25-10-2002, 10:13 | #1 |
..
|
الى كل من يعشق القصائد الغزليه ( 1 )
بسم الله الرحمن الرحيم اخواني و اخواتي اسعد الله اوقاتكم باكل خير اليوم انقل الكم قصيدة الشاعر سعد بن محمد اليحيى ( الطويّل ) عسى ان تنال استحسانكم [poet font="Simplified Arabic,5,white,normal,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""] البارح العين عارضها تعوس وصفق وصدوف=ما قط حل الرمد فيها ولا هيب مخطوفه مدري وجعها بثر و الا هزوم تخلف الشوف=و الا من اسباب عمهوجٍ محنات ٍكفوفه قلت أه مايفرج الضيقه ويبرد لاهب الجوف=الا مصافى الحبيب و رفقه الزين مخلوفه يازين حقٍ تجازي بالجمايل كل معروف= وتروف بي يوم انا يازين في حال المروفه يازين تلت عثاكيل على الامتان منسوف=والثوب عن مدمج السيقان شالنه ردوفه العين خرسا كماعين الوحش والوسط ملهوف=والخد برقٍ سرى ريف قلب اللي يشوفه كن الثنايا البرد و النهد بالفنجال ماوصوف=عليك ياجدلٍ بالزين كاملة وصوفه ياناقض القرن الاشقر فيك عن كل العرب نوف=باقي العماهيج غيرك ما علي ابها حسوفه ياصاحبي لا توثم بي تراني منك مشغوف=اونس معاليق قلبي بين الاضلاع محظوفه هافت زروع الضمايرمن سمومٍ لافها لوف=اخوى ثمرها ويبسن النواحي من شعوفه يالح قلبي عليكم لح ركبٍ حدهم خوف=عقب مغزاهم يبون الكسب شفقو بالنكوفه عقب مغزاهم يبون الكسب رد الجيش منصوف=نصفٍ عليه إردفاه و نصف خاليةٍ ردوفه من لامني فيك يازاهي جديد البس و شنوف = الله يكلف عليه ويلحقه حد الكلوفه وسلامتكم [/poet] |
26-10-2002, 04:23 | #2 |
عضو شعبيات
|
بيض الله وجهك علىهالنادره من الشعر.. (نطمع) بكثر والجزل تحريبه يالسبع |
26-10-2002, 07:30 | #3 |
شاعـر
|
اخوي عبدالرحمن اليحيى صح لسان الشاعر .. وتسلم يمناك لنقلها.. |
26-10-2002, 09:14 | #4 |
عضو شعبيات
|
[c]بسلمك هذ الذوق يابو عليا [/c] وماقصرت وتشكر على حسن الاختيار ومزيدا من هذا الابداع تقبل تحياتي واشواقي اخوك الجـــــــــــــــــــار |
26-10-2002, 11:34 | #5 |
شـاعـر
|
قلت أه مايفرج الضيقه ويبرد لاهـب الجـوف الا مصافى الحبيب و رفقـه الزيـن مخلوفـه ياســــــــــــلام عليك يابو علياء ..... قلت لك قبل .. انت من ذوي الاذواق الصعبه ماكل شي يعجبك .. او قد يعجبك مالايعجب الناس ... في كل مره تبدع .. صح لسانك ولسانه اخوك ... خالد التميمي |
27-10-2002, 17:42 | #6 |
..
|
الززززززعيم ياهلا والف هلا وينك ياخوي غادي و إلا مدل اسمع الكلام اللي ياصلك و يتعداك ