15-10-2002, 16:08 | #1 |
محمد البقمي / شـــاعــر
|
نموت لكن من الكبسات والشبعه
[poet font="Simplified Arabic,5,black,normal,normal" bkcolor="transparent" bkimage="backgrounds/24.gif" border="none,4,gray" type=0 line=200% align=center use=ex length=0 char="" num="0,black" filter=""] البارحه وامس مثل اليوم والليله =عن سوالاطباع لاوقفه ولارجعه على مواويلناوالشيله الشيله=عصر الصناعه لكن مانحسن الصنعه نعرف دروب الخلاص ولا لنا حيله=فقط نلوم الزمان وندرج الدمعه على ثرانا وفحشه نبخس الكيله=و السبت نزعل ونفرح ليلة الجمعه والصيف في نيس واطرافه وشانزيله=والبرد في ام الجماجم رمعه وجمعه نشري من الغرب مايصنع ونهديله=ونبخل على مستغيث مولمه وضعه والعالم من البطر عينه على ذيله=افكار اوربا براس الرجل منقعه الكبر والغطرسه والزود والميله=يافزعةالخير وين الي لهم فزعه اللي نعرفه نحسده ماله نخيله= الطيب الي بشتى الطرق ينتزعه رفيقنا لابغانا العون عزي له =الليث نمنعه لكن نعطي الضبعه ونحطم المجتهد ونحاول نحيله=ولطبعناالشين لازم ينقلب طبعه والضغط والهم يسقينا فناجيله =نموت لكن من الكبسات والشبعه الحلم موتر طرازه مثل موديله=جديد توه ورد و من اخر الدفعه ويموت في الحادث الواحدمن العيله=سته ويسلم فقط واحد السبعه على التجاوز لنا همه وتصميله=وعن الخطانفوسناماهيب منردعه والعصر عصر العمل والدار من جيله=وحنا مع ردوف نجوى نزله وطلعه لبارحه وامس مثل اليوم والليله =عن سوالاطباع لاوقفه ولارجعه على مواويلناوالشيله الشيله=عصر الصناعه لكن مانحسن الصنعه [/poet] اخر تعديل كان بواسطة » الحادي في يوم » 15-10-2002 عند الساعة » 16:17. |
15-10-2002, 16:15 | #2 |
رحمة الله عليه
|
الشاعر الكبير الحادي عز الله انك جيت على الجرح وصح لسانك مليييييييييييون ياخال قصيده قووووووويه والصيف في نيس واطرافه iiوشانزيله والبرد في ام الجماجم رمعه iiوجمعـه الله الله |
15-10-2002, 16:34 | #3 |
محمد البقمي / شـــاعــر
|
عزيـز الله مار يسلمك القوي الله والجرح انشالله يطيب والله الله في الكبسه ولبن الصميل البارد واستلام المخده الفراش ههههههههههههههههههههههه تصدق اني الان على وشك التهام صحن كبسة .............. بااللحم............... يد تيس مع الجنب كامله هههههههههههههههههههههههههههههههه وشكرا لك الف1000 اخوك الحادي |
17-10-2002, 23:58 | #4 |
شـــاعــر
|
أخوي محمد البقمي صح لسانك على الخروج عن النص بواقع الحال في حياتنا اليومية ,,, خروج جميل من شاعر جميل ,, ولو أن القراءة كانت صعبة يا محمد .. دمت لي ,,,,, أخوك / عبدالله مرّان |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|