[ثامر بن سعيد]

أطهر محبه ..



جنبت عن دربك وأنا ميت ن فيك
كله على شانك تظلي شريفه


من زود حبي فيك أببعد وأخليك
ولا فيه عاشق يبتعد عن وليفه


وإليا نويت أقرب مع بابك آجيك
مير انتظر وعد النقل بالوظيفه


ماني من أصحاب الطيق والشبابيك
وأهل القلوب الفارغه والخفيفه


عشقي نظيف وطاهر القلب ينبيك
بأطهر محبه والنوايا نظيفه


من دون لا أشوفك ولاألامس إيديك
سمعتك عندي طاهره يالعفيفه


ابفعل الاسباب وأحلمك وأرجيك
وأصون قلبي بالسيوف الرهيفه


والدبله اللي تنتظر ناعم إيديك
شريتها من قبل عام ونصيفه


وألحين من زود المحبه بخليك
كله على شانك تظلي شريفه

ثامر بن سعيد

[علي التركي]

جميل يا ثامر

والمحبة بلا شرف لا تسمى حب
سلم قلبك العاشق وحقق الله مرادك

[ناصر آل مداوي]

ياسلام عليك ياثامر

جميل واكثر من ذلك

لله درك وصح لسانك

تقديري لك

[ابوسعدعبداللطيف]

ثامر بن سعيد ..

اطهر محبه ..

نص حلّق بأجنحة العفّه
إلى ما وراء سحايب العشق الشريف

عسى الله يوفقك اخوي ..

ومزيداً من التألق الشعري

أجود التحايا لشخصك الكريم ..