13-10-2011, 00:47 | #1 |
شــاعر
|
حي الله اللي صباح العيد عايدني
حي الله اللي صباح العيد عايدني=ما مر جوالي احلا من معايدْته مايدري انه نهار العيد زايدني=وانا بعد بالمحبه والغلا زدْته لبا دفا صوته اللي هب وابْردني=من دمّي اللي تجمّد داخل اوْردْته احس بانفاسه يكلّم وهو يدْني=واحس بالشوق بيّن في تنهدْته واحس قلبي وهو كنّه يهددني=واثر الجوارح بعد الاخرى مهددْته يقول ياسعيد تكفى لا توحْدْني=انا ماشفت السعاده لين جوّدْته كن الرْقم من غلاه يْقول لي عدْني=وانا ياكم مرةٍ طاوعته وعدْته تقول شيٍ على صوته يرددْني=يرْتاح سمعي ويملا منْه مزودْته يدري بكثر اشتياقي له وينشدني=وادري بكثر اشتياقه ماتنشدْته ويقول مصيود لكن قم بعد صدْني=وآقوم اصيده لاكنّي مابعد صدْته يرضي غروره وهذا شي يسْعدني=وشْ فايدة حبني له كان ماسْعدْته عيده يعود بسلامه يوم عايدني=مازلت لليوم في لذة معايدْته |
13-10-2011, 02:14 | #2 |
شاعر
|
رد : حي الله اللي صباح العيد عايدني
مـــازلـــت لــلــيــوم فــــــي لــــــذة مـعـايــدْتــه الله عليك يابو مقبل انا سعيد جداً بان اكون اول المستمعين لهذا الشجن المتفرد وتبقى لذة العيد بالنص كثيراً تحية لك وللشعر |
13-10-2011, 03:25 | #3 |
شـــاعرة
|
رد : حي الله اللي صباح العيد عايدني
صح قلبك يابو مقبل لا تكتب الاّ مانحبه فيك ويعجبنا ورود الدنيا لنقاءك الله لايحرمنا من هالحضور ومن شعرك |
13-10-2011, 10:30 | #4 |
شـــاعــر
|
رد : حي الله اللي صباح العيد عايدني
الله يالاكلبي.. صح لسانك ولا احلا من المعايدات اللى تمطر شعر |
13-10-2011, 11:27 | #5 |
شــاعر
|
رد : حي الله اللي صباح العيد عايدني
وحي الله صباح الشعر الذي نردده ونعيده حتى يرضي غرور الشعر إنه حقا شعر يجب إن نتزود منه حتى يشبعنا شعر هكذا هو الشعر شكراااااااااااا يابو مقبل على هذا الكرم وصح لسااااااانك ترليوووون |
13-10-2011, 11:32 | #6 |
عبداللطيف العمري / شاعر
|
رد : حي الله اللي صباح العيد عايدني
الله عليك يابو مقبل باقي إلى اليوم في لذة معايدته جعل عمرك كله لذه وسعاده ياشيخ . تحياتي يا معلم . |
14-10-2011, 22:43 | #7 |
شــــاعر
|
رد : حي الله اللي صباح العيد عايدني
الله يا بو مقبل حضور واحسااس بالقصيدة جميييييييييييييل زاد جمالها جماااال تناغم .. وعذوبة ..وقوارع بكر .. باختصاااار حبكة معلم .. يا معلم . صح كلك من قبل ومن بعد ,,, |
15-10-2011, 06:03 | #8 |
شــاعر
|
رد : حي الله اللي صباح العيد عايدني
ابو مقبل ,, جزى الله لذة المعايده هذه كل خير ,,, أن عاد قلمك ليوقع بهذه القصيدة على صفحات العيد تسلم وصح لسانك ملااايين |
15-10-2011, 12:36 | #9 |
أبو تركي / شاعـر
|
رد : حي الله اللي صباح العيد عايدني
صباااح العشق يا ابو مقبل هناااا غرق حتى الثمالة هنااا صوت عاااشق يرتشف الصوت ويحوله لعزف منفرد على ارقى نغمة موسيقية طرب .. طرب .. طرب |
15-10-2011, 14:39 | #10 |
هول الليل/ شاعر
|
رد : حي الله اللي صباح العيد عايدني
ونعم يا بن مقبل صح لسانك حاولت اقتبس بيت والله العظيم احترت على كل حال صح قلبك |
15-10-2011, 15:59 | #11 |
عضو شعبيات
|
رد : حي الله اللي صباح العيد عايدني
يرضـي غـروره وهــذا شــي يسْعـدنـي وشْ فايـدة حبنـي لـه كــان ماسْعـدْتـه عـيــده يــعــود بـسـلامــه يــــوم عـايـدنــي مـــازلـــت لــلــيــوم فــــــي لـــــــذة مـعــايــدْتــه |
15-10-2011, 19:53 | #12 |
شـاعر
|
رد : حي الله اللي صباح العيد عايدني
مساء الخير ابو مقبل وكل عام وانت بخير .. ما زلت لليوم في لذة معايدته نص جميل وجزل ووتستمر انت والتميز رفقه تحيات اخوك |
16-10-2011, 11:34 | #13 |
مشرف الرحلات البرية والسياحة
|
رد : حي الله اللي صباح العيد عايدني
صح لسانك يابو مقبل وياعسى ايامك كلها اعياد |
16-10-2011, 14:58 | #14 |
شاعر
|
رد : حي الله اللي صباح العيد عايدني
الله الله يابومقبل سعيد أنا بمصافحة حروفك لله درك |
16-10-2011, 23:44 | #15 |
شــاعر
|
رد : حي الله اللي صباح العيد عايدني
ارحب يالوجيه والله يسعد ايامك ولاهنت على مرورك الكريم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|