبل مواضيع ثانيه منك على الطريق |
|
|
|
|
03-02-2002, 01:31
|
#9 |
|
جاسر الحربي
|
السلام عليكم: حياالله أخوي أبو قعيد000000كافي ووافي والله 0000000أشكرك على مرورك 0000000وأبشر يسعدك انت تامر00000000 تحياتي لكـــــ المهند |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
