08-07-2002, 18:01
|
#1 |
|
عضو شعبيات
|
وخدودها ياخوي مثل الطمــاطي.... لا حول
بسم الله الرحمن الرحيم السلام عليكم ورحمه الله وبركاته هلا وغلا بالشباب كلهم كلن بنكه او اسمه   كيف حالكم [mover]شلونك ياراعي العنود [/mover] [mover]شلونك عزيز [/mover] [mover]شلونك ياالمهند يالغالي [/mover] [mover]شلونك يارهف [/mover] [mover]وشلونكم يا الاعضاء الافاضل والضيوف الكرام ؟؟ [/mover] افترت عيونكم ؟؟ ************** المهم عقب المقدمه ... هذي الله يسلمكم سالفتن مهيب قديمه ولا هيب تراث .. لكن التغيير زين ومفيد .. كنت بضيفها على موضوع الاخ عزيز كركره .. لكن ما ادام اني اخر واحد رد هناك من كم يوم ولا حد لقانا وجه .. ولا ن القصيده هنا تنتظر النشر من كم يوم فسأكتبها هنا وعلى بركه الله هذي الله يحييكم ويسلمكم ويخليكم لعين ترجيكم قصه زوج وزوجته كانوا عايشين في قمه الرومانسيه والحب وكانت الزوجه مدرسه (مع الإعتذار لجميع الإخوة ممن زوجاتهم مدرسات) وهذا الزوج جا ء يوم من الايام وهو طفران .. ماهنا زود دراهم الله يخلف وحصل زوجته توها مستلمه المعاش وهو اللي ينبسط ويوم طلعت من البيت ... نقز للدرج اللي فيه الدراهم .. والقط سبعه الاف ريال فقط لا غير المهم درت زوجته .. وازعلي واطلعي لبيت اهلها ونادت اخوها وتمردس ببطنه وماخلى فيه عرق صاحي والله لا يوريكم ... لكن الزوج بعد ماصحى وصحصح و استصح قال هالقصيده اللي كلها شجن وعاطفه بعد ما هجرته زوجته بدون عوده اتمنى تنال اعجابكم علما بأن هذه القصيده عندي من حوالي السنتين .. وقد نقلتها من مجلس عنيزه على ما اذكر ولكم تحياتي [poet font="MS Dialog,4,crimson,bold,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=black,strength=16)"] لي زوجة حبه يتــل المعــاليق = عرسي عليها العام باول شباطي من روحته والزاد بالبيت ماذيق = ولا اميز العلم القوي والخراطي بياض وجهه من بياض الغرانيق = وخدودها ياخوي مثل الطمــاطي والصدر يزهابه عذاب العشاشيق = والردف زامي فوقة الخصر واطي ومدرسه مع زين كل التخاليق = وزود على هذا تعـرف الخياطي وجابت رويتبها وصفـقت تصفيق = تسـعة الاف كلهن بالمــغاطي وصكت عليه بغرفته بالصناديق = وغطت على صندوقهن بالبساطي وديتها تشري قدور واباريق = وانا انطلقت للبيت يم الشناطي واخذت سبعة الاف معهن تلاحيق = وخليت انا الف وخمس معهن افراطي عرفت وقالت عندك اليوم ماليق = واللة لوتربط برجلي ارباطي وانا عرفت اني توهقت توهيق = يااللة يارب اتهديـن الصراطي وقالت لخوها كل شي بتوثيق = وجاني حلال القوم راع النشاطي ثمن ضربني ضربة تييبس الـريق = وقام وفرشني فرشتة للــسماطي وقام يتوطاني بليا ترافيق = ويرجد علي ويمسحن بالبلاطي واوجس بصدري عقب ضربه حشاريق = قمت اتنفس عقبها من اباطي لي تسعة ايام وانا بي تشاهيق = عجزت اسولف كن فيني اصقاطي براسي صعارير اسواة الزرانيق = ومضارب بالبطن مثل المقاطي ولا ضاق صدري قمت اجمع طوابيق = و الى توسع قمت اجمع قــواطي انا احمد اللة بدّل الضوق بالضيق = والهم من راسي نزل للمواطي [/poet] |
