23-02-2011, 16:55 | #1 |
شـــاعر
|
يابيوت القصيد اللي مَلَتْ صَـدري
هذي بمناسبة عودة أبو متعب تسعة أبيات فقط للعرضة .. طلبوها مني فرقة الفنون الشعبية بعنيزة وسجلتها الفرقة لتلفزيون القصيم
يابيوت القصيد اللي مَلَتْ صَـدري=فـي معانيـه واوزانـه واساليبـه تِنْتِظر فوق أحَرّ الشوق من بَـدْري=جيّـة اللـي عقالـه مايـلٍ هيبـه إدْرجِي من لِساني دَرْجِـة الكِـدْري=وافرشي درب ابو متعـب وهَلّيبـه باسم شعبٍ مايَعْرِف نِيـة الغـدري=بيـت ثابـت بِعِمدانـه واطانيبـه عَلّمي من جهـل بالعلـم مايـدري=يَحْسِـب انـا سواليفـه والاعيبـه بِـنّ هـذا مَلِكنـا عالـي القـدري=راس حـرٍ عطيبـاتٍ مِضاريـبـه إبن عبد العزيز إمْصَفّـي الكـدري=لاوِرِدْ مـاردٍ صفّـى مِشاريـبـه إن زِعِل تِسْنِـدْ الدنيـا وِتِنْحَـدْري=مالِـقـت ماتلـوّابـه وِتِرسِيـبـه وان رضي نور شمسٍ غازل البدري=وِانْعَكس نورهـا للكـون والليبـه |
23-02-2011, 17:19 | #2 |
أبو تركي / شاعـر
|
رد : يابيوت القصيد اللي مَلَتْ صَـدري
يا سلالالالالالالالالالالالالام يا ابن بادي كلمات تعانق الفضاء مجداً وصوت فرقة عنيزه يهز الأرض طرباً والله مشتاقين لهم |
24-02-2011, 00:45 | #3 | |
شـــاعر
|
رد : يابيوت القصيد اللي مَلَتْ صَـدري
إقتباس:
أبوتركي هلابك أخوي الله يحييك متى تشرفنا أنت وربعنا أهل الزلفي بزيارة تكون ليلة جمعة نشوفكم ونمر على الفرقة في مقرهم بانتظار تحديد الموعد.. ؟؟ شكراً لكريم مرورك وتقبل تحيتي |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|