[أسير الطيب]

يا الله يا خلاق يا مطلوبي =سهل لنا نستغفرك ونتوبي
وأحفظ لنا يا خالقي موطنِّا =اللي يعيش بخافقي وبثوبي
‏يا موطني خوفي عليك مركب=ما هو من المتسلل الأثيوبي
خوفي من اللبرالي العلماني=سووا على ارضك يا وطنا لوبي
أفكارهم مشبوهه ومسمومه=وحبرهم مثل اللهب مسكوبي
يا موطني ولسان حالك ينطق=دوبي فهمت أحداث دهري دوبي
سهام كل أحقاد من يكرهني=موجهه من كل وجهه صوبي
لاني وطن محكوم بافضل منهج=ولاطهر كتاب أهل التقى يقروا بي
من شأن هذا يا وطنَّا الغالي=انته هواي وزادي ومشروبي
حبك تمكن في ثنايا قلبي=لانك ثراي ووجهتي ودروبي
باصيح باعلى الصوت ثم أغرد=يا أمتي لله ربك أوبي
ويامن يوصل صوتي لبو متعب=ويقول له رايي مع مكتوبي
حنا جنودك يا ملكنا الغالي=شمال شرق وغربنا وجنوبي
ضد العدا راياتنا نرفعها =ونعلن عليهم بالوطيس حروبي
واعدائنا باذن الولي نغلبها=ونذيقهم طعم العنا وكروبي
المعتدي ما له علينا ذمه =يعيش قدم سلاحنا مغلوبي
وراية التوحيد أغلا رأيه=يبقى علمها عالي ومنصوبي

تقبلوا تحيات


سعيد الغامدي

[سعيد بن مقبل الأكلبي]

ياسلام يابورائد
جميل هذا التواجد والطرْق الراقي

[علي ال شيبان]

دوبي فهمـت أحـداث دهـري دوبـي !!
كلهم مشكلة الاثيوبي خطر على حياة الشعب ,
والليبرالي العلماني خطر على الفكر فهو غالباً فكر ملوث سياسياً
الوطن يستحق منّا الوفاء ,

بالكلمة والعمل

[عبدالرحمن أبن عويض]

صح لسانك ,, وجزاك الله خير ..

مشاعر كلنا نحملها ياسعيد .. ومن لايحملها مافيه خير ..
شعر سلس موضوعي ممتع .. لاهنت