|
|
|
10-07-2002, 10:21
|
#2 |
|
رحمة الله عليه
|
وقـــام يـتـوطـانـي بـلـيــا iiتـرافـيــق ويـرجـد عـلـي ويمسـحـن iiبالـبـلاطـي واوجس بصدري عقب ضربه حشاريق قـمـت اتنـفـس عقبـهـا من اباطي العن ام ام الوصف<======= معه علم انه عيب بس منهبل من الوصف  وش اسم الشاعر؟ ارجوووووك  <======= متاثر بالمسلسلات المكسيكيه وبعدين اسمع يابعدي تعرف شاعر يقاله (فلان الواصل) شايب (مامن بعد عن ابو نوت) تكفى اورد شي من قصيده على كثر ماسمعت عنه لكن ماسمعت له ابد وان كان ابي اتعبك يكون ابرك<======== شف الاسلوب ايه معي علم لو تعرفه منتب مقصر وبعدين موضوع الكركره ياخي .... ليش ماتورد شي عن (الخويطر)الله يرحمه واخلص رد بسرعه لاتصير مثلي ثقيل طينه |
|
|
|
|
10-07-2002, 13:08
|
#3 |
|
عضو شعبيات
|
اهليييييين ابو العز
كيف الحال .. تو الناس .. بدري ...  <--------- موب معصب ابددددددد وبانسبه لقائل هالقصيده الحقيقه ما ادري منهو ... ولا اتوقع انه يفضح عمره بين الخلق المهم ياخوي وينكم .. وراكم نايمين عسى ماشر ... وين المهند ؟؟ وش انت مسويبه ؟؟ وبالنسبه للشاعر اللي تسأل عنه اللي هو إبراهيم بن محمد الواصل الله يطول بعمره ويخليه لعياله وهو راويه وشاعر كبير ... ويسكن حاليا في مدينه عنيزه ... وله قصائد كثيره واشرطه إذا تحدث عن قصيدة أو قصة أو عن شاعر يورد المعلومات الوافية والتاريخ الذي جرت فيه باليوم والشهر والسنة والموقع الذي سمعها فيه والحضور مما يجعل المتلقي يثق بصحتها وقد فتح قلبه ومجلسه في أربع جلسات بالأسبوع وهو يوم الأحد والأربعاء بالصباح ويوم الاثنين والخميس بعد المغرب ويرتاد هذا المجلس الراوي والشاعر ومن له اهتمام بالتاريخ والشعر.. (ياروحي يالفصحى)المهم انا ماعندي له شي ولا عندي شي من اخباره الا النزر اليسير .. عموما هذا مقال كان عندي من فتره ... نشر في جريده الجزيره لقاء معه وهذي مقتطفات من محاوره بينه وبين الشاعر الكبير صقر النصافي قال في عام 1369ه كنت بالكويت واجتمع كل من صقر النصافي وعلي أبو ماجد المتوفى في شهر 6 من عام 1383ه وقد جرى بينهما عدة محاورات لم تطبع ولم تنشر.. صقر سلم على أبو ماجد قال أبو ماجد: مرحبا بالرفيق اللي ينومس كلامه ليتني جار والا لو من أدنا فريقه أبو ماجد يحبك يوم هو في تهامه والموده تجدد والمبادي عتيقه قال صقر: ليت علمي وعلمك تلتزم به حمامه والخبر ما يضب من القلوب الشفيقه والا أنا مثل عدٍ مستخلٍ مقامه ما أحرز أطرش وعيني من وجعها عويقه واستمروا بهذه المحاورة.. ثم حصل بينهما محاورة ثانية والمناسبة كان علي أبو ماجد ساكن في مكة وقال صقر النصافي: ليه تسكن بالجبل لو تزخرف لك زهيد غير حج البيت ودك تنزح عن جباه ليه ما تسكن عنيزه بها خضر الجريد والتجار وقربهم من تسابيب الغناه قال علي أبو ماجد وقد ذكر حمص وحماه يقصد أن له بنتاً وولداً فيها صغاراً: ودي أسكن به وسكاني فيها يوم عيد لكن المخلوق يمشي بتدبير الإله كن حاديني