07-04-2010, 02:47
|
#1 |
|
شــاعر
|
مأساة عـاطـل
على رصيف احلامه البيضا جلس يفرك يـده = حزين والدنيا على راسـه تعـزف اوتارهـا لله يشكي بعد ما حزنه تسـاوى و سعـده = من نظرة الواقع ومن ساعه نطـق ثرثارهـا إن غاب وإلا وإن حضر كل العرب ما تفقده = وعيونهم ما تفقـد إلا مـن عبـد دينارهـا عمره بيالة شاي بارد فـي طقوس العربـده = يشربه في ساعة يذيب الليل كل اسرارهـا كم تعب الأخضر معاه اوراق بيض محـدده = ولا تعب قلبه من افواه البشر وانظارهـا ملف علاقي وجـوال انفصل مـا سـدده = هذا حصيله من سنيـن تلدغه باقدارهـا من وين ما ساق الخطا كل النوافذ موصـده = والنافذه في ذا الزمن يـا كثرهـم زوارهـا بالله ما عندك وظيفه ؟ والـردود موحـده = ما فيه.. و (الواو) اللعين اسرف بهدر اعمارها أعمارهم عمر الزهر وأرواحهـم مستعبـده = لأخبار ناشرها مدلس للصحف وإشهارها ابو الشماغ الزايفه يمحـي رقمّـه ويطـرده = ويدسها للـي لبـس بدلـه وزر زرارهـا الى متى هذا الرجل جالس ويفرك فـي يـده ? = والى متى يبعد عن دروب الظلل وأخطارها ؟ |
|
|
|
07-04-2010, 03:31
|
#2 |
|
شـــاعــر
|
رد : مأساة عـاطـل
بالله ما عندك وظيفه ؟ والردود موحده ما فيه.. و (الواو) اللعين اسرف بهدر اعمارها والله صادق يا ايها المبدع ... ابو الشماغ الزايفه يمحي رقمّه ويطرده ويدسها للي لبس بدله وزر زرارها الله واكبر .. وش بعد هالبيت يا مكتب العمل؟ صح لسانك يالرائع .. سجلني من معجبي هالمتفرّده تحياتي |
|
|
|
|
07-04-2010, 12:57
|
#3 |
|
شــاعر
|
رد : مأساة عـاطـل
يالهذلي .... انت تكتب باسلوب مختلف انت شاعر مختلف ... لغتك مميزه وفكرك مختلف .... قله من يكتبون الاحساس بهذا الرقي وانت منهم .... قلة من يتلمسون الالم بهكذا مبضع ,, وانت من أجملهم ... قرأتك هنا شعرا ً يغلف الألم بالصدق ... من يكتب هكذا عن ألم ... حمل الأخضر كأنه يغرس غصن الشعر الأخضر .. ليزهر سرني جدا ً مروري يا عبدالله تحياتي اخيك سالم |
|
|
|
|
08-04-2010, 14:46
|
#4 |
|
شــاعر
|
رد : مأساة عـاطـل
عبدالله صح لسانك الى يوم يبعثون ابدعت واجدت لا هنت |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
