23-02-2007, 15:01 | #1 |
عيار
|
فطورنا مافيه طحينيه !
صباحكم بردقان ياجماعه .. فطورنا كالعاده مايخلو من حبيبة القلب ( طحينيه ) مع كم صحن فول وعدس وشويّة جُبُن سايل << مانكثّر جُبُن لأن الجُبُن غالي .. والإقتصاد واجب .. وسوريا أرخص << الاخيره مالها دخل وما أتحمّل تابِعاتها ! ولكن وبما أننا شعب عربي يتأثر على طول بأي خبر .. ومايمدي الخَبَر يمدّ رجله إلا ونصف الشعب متراسلين بالرسايل يحذّرون أو ينصحون أو رُبما يهنأون .. والخبر على قَدرَه ووزنه ! قبل أيام وصلتني على الجوال أكثر من رسالة تحذير من طحينيه مُتسرطنه والسرطان يدبي في جنوبها وجوانبها .. ويقولون ( ترى اللي بياكل منها فالله يرحمه ويسكنه الجنّه .. ولاينسَ يكتب وصيّته ) . ومضمون الرسايل أن خمس أو ست شركات مُصدّره للطحينيه الكامشه صدر بحقّها عِقاب لأنها تبي توديّ البشر في داهيه .. وأن وزارة التجاره ألزمتهم بإتلاف ماعندهم من الطحينيه مع تغريم مبلغ مالي والتشهير بهم و ( اللي مايقدر يشتري طحينيه اليوم ومامعه دراهم .. خبره اليوم ببلاش ) ! قبل فتره كتبت أيضاً موضوع عن رز أبو كاس .. بعد ماوصلتني أكثر من رساله كالعاده على الجوّال تُحذّر من شرائه لأنه راعي رسمي في برنامج تلفزيوني ( وقاطعوه ياجماعه ) و( لاتشترون رزّه ) و ( عليكم بالإندومي تراه أبرك واحسن واوفر ) .. وانا صراحه واعترف بهالشي ( طرت في العجّه ) وارسلت الرساله لكم راعي بقّاله عشان مايقصّر معي ويحاول أنه يأخر سداد دراهمي له بعد فتره ، ولكن تبيّن لي فيما بعد أن الرساله خاطئه من ساسها إلا حدّ راسها .. ويوم جتني هالمرّه ( رسالة الطحينيه ) .. قلت : ياولد أركد ولا تفكّر ترسلها لأحد .. ثم تبلش وتحطّ شي في ذمّتك .. لكن صار الأمر صحيح .. وان الدعوه متسرطنه وجايبتن العيد فالاوادم ! انا اقول .. ياوزارة التجاره وياغرفتنا التجاريه من زمان ماشفناكم ( تكفشون أحد ناوي بالبشر ) .. وهذا الشي مايُنقص من قدركم .. لكن نحتاج إلى جهود أكبر في مقاومة كُل مايُنتَج لنا ويُتكدّس على الأرفُف في الأسواق والمحلات التجاريه ! أذكر قبل فتره كنت في بقّالة في أقصى ديرتنا .. اكتشفت أن ثلاث أرباع البقّاله [ بضاعه منتهيه صلاحيتها ] .. حتى أن عنده ( شطّه حارّه أم ثلاثة فلافل حمرا ) ويوم شفتها توقعتها ( كتشب ) من سوادن قالبن لونها ! البعض يستغرب تشهيرهم بالشركات .. وانا أقول ( هذا هو الأصل ) .. لأن مثل هالشركات راح تودّي عالم في عذاب طول عمرهم .. على حساب ( كم ريال ) في جيب صاحب الشركة " الفلته " ! وبودّي أن وزارة التجاره أيضاً تلتفت بتوصيه منها إلى البلديات للقيام بمسؤوليتهم في تنقية المحلات التجاريه من البضائع المُنتهية الصلاحيه والمتفرشخه عندهم " سنين طويله " وبانتظار " زبون " يضفّها ويحشرها في بطنه وبطن عياله ! سلام ياطحينيه اخر تعديل كان بواسطة » مدمن شاهي في يوم » 23-02-2007 عند الساعة » 15:10. |
23-02-2007, 16:30 | #2 |
عضو شعبيات
|
رد : فطورنا مافيه طحينيه !
السلام عليكم ورحمة الله وبركاته مساء الخير ،، يااخوى مدمن مشكلتنا مشكله !! وزارة التجاره اخر من يعلم بها المواد وحنا ياغافلين لكم الله ،، اغلب المواد الموجوده فى الأطعمه محظوره دولياً مثل بعض الألوان الصناعيه الموجوده في اغلب الحلويات والشبس ومن ياكلها غير اطفالنا وعندنا هنا تنضاف بكميات ومافى احد وقفهم ،، وماتصحى هالوزاره الا الين الناس يتكلمون ويكتشفون هالبلاوي ،، وكل يوم يطلع لنا واحد يقول ترى كلها هالكلام اشاعات وعادى كلوا مهوب جايكم شئ<<<وقابلونى اذا كانوا هم والا عياله ياكلونها بعدين المفروض كل شركه تخالف لازم التشهير بها هاااذى حياة أوااادم مهوب قطاوه !! قبل كم يوم فيه ناس في زواج جاهم تسمم وراحوا فيها ،، ولااحد قال فيهم والا احد شهر فيهم ،، ايه الله يكون بعونا،، الله يعطيك العافيه اخوى ،، واعتذرعن عدم ترتيبى للموضوع ،، دمت بخير،، |
23-02-2007, 16:52 | #3 |
المشرف العام
|
رد : فطورنا مافيه طحينيه !