عن زيارته مثل الضديد النخل ما ليش اوقفيت عن حمص وحماه قال صقر النصافي: الغشيم اللي تعرض على رجل رشيد ماشٍ بالدرب عينه مقديته خطاه وأيضا جرى بين الشاعرين صقر النصافي وزبن بن عمير العتيبي في ليلةٍ اجتمعوا بحضور الشاعر علي البراهيم القري وعبدالله السليمان المزيد بالكويت قال صقر لعلي القري نبيك تشاركنا بالمحاورة قال القري ما أقدر أباريكم ولاني في مستواكم ولزموا عليه قال أنا أباسم لكم والباقي عليكم قال القري: سلام الله على صقر النصافي هو وأبو غشام أقوله من هجوس كلها باللعب مرتاحه أنا ما غير أبا أقرع يا جماعة خير بالدمام وأبو غشام هو مغلاق هالمعنا ومفتاحه واستمرت المحاورة بين زبن بن عمير وصقر النصافي الله يرحم الجميع منهم ثم بدأت محاورة ثانية بينهما قال صقر: اليوم يا زبن خليت الهوى اللي يريده ناسٍ لوازيمهم وردت وأنا صدر لزومي منول أطرب وأكيف للملابيس الجديدة واليوم حالي اسموحيه الي غسلت اهدومي ثم قال أبو محمد(ابراهيم الواصل ) إنني سمعت ان فيه أربعة شعراء كبار كل واحد قال بيت من الشعر بالغزل على معنى واحد وهم عبدالله بن سبيل وبعدالله اللويحان وسليمان بن شريم وعبدالرحمن العيسى.. عبدالله بن سبيل قال: أحبهم والله عليم بما أخفيت أحب من مضنون عود لصيبه قال عبدالله اللويحان: من يوم هوتوه وأنا خاضع له اخضاعة الشايب على أصغر عياله قال ابن شريم: ما له حلي الا مودة عيالي واصغر عيالي بالغلا كنه اياه قال عبدالرحمن العيسى: اسلم وسلم الي جيت الجماعة يا سليمان سلم على اللي جتين للصغير من عيالي [poet font="Tahoma,4,darkred,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""] يقول وفي عام 1391ه سافرت لعنيزة وركب معنا واحد مطيري من أهل السير جاي من الكويت وقال: إن الشاعر زيد بن غيام قال أبيات من ضمنها يقول: علوى منوّل اهل خيل يعنوني = واليوم صاروا بشق طويق بقاره اللي يشيل الخشب واللي يحفروني = واللي على منكبه يشيل محفاره وجدي على صاحبي عن ماقع الهوني = عن ماقع ما يجي به بس مع فاره اللي الى أوحا الموذن قيل مجنوني = والجار ما حللوا مشيه على جاره حلفت ما أجوز من دونه ومن دوني = يكود قصر الحساء ينزل على واره واهل عنيزه على البصره يحلوني = والمجمعة تنتزح للسيف حدّاره [/poet] وسلامك وسلامه السامعين .. كان فيه احد يسمع <------- شويه متحطم اقول كان الموضوع ماجاز لككم هنا في سالفه وقصيده انقله ياخوي للعام خل نترزق الله عند ابو نوت ولكموووووووو تحيااااااااااتي كل شخص باسمه الحبيب |
|
|
|
|
10-07-2002, 14:19
|
#4 |
|
رحمة الله عليه
|
الحي يحييك والميت يزيدك غبن اخوي الحبيب والله ماتوقعت انك ملم بالادب والتاريخ والشعر الى هذا الحد<=== شف الفصحى الي مهيب فصحاك ماشاء الله عليك ذكرت علي ابوماجد<======= يعلم الله اني احبه الله يرحمه علي القري<========= وهل يخفى القمر وليتك تعرف القصيده الي ارسله لامير الرس (ابن عساف) زبن ابن عمير<======== مااظن ان فيه شاعر ابدع بمجال الغزل والهجاء جميع مثل ذا ابراهيم الواصل<========= علم على راسه نار<====== ماعاقت معه الله يجزاك خير يالحبيب والله ماقصرت بيض الله وجهك <====== يدور زود مدح يحطه على العموم الف الف الف الف شكر لك يابعدي |
