07-11-2001, 18:18 | #1 |
عضو شعبيات
|
يقولون الولع
اسعد الله ايامك كلكم بالخير والعافيه[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] يقولون الولع يرّث على العقل السليم خفاف = وانا كذّبت يوم القول يذكر مير ماشيفي واظن الله بلاني وانشبكت بنابي الارداف = وسيع العين منسوع الجديله قلّبه رهيفي يعجز القاف لاياصف وليفٍ كامل الاوصاف = ولو وصّفت...زينه فوق وصفي له وتوصيفي تولّعت بهواه وكن عقلي جاء عليه اخلاف = وبغيته مير وقتي مارضا يمشي على كيفي بعد ماكان في وقتٍ مضى دايم وهو ينشاف = وقف بيني وبينه فالهوى ناسٍ ملاقيفي حدو(نوفٍ)على(نايف)ورغبتهاتبي(نواف) = عسى الله يبعد اللي فرّقوا بين المواليفي تضيّق بي هجوسي واختلي واشرّف بمشراف = ورجلي جالها عاده على مرقا المشاريفي ودمعي من عنا الفرقا من عيون الشقا ذرّاف = وحالي ناحلٍ ونحيف غادي كنّه الليفي وابطلب وارجي الله والله اللي بالبشر روّاف = يعدّل فالهوى كل المصاعب والمحاريفي [/poet] اخر تعديل كان بواسطة » ساري الليل في يوم » 08-08-2003 عند الساعة » 21:08. |
07-11-2001, 18:46 | #2 |
شــاعر
|
اخوي ساري الليل: صح لسانك وبيض الله وجهك.....قصيده جميله وعذبة كالمطر.... تقبل تحيات اخوك البدوي |
07-11-2001, 18:47 | #3 |
سيـــف الســـيــف
|
تولّعت بهواه وكن عقلي جا عليه اخلاف***وبغيته مير وقتي مارضا يمشي على كيفي0 يا عيني عليك ياساري الليل مبدع في النظم والمحاوره انت مكسب لهذا الموقع عسى الله مايحرمنا من شوفتك ومن قراءة اباداعاتك انت وشرواك من الرجال الطيبين لك اطيب تحياتي |
07-11-2001, 19:39 | #4 |
عضو شعبيات
|
اخوي بدوي صح بدنك ولاهنت على متابعتك الدايمه وبيض الله وجهك |
07-11-2001, 19:43 | #5 |
عضو شعبيات
|
اخوي قصيده فعلا رائعه جدا جدا اتمنى لك التوفيق اخوك/نبراس |
07-11-2001, 19:45 | #6 |
عضو شعبيات
|
هلا وغلا بالغالي عكاشه حقيقه نورت القصيده وصفحة القصيده بمرورك عليها وهاذا على الرغم من ارتباطاتك في المحاورات الله لايهينك وبيض الله وجهك واذا انا في رايك مكسب فانا ماحببني فالموقع الا الشعار الكبار والطيبين مثلك وشرواك ومره ثانيه ولو انها قليله مشكور ولاهنت وبيض الله وجهك ولك على هاذا الصباح اجمل تحيّه معطره بالمسك والعود الازرق |
07-11-2001, 22:50 | #7 |
عضو شعبيات
|
ساري الليل قصيده عذبه جدا00ورائعه جدا يعطيك الف عافيه 00 [ نوفمبر 08, 2001: تم تعديل الموضوع بواسطة : دنيا من الوله ] |
08-11-2001, 08:21 | #8 |
عضو شعبيات
|
يا هلا بك اخوي نبراس وانت اللي فعلا رائع .........والله لايهينك على المتابعه والرد وتقبل تحيات اخوك ساري الليل |
08-11-2001, 10:43 | #9 |
عضو شعبيات
|
هلابك دنيا الوله واذا القصيده عذبه ورائعه فأكيد مرورك عليها وردك عليها زادها عذوبه وروعه وشكرا على المتابعه والرد ولك تحيات اخوك ساري الليل |
08-11-2001, 13:12 | #10 |
عضو
|
إخوي ساري الليل صح لسانك مليون ولا تهون يا لمبدع واظن الله بلاني وانشبكت بنابي الارداف***وسيع العين منسوع الجديله قلّبه رهيفي لا تضحك الا من مصلي وصوام إقبل فائق إحترامي يا مشعل تحذيقة: كل عله تهون إمع الولع ,,,, واعذابي من القلب الوليع كل ما شفت من تمشي دلع ,,,, ودي إغضي ولا كن ماستطيع================( إبو مهنا) |
09-11-2001, 08:27 | #11 |
عضو شعبيات
|
ياهلا وغلا بخوي ابو مهنا وصح بدنك عشرة ملايين والله لايهينك على المتابعه والرد ================================ لا والله يابخت اللي مصلي وصوام وصح السانك ولو انّي ودّي انك اتكملها |
09-11-2001, 08:43 | #12 |
سيـــف الســـيــف
|
الاخ / ساري الليل 000000000000 طابت ايامك ولياليك اخوي ليتك من غير مهونه تراجع صندوق رسايلك الخاصه لك تحياتي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|