09-04-2009, 05:35 | #46 |
شــاعر
|
رد : قنـــــــاديل .. !
الله الله عسف وفروسية شاعر بفصوله الاربعه على جال الود متابع |
10-04-2009, 09:12 | #47 | |
شــاعر
|
رد : قنـــــــاديل .. !
إقتباس:
اشادة من شاعر مميز وجميل .. وسام فخر اتشرف به دوماً .. اهلاً بك يافالح على الود نجتمع الابواب مشرعة لك في كل حين شكراً واكثر يانقي |
|
10-04-2009, 09:22 | #48 |
شــاعر
|
رد : قنـــــــاديل .. !
. ؛ يمر الليل متثاقل على صدره .. ويتمايل مثل طيرٍ ترده ريح كل ما ياوي لـ عشه .. اذا هالليل من دونك .. حبيبي .. وحشته وحشه حبيبي وينها عيونك تضوّي قلب مجنونك حبيبك ..من على عرشه .. يناديلك .. ينادي ي ي لك يبي يشعل قناديلك .. يمر الليل متثاقل على صدره .. ويتمايل يذكرني بجديلك .. ليل اغواني شذى عطره ممل الليل من دونك حبيبي .. ووحشته وحشه . . ؛ . اخر تعديل كان بواسطة » عساف المقبل في يوم » 10-04-2009 عند الساعة » 09:30. |
10-04-2009, 09:35 | #49 |
شــاعر
|
رد : قنـــــــاديل .. !
؛ . ؛ . ياللي انفاسك غمام ............. لين اعشب بالضلوع ورد واشواق وهيام ............. ومايلوع القلب لوع لو علي والله مانام ............. ولا اطفّي هالشموع ؛ . . |
10-04-2009, 09:37 | #50 |
شــاعر
|
رد : قنـــــــاديل .. !
.؛. . ـــــ من يوم ضجّ ابك المـدى ـــــ لين انطفى نجـم الجـدي ماغير اغني علـ( الحدا ) ـــــ والجرح يحّْدانـي حـدي ياسيـدي .. رد الصـدى ـــــ والا انت تعرف مقصـدي الله يعزّك مـ( الـردى ) ـــــ مادام عـزّك فـي يـدي سيفٍ علـى كـل العـدا ـــــ خيلٍ على الروس اتعـدي . . |
15-04-2009, 12:42 | #51 |
شــاعر
|
رد : قنـــــــاديل .. !
؛ . يامدللهـ .. وانا اللي يذبحني الوله يامدللهـ .. سريت ليلك بأوله .. جفني السهر .. صوتي المطر .. قلبي سراج .. بين الحنايا واشعله امشي الطريق .. ولا التفت للي وراي .. همي العتيق اوراق من ظلما وناي حزنٍ من الماضي البعيد.. صوتٍ من الماضي البعيد .. ذكرى .. جرت مجرى الوريد .. و ماتت بظل الاسئلة تركتها .. يامدللهـ .. وسريت ليلك بأوله .. . . |
15-04-2009, 12:50 | #52 |
شــاعر
|
رد : قنـــــــاديل .. !
؛ .
الزيف مثل السيف ابو حدين = اما جرح نفسه .. جرح غمده والسالفه ياصاحبي ( قلبين ) = تواعدو علـ ( الحب ) من مده مر الزمان .. ولا رحل تشرين = مر المكان .. ولا نبت ورده . . |
28-04-2009, 17:33 | #53 |
شــاعر
|
رد : قنـــــــاديل .. !
؛ .
شمس الهوى غابت = بـ الوانهـا السبعـه بس السنـا ثابـت = ما فـارق اللمعـه وغيومهـا ذابـت = والارض مرتفعـه كل المطر .. جابت = واثر المطر .. دمعه تسقي غصن نابـت = مل الجفاء هزعـه . . |
28-04-2009, 17:38 | #54 |
شــاعر
|
رد : قنـــــــاديل .. !