|
|
|
|
11-07-2002, 11:25
|
#5 |
|
عضو شعبيات
|
الله يعطيك العافيه يالحبيب
عزالله انها قصه جميله جدا وقصيد مختلط فيه حب وضحك وضرب بصعارير هههههههههههههههه الله يعطيك العافيه ويقويك أختك رهف |
|
|
|
|
12-07-2002, 00:58
|
#6 |
|
رحمة الله عليه
|
السلام عليكم .......... اخوي : الحبيب ..........................الله يبيض وجهك أنشهد إنك حبييب ويابعدي توني جاي من هيئة الامم المتحده ماحل مشكلتي مع السيرفر ا لاهم تسلم والله على هالسرد الطيب والممتع ويحق لك والله تزعل ماحد رد عليك ,, لكن يوم قارنت منتدانا مع بوح القوافي قلت حنا بخير وستين نعمه بفضل الله ثم جهودكم جميع الله يوفقكم ,,,, وتسلم يابعدي ,,, مع تحيا1111111111تي .. |
|
|
|
|
12-07-2002, 10:01
|
#7 |
|
جاسر الحربي
|
السلام عليكم,,,, هلا بالحبيب ,,,,, وتسلم والله على هالطرح الممتاز ,, واعذرني والله هالايام مشغول,, في أمور "القبيلة" وانت وافي وافي وافي ,,, مير اعذرني وان شاء الله,, بحاول اتواجد قدر الامكان ,, ____________________________ تحياتي المسك يا ريحتـــــــه اخوك/ أبو المهند |
|
|
|
|
12-07-2002, 18:55
|
#8 |
|
عضو شعبيات
|
هلا هلا هلا بالربع هلا
اهليييييين اخوي عزوز وشلونك حبيبي عساك طيب ... الحمدلله على السلامه <------ توه واصل من السفر تسلم على كلامك الحلوو .. ومانلحق جزاكم يالغالي اختي الكبيره رهف .. اشكرك من اعماقي على متابعتك واسف على التقصير اخي او اخوي راعي العنود شلونك عساك طيب ... والله ياخوك .. انك رجال اجودي .. مير هالسيرفر الله ياخذه متسلط عليك بس وش سالفه بوح القوافي ؟؟ <----------- يدربي راسه تراه عموماااااا ولكمووووووووووو المهند اخوي اتراقص خجلا امام سيل كلماتك العذب ... ياخوي انت كلك على بعضك حلو ... خطك لونك "شكلك " ماشاء الله اخجلتني والله ومانلحق جزاك سيم سيم عزيز وكل الربع الحبيب |
|
|
|
|
12-07-2002, 19:22
|
#9 |
|
رحمة الله عليه
|
السلام عليكم ......... اخوي : الحبيب ....................................ياهلابك والله ومسهلا والله ياخوي منتدى بوح القوافي والله مادري وش قصته مافيه أي حركه ميتين مره ويوم دخلت تفاجئت اليوم بهذا الخمول وعدم الحركه..........وتسلم والله اخوي..... بوح القوافي جيراننا المنتدى الرئيسي للشعر مع تحيا11111111111تي .. |
|
|
|
|
12-07-2002, 21:46
|
#10 |
|
عضو شعبيات
|
ايه بلا ماعندهم الحبيب :p
<------- وينه عند عمره حاط مشاركتين اليوم يسلموووووا راعي العنود على التفاعل الرائع والمتابعه الحلوه لكن ومن خبرتي السابقه ترا هالوقت وقت ركود .. وبوار للمنتديات عشان السفرات والسهرات والروحات والجيات والطلعات وانت خابر عاد الصيف ومايسوي الحبيب |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