مدمن وشلونك والله اني احب مواضيعك اشكرك على تواصلك بس ودي انوه عليك ان مواضيعك من ضمن اهتمامات هذا القسم يالغالي وهو قسم سوالف شعبية قسم مواسم تختص بالشعر الفصيح والنثر والخواطر وشعر التفعيلة لا عدمناك |
23-02-2007, 20:55 | #4 |
عضو فعّال
|
رد : فطورنا مافيه طحينيه !
انا سمعت بالخبررر بس ياااهووووووووو مؤسف طيب اللي يحب الطحينيه شيسوي ... يعني ماقلولنا .. لينا مانستغني عنهاا ... طيب مافيه شي ناكله يشبها مدمن .. ميرسي على موااضيعك اللي كلها اكشن |
25-02-2007, 15:09 | #5 | |
مدري
|
رد : فطورنا مافيه طحينيه !
هلا والله بالوحش إقتباس:
الحين يعني ماعاد فيه طحينيه !! وراه << حوطي يارجال اهم شي لاتنتهي القشطه بس ولا الباقي له بديل منور يابطل ولاتحرمنا من مواضيعك |
|
01-03-2007, 23:39 | #6 | |
عيار
|
رد : فطورنا مافيه طحينيه !
إقتباس:
عليكم السلام مساء الزنجبيل الحار سعيد بمرورك وخربشاتك الجميله .. لاعُدمت .. |
|
05-03-2007, 12:53 | #7 |
موقوف
|
رد : فطورنا مافيه طحينيه !
مدمن شاهي موضوع جميل عشان انه يتطرق لموضوع يهم شريحه كبيره من المجتمع وانت اولهم انا لي تعقيب على الموضوع يتمثل في نقطتين<<< الا ما اصلح ادير دفة الحوار في موضوع عن التكارنه في جده في قناة ارتيريا نرجع على النقطتين: 1_ اتمنى انهم يجيبون معالي الوزير حق التجارة اللي ما اعرف اسمه ويحقنونه بتنكة طحينيه غصصصصب مب عشان شي بس نبغاه يصرح 2_ او يجبرون معاليه يحط سكسوكه ويخلي شنبه كلاسك شكراً لكم |
05-03-2007, 14:07 | #8 |
وريث الرمل / شــاعــر وأديب
|
رد : فطورنا مافيه طحينيه !
المشكلة متفرّعة ومتشعّبة ... لازم أول شيء .. يفتحون عيادة مكافحة الطحينية .. على غرار مكافحة التدخين .. ويخلون يوم للنساء ويوم للرجال .. لأنهم لو فتحوها ..كل الخلق أدمنت طحنية .. واشغلنا الهيئة فينا .. وثاني شيء أعجبتني غزيل .. والله بفكرة حقن الوزير بتنكة طحنية ... غديه يصرح بالفرق بين بياض الطحنية وبياض النية وسلامتكم .. واتعذر منكم لاقتحامي خلوتكم ... حلوه اقتحامي .. >>>>>مايجووز واخيرا اسمحوا لي بها المشاركة في صفحتكم أمس الضحى في تالي الليل ونيت ونة مريض مابه الا العافية اخر تعديل كان بواسطة » إبراهيم الوافي في يوم » 05-03-2007 عند الساعة » 16:01. |
05-03-2007, 15:22 | #9 | |
عضو شعبيات
|
رد : فطورنا مافيه طحينيه !
مدمن شاهي تصدق وأنا أخوك موضوعك هذا من زمان ودي أقراء بس كل ماجيت أدخل أهون وأستخير الله أخاف أدخل وأقراء كلام جديد يخوف عن الطحينيه لأني بصراحة من عشاقها وبجنون..! وما أشتري الى بالتوانكي منك لله يا وزاره التقاره أنتي السبب أنتي السبب في ألي بيحصل دا ( صورة مصريه جالسه تهاوش ) إقتباس:
هههههههههههههههه اجل بياض النيه والله ما ودنا نحط بذمتنا يا ابراهيم لاكن على حد ماسعمت أن طحينيه النخله ما بها شي من المواد المسرطنه <<< راح يشتري تحياتي لك مدمن شاهي على الموضوع الطريف لاعدمناك يا بعد تسبدي .! |
|
06-03-2007, 18:42 | #10 |
عطر الروح
|
رد : فطورنا مافيه طحينيه !
الحمد لله اني لا احب الطحينية ولاكان علوم مدري ليش احس انها تراب مخلوط بسكر خخخخخخخ احساس حشاشة : |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|