[المري]

السلام عليكم والرحمه


وش حالكم جميع .. ان شاء الله انكم بخير وصحه


يا اعضاء شعبيات .. احب اقدم نفسي كعضو جديد معكم وهذا أول موضوع لي هنا

وأنا سجلت معكم لغرض النقد البنَاء .. ولخبرتكم ومعرفتكم بالشعر

أتمنى منكم أن تفيدوني مما لديكم وأنا بعطيكم ماعندي واتمنى منكم المشوره
وإبداء الرأي السديد ..


ومنكم نستفيد


وهذي قصيده ودي أضعها بين ايديكم .. اتمنى ان تحوز على رضاكم

واتمنى كذلك من لديه ملاحظه عليها لا يبخل علي .. وأكون له شااااااكر وممنوووون


يقول :

كـث الهمـوم المتكالبـه ياصاحبي كث
كثهـا مثل التراب وخل نفسك مستريحه

وكف الهجوس اللي في المحاني يعـث
وخذها منـي ياصاحبـي خذها نصيحه

لا ترتجي خيـر ٍ من الدنيـا ولا ورث
ولا تســلك دروب تاليتهـا مـطيحه

انهـض كما طيـر مـن القاع مـغتث
غدت عينه على وصل المعالـي لحيحه

وادفـن همومـك مثل عـرقة الرمـث
وحـذار من نفس ٍ للشـكاوي صريحه

واقدم على الصعبـات وابعد من الخبث
وحـذار مـن نفس ٍ للعطـايا شحيحه

وابعد عن الصاحب المسترزق الغـث
مايـدور كـود ماتـردت والنـطيحه

وعليك بالصاحـب الوافـي الـدمـث
اللي على الطــولات نفسـه فـليحه

هــذي نصايـح ماقلتهـا عبــث
أبغــي بهــا للنشامـى نصيـحه

وختامهـا ادعـي وارجـي واحـث
بشكـر الولـي وبإكثـار تسـبيحه


وسلامتكم


لا تحرموني من أرائكم .. وشكراً

[ملك الورد]

مشكور المري


انا اشوف انها قصيده رائعه ومرتبه من حيث القافيه والجمل


الى الامام اخي

[المري]

ملك الورد


بيّض الله وجهك يالقرم


وماقصرت على الراي .. لكن اتمنى منك تشوف لي الوزن هل هو مظبوط؟؟

لأني ما استخدمت هنا اللحن ولا لحنتها لعدم قدرتي على التلحين واتقانه
فأستخدم سياق وسلاسة الكلمات واقرا كذا مره بصوتي لين احس بموضع الكسر واعدله


لا هنت على كل حال وعافاك الله

[احمد بن مبارك]

الله الله عليك يالمري



لاهنت على هالابيات




تحيتي
احمد بن مبارك

[شقحا]

صراحه ابيات رائعه وصح لسانك

ولو انى ضعيفه ومثلك تونى مبتدئه لكنى اشوفها جميله جدا

والى الامام

اختك

شقحا

[المري]

احمد مبارك


الله عليك اخوي


وشاكر لك ثنائك .. ومن قال لا هان


واشكرك اخوي

[المري]

شقحاء



صح بدنك واشكرك على مرورك العطر


والجميل ردك وطلتك


شاكر لك