[مذكر العطاوي]

السلام عليكم ورحمة الله وبركاته
هذه اول مشاركه لي وعسى ان تنال اعجابكم

البارحة ليلـي قضيتـه هواجيـس=اسامر انجـوم(ن) سـرن يقدحنـي
لاشفت مشهاب(ن) رميبه على إبليس=اذا قـدح معـه الهمـوم اقدحـنـي
برض(ن) خلا فيها المنايا متاريـس=صوت الذيابه والوحوش ازعجنـي
فيها نبات(ن) زاهي(ن) مابعد ديس=ما طبها العسـاس صلـف التعنـي
ضلعانها شضفن رفيـع المراويـس=لـو قلـت كلمـه كلهـن جاوبنـي
تلقـا مواكـر لطيـور القرانـيـس=مواكـرن فيهـا فـروخ(ن) ربنـي
ماشفت فيها مـن يشـب الفوانيـس=ولازارهـا الـي فالحيـاه امتهنـي
من هـو لفاهـا يلبسنـه لوابيـس=كم واحدن جاهـا ومنهـا استجنـي
والنوم فيهـا بيـن حلـم وكوابيـس=كن العيـون ابنومهـن مـا غفنـي
وذكرت يوسف يوم فعلـه نواميـس=عنده وطيبه فـي زمانـه وصنـي
هو راعي النخوه بعيـد المراميـس=اليـا لفانـي بالبيـوت اطربـنـي
ابغاه ينهـج فـوق سـم التغاريـس=يوم المواتـر مـع دروبـه ثونـي
جيب الشبح كن المواتـر ملاميـس=اليـا طرقهـن ويسـن يلحقـنـي
نبا الوعول اللي جررهـا مداويـس=اللي ليـا شافـن غريـب اجفلنـي
اتبوه القصـاص كثـر التحاويـس=من كـل صيـد وجرتـه يخلفنـي
وليا نكفنـا انمـر راع النواعيـس=ابو جديل(ن) فـي غـلاه امتحنـي
زرع الغلا في وسط قلبي مغاريـس=نبته مـن الاشـواق ولـه اثمرنـي

[حسين آل ذيبان]

الاخ / مذكر العطاوي
صح لسااانك
وجميلة تلك الصور التي ذكرت
في البعد عن الضوضاء والصخب
ومزاولة هواية القنص الراحة النفسية الكبيرة
تقبل تحياتي
حسين

[نورة العجمي]

مساءك ورد يامذكر
صح لسانك
وياهلا بك في شعبيات
واحة الشعر والأدب
احتراااماتي

[فواز بريك]

صح لساااانك أخوي / مذكر
قصيدة جزلة ووصف رائع تبشرنا بالكثير والرائع منك

تقبل مروري

[مذكر العطاوي]

صحت ابدانكم جميعن ولا هنتو والله يعطيكم العافيه
وسوف اوافيكم بجديدي وعسى ان ينال اعجابكم
تحياتي لكم