[محمد السالم]

ماعاد ذي هروله يا ذيب قد ذا شقا = جرد الفيافي تمادى وأنت باسك قوي
يا ذيب رفقك علينا دامحن ارفقا = اقدامنا هروله وقلوبنا تزتوي
نطرد سراب الغدير ولا روينا سقا = أنيابنا تضطرس وبطوننا تلتوي
ياويش منا تلاشا ويش منا بقا = صار الخوي يالخوي يفقد حساس الخوي
يا شهم مادامنا على وضوح النقا = اقصر طنيبك تراني مخطر (ن) اعوي
يا سبع لك هقوة وأنا قريني هقا = إن المقاصد ضحاح ماتبل الروي
سرحان ارقا المنيف وخل عنك التقا = ماعاد هذا زمانك يا لحيي السوي
إلى اللقاء كان تسمح مقبلات بلقا = ولا فدوك السلام وكلنا ينتوي

[يزيد بن غشيّان]

يا شهم مادامنـا علـى وضـوح النقـا
اقصر طنيبك تراني مخطر (ن) اعـوي

يا سبع لك هقـوة وأنـا قرينـي هقـا
إن المقاصـد ضحـاح ماتبـل الـروي

سرحان ارقا المنيف وخل عنـك التقـا
ماعاد هذا زمانـك يـا لحيـي السـوي

إلى اللقاء كـان تسمـح مقبـلات بلقـا
ولا فـدوك السـلام وكلـنـا ينـتـوي

الله و اكبر

يا زين مثل ذالقصيد اول الصبح . و انت يا محمد شاعر ولا يكفيك من الاطراء كثيره

صح لسانك مليون اخوي

[محمد آل مستنير]

صح لساااانك ملاااااااييين



ماعاد ذي هروله يا ذيـب قـد ذا شقـا
جرد الفيافي تمادى وأنت باسـك قـوي

يا ذيب رفقـك علينـا دامحـن ارفقـا
اقدامنـا هرولـه وقلوبـنـا تـزتـوي



مبدع يالسمي



قاف ومعنى ولا أجمل



من شاعر يمتع الحضور



دمت متألقا



وتقبل تحياتي