[سند مطر]

لا صار لك ( صاحب ) من الكون ضايق
.. إيًاك والصدًه ,, ترى النًاس لـنًاس ..!


رجلن لدرب الطيب ,, ماهو بفايق
.. لايقول ياعالم ,, ترى عندي احــساس


لا بارك الله في رجل صار ( عايق )
.. ولاله على درب المواقيف مقيـاس


رجلن لدرب الطيب ياناســ شايق
.. يحق له .. عند البشر .. يرفع الراس


ورجلن تخفًى في جميع الطــرايق
.. لا تامنه .. بالوقت .. لادقًت اجراس


ياحيً رجلن للمواجيب .. سايق
.. في وقت فعل الطيب .. ماصار محتاس


بكرا .. يدور العلم .. ويصير لايق
.. في رجل له .. بالطيب غايه ونبراس


والله بعض احيان .. مانيب رايق
.. ويصير في صدري من الوضع وسواس


لا من تساوى طيبن له وثــايق ..!
.. معا رديً النــــاس في كلً مجلاس



( وتدري متى لنــاس مانيب طايق
.. لا شفت رجًالن .. ولكن بلا احساس )

.
.

[شيخه المرضي]

.... نصيحه مميزه

///

صباحك ....... شعر