ادري تحـبـيـنـي=وادري انـا فيـنـي يملـى شرايـنـي=حبٍ بـدون قيـاس ــــ = ــــ امن المـدى نظـره=وامن المطر .. قطره وامن الزهر عطـره=ويتّشكل الاحسـاس ــــ = ــــ حريـرك المخمـل=وليل الشعـر يثمـل والبدر بـك يكمـل=وتسري بك الانفاس ــــ = ــــ مـن قلبـي لقلبـي=ياسـيـدة حـبـي من نفحـة الغربـي=اقبل بـك النسنـاس |
28-04-2009, 17:45 | #55 |
شــاعر
|
رد : قنـــــــاديل .. !
؛ . اقبل علـي يختـال ............ والريـح خلخالـه مثل السحاب ان مال ............ واحيـاك همـالـه في عنقه السلسـال ............ وفي كفـه رسالـه قمت افتح الاقفـال ............ وقلبي علـى فالـه . ؛ . |
28-04-2009, 17:47 | #56 |
شــاعر
|
رد : قنـــــــاديل .. !
؛ . . العرافه .. تقرا كفك تملى عقلك بالخرافه .. تسكن صوتك .. صوتك اشّبه بالحكايا وانثرتها بالزوايا لين جدرانك تهاوت ناسكٍ يغوي عفافه العرافه .. تقرا كفك تملى عقلك بالخرافه .. لا هو نجمٍ يشتعل لك ويشعلك لابعد مسافه .. ولا هي ظلمات الكهوف وتسكنك عتمه وخوف وتعتريك الارتجافة .. العرّافه .. تقرا كفّك ولا هو شفّك .. وتملى عقلك بالخرافه بحر اسود .. ولا هو اسود كيف لفّك .. يضرب الرمل بيدينه ويغرق بصدره سفينه تشوف قاعه من جفافه دربٍ اجرد .. واتدلى به مدينة .. وتحسب انّك اللي ابعد مثل نجمٍ يشتعل لك ويشعلك لـ ابعد مسافه العرّافه .. تملى عقلك بالخرافه .. . |
28-04-2009, 17:52 | #57 |
شــاعر
|
رد : قنـــــــاديل .. !
؛ . لا تسولف للسحايب والبروق .............. وانت قلبك انخلق للعشق مـا كان قصدك تعتلي بالحب فوق .............. او تحسب اني شكيتك للضما لك غديرٍ منسكب بين العروق .............. ولك نخيلٍ طاول العزه .. سما . ؛ |
04-05-2009, 18:24 | #58 |
شــاعر
|
رد : قنـــــــاديل .. !
؛ . ياحدود الارض .. والمنفي انا عن حدود الارض .. يخطفني سنا ..
ياحدود الارض .. مالي بك وطن =.......... موطني .. في مهجة الشمس ارتفع لو بنوا فيك الشوارع والمدن = .......... موطني .. من كل ضيءٍ اجتمع ؛ . . . |
16-05-2009, 05:06 | #59 |
شــاعر
|
رد : قنـــــــاديل .. !
. ؛ . دق الوتد وابن العمد .. وخيامك اللي من تعب افرش ضلوعك عـ الثرى .. والا الثريا من لهب دق الوتد .. ماعاد به ارضٍ تنادي بالعشب .. جرهدوها .. بالعيون وجرهدوها بالحسد دق الوتد .. طش السفر خلفك .. وخلّه للطريق ماعاد به حلمٍ خضر .. من يوم جافاك المطر .. والارض في عينك تضيق .. بين الاماني والوعد دق الوتد وابن العمد .. وخيامك اللي من تعب افرش ضلوعك عـ الثرى .. والا الثريا من لهب . . |
16-05-2009, 05:07 | #60 |
شــاعر
|
رد : قنـــــــاديل .. !
؛ . من تغيب .. يسكن بروحي غريب من تغيب .. يصبح العالم كئيب لا نجوم ولا قمر .. لا غيوم ولا مطر لا نسيم ولا زهر .. لا دروب ولا سفر من تغيب كل هالدنيا تغيب .. وينّطفي بي هالعمر . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|