01-01-2008, 00:16
|
#1 |
|
رفيــق الحــزن
|
وش السالفه ؟؟
السلام عليكم يالله انك تحييهم .. ابد العلم خير عندي مويضيع ابي اسولف به وودي انك تشاركون يامال العافيه  ..القصه وما فيها الجوالات اللي بالرغم من فايدتها الكبيره واختصارها للمسافات والوقت وحاجتها اللي صارت ما احدن يستغني عنها وتقريباً صارت جزء من كل شخص ويملكها الصغير والكبير والمطنوخ والملحّط والشايب العجوز الشباب والشابات حتى المبزره معهم جولات  والبنقاليه والشغالات الكل معاه موبايل ..تقنيات عاليه وموديلات وعلومن سفره  بس اللي يضايق ويبط التسبد انها صارت غثا اللهم ياكافي من ناحية السرقات اللي يتعرض لها الناس وكثرت هالايام وما تجلس بمجلس الا وتسمع اكثر من سالفه عن سرقة جوال في السوق وفي الشارع وبعضها يخليك تموت من الضحك على الطريقه اللي لحطوا بها هالجوال وبعضها تصير من نسيان وصفقني اذا رجعو لك الجوال الا من رحم الله ..بعض الناس فيه طيبه وحبابه ما يتخيلها العقل وهذا طبعنا بس ما توصل لحد الاستغفال .. يلجىء بعض اللي امتهنوا هالنوع من السرقات الله يهديهم ويصلحهم الى طرق كثيره ومنها يابالقوه يا بالحيله واستغلال شهامة الناس وطيبتهم صح والا لا .. اكيد صح الغريب في الامر انه لين راح الجوال وانسرق تدق عليه ويرد عليك بكل ذرابه <<< ايه هيّن وتقول له بكل ادب هذا جوالي وشف عاد وش يرد عليك ابو الشباب  يا يقول لا تزعجني يايقول وش تبي انت ويصير الطالب مطلوب  واحيان توصل درجة التنازلات انك تقول له وتترجاه خذ الجهاز لك حلال بلال تبي الارقام اللي قاعد تجمعها لك سنين وتفقدها في لحظة والله قهر والا تقول ما ابي الا الشريحة ايه هيّن وهيّنين بعد وبنلقي الضوء على بعض الحوادث واللي عنده حادثه من هالقبيل يقولها ولو عنده حل يفيدنا لانها بصراحه طالت وشمخت وطفح الكيل ولين متى وحنا ساكتين <<<< اعصابك ياخي اجل جوالك ملحوووط ايه انت بعد اجل وش خلاني احتسي وافتح هالموضوع |
|
|
|
01-01-2008, 00:20
|
#2 |
|
رفيــق الحــزن
|
رد : وش السالفه ؟؟
احد منكم زيي انلط جواله اجل اطلب الله والله يعوض عليك ورح لاقرب محل واشتر ثاني ولا تنسى توقف الشريحه لا يكلم بها جزر الواق واق لوه ما يعرف احد فيها بس لعانه اغرب قصه صارت ايام العيد لمجموعه من الاقارب رايحين للبر ومخيمين هناك وفالينها وما ناموا الا الصبح ويجيهم واحد ويدخل عليهم الخيمه ويلحط الجوالات اللي شافها واضحه ويروح لواحدن نايم في سيارته اليوكن ويرقى على الصدام وياخذ الجوال ويحط رجله والربع نايمين .. السؤال هنا ؟؟ وش هالجرائه تدخل على ناس نايمين وش هالخفه اللي ما حس بك احد لا بعد ترقى على صدام سيارة الثاني وتلقط الجوال منه طيب لو قام احد وش بيصير ؟؟؟؟ والين كتابة هالرد والربع اللي اسرقوا ماهم متخيلين كيف صار ووشلون وحاجه تحيّر من جد اخر تعديل كان بواسطة » عبدالرحمن الربيّع في يوم » 01-01-2008 عند الساعة » 00:30. |
|
|
|
|
03-01-2008, 00:54
|
#3 |
|
شـــاعــر
|
رد : وش السالفه ؟؟
. مساك الله بالخير يا بو رياض .. اما سرقة الجوالات مشكله كبيره .. لهم طرق عديده ، ومنها الخطره بعد سمعت انهم يركبون الدباب ويجيك وهو بسرعته ويتله من اذنك وانت تكلم عاد الله يعينك يمكن يشيل انك معاه خخخخخخخخخخخخخخخ والحل انك تكون حرييييييييييييييييييييص برائه الذيب من دم يوسف << يلعن ام الشطحه ........ من شفتك يا بو رياض وانا ما عاد ادري وش اقول الله يعطيك العافيه .. . |
|
|
|
|
04-01-2008, 21:36
|
#4 | |
|
رفيــق الحــزن
|
رد : وش السالفه ؟؟
إقتباس:
اخبارك يابعدي عساك بخير .. الله مير يسلمك والف شكر على الحضور موب بعض الناس <<<< يدق والله انك صادق ان بعضها خطره جدا جدا ووصلت منعطف خطير وتهديد من جد !!! اما الشطحه من جد حلوه ههههههههههههههههههههههياما العافيه ومثل ما قلت خلك حريص كل ما يتمنى المرء يدركه نشوفك على خير لا تبطي |
|
|
|
|
|
04-01-2008, 21:45
|
#5 |
|
رفيــق الحــزن
|
رد : وش السالفه ؟؟
سالفه جديده ... بوه واحدن من الربع متين بالعربي دب مثل بعض الناس دخل محل وهو يكلم بالجوال وما درى مسيكين الا اللي داخل عليه المحل وناتفن منه الجوال والمحل مليان ما احدن فتح فمه واكتفى المسيكين بالفرجه معهم على الحرامي يحط رجله ويركب مع راعي دباب يحتريه وما تشوف الا غبرتهم وهو لا يقدر يركض ولا مترين مع بعض وش يلحق يالله حسن الخاتمه والسؤال اللي يمحط بنفسه وين الناس وليش صاروا سلبيين لهالدرجه ؟؟؟ معقوله ما في الحمض احد !!! ونرجع نقول وش السالفه من جد ؟؟؟؟؟؟ |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
