10-11-2009, 04:01 | #1 |
شاعر
|
تطمن يا وطن في ظل ابو متعب عظيم الشان
ارض الوطن وحكام الوطن وشعب الوطن غالين علينا جميعآ 000 صباح الخير يا اطهر ما خلق ربي من الاوطان= صباحٍ عطر احروف القصيد وفاح بوراقي على نفحة عبيره فاح ريح المسك والريحان = شذى ورد الربيع ان مالت اغصانه على الساقي تبي تعرف وش الي ميزك عن ساير البلدان= حكم فيك الملك عبدالعزيز وصرت تواقي اخو نوره ليا منه تعزوى بالفم الملــــيان = وقال اليوم يومي وابتدا في نسف الاعناقي جمع شمل القبايل تحت رايه لا اله الا الولي اخوان= وصفى جوك بعد ضرب السيوف ويبس الارياقي وابك سيفٍ شطير وللعدل شرع الله الميزان= وابك نخلة عطاء للشعب تثمركلها ارزاقي ولك مجدٍ تليد وباالمعارك بك صهيل حصان= ولك لا ثارت الهيجا عسام وريح تفاقي وابك حكام حطو للشريعه في البلد عنوان = على دين الرسول معاهدين الله بميثاقي وعلى آرضك ولد صفوه قريش ونزل القرآن= وابك مكه وطيبه يا وطن قلي وش الباقي احبك يا وطن حبٍ تمكن داخل الشريان= ورثته في صباي وكل ما اكبر صار بعماقي ابيع الروح من شانك فدا لرضك ومهما كان=انا ما اشوف غيرك وانت تسكن داخل احداقي حماك الله من كل الشرور وزمرة العدوان= وحماك الله من مفسد ومن حاسد وبواقي تطمن يا وطن في ظل ابو متعب عظيم الشان = ولو ضاق الفضاء يادار جوك ما بعد ضاقي ما دام ان الملك دونك ثنى في طاعة الرحمن = ابو متعب صليب الراي مخلف هقوة الهاقي جنودك يا وطن وابن الوطن في داخل الميدان = اذا درات رحاة الحرب حنا درعك الواقي سعوديين لا هبت هبوبك كلنا شجعان = ليا ركب عسام الجو كلٍ جاك منساقي انا ابنك وانت ابوي وكل ملي وانت اعز انسان = علشان الولا والحب جيت اهدي لك اشواقي واهنيك السعاده في سلامة سيدي سلطان = ونا ادري يا وطن من غاب زوله وانت مشتاقي تبي شوفه ونا مثلك على شوفه بعد شفقان = عسى ربي يرده وانت شمسك تشرق اشراقي |
10-11-2009, 12:59 | #2 |
عضو فعّال
|
رد : تطمن يا وطن في ظل ابو متعب عظيم الشان
سعودييـن لا هبـت هبوبـك كلـنـا شجـعـان ليـا ركـب عسـام الجـو كـلٍ جـاك منساقـي صح لسانك يا عبدالمحسن وكلنا للوطن دروع وحجاب كل التقدير |
11-11-2009, 00:28 | #3 |
.
|
رد : تطمن يا وطن في ظل ابو متعب عظيم الشان
. حماسيه / وطنيه / تملؤها روح التفاني في خدمة الوطن . أبيات من ذهب صاغها شاعرنا ليبرهن أن الوطن هو أهم ركائز الذات . حمى الله بلادنا من كل شر / ورد كيد الكائدين في نحورهم صح قلبك ياعبدالمحسن العتيبي / وطاب مقالك رسيس |
15-11-2009, 07:41 | #4 |
شاعر
|
رد : تطمن يا وطن في ظل ابو متعب عظيم الشان
الغالي سمو الراي مراحب ويا هلا والله تشرفت بمرورك من خلال متصفحي وصح بدنك ولا هنت الغاليه رسيس الذهب مرورك وصح قلبك ولا هنتي |
15-11-2009, 16:35 | #5 | ||
شاعر
|
رد : تطمن يا وطن في ظل ابو متعب عظيم الشان
عبد المحسن العتيبي //
صح الله لسانك واعتلى شآنك وصف رآآئع جزآآله أروع شآعر متمكن لروحك وردة كآن هنا محمد المكحلي |
||
21-11-2009, 19:28 | #6 |
شاعر
|
رد : تطمن يا وطن في ظل ابو متعب عظيم الشان
تسلم روحك يا محمد وصح كلك وتشرفت بحضورك الجميل لا عدمنا هذا الحضور دمت بخير |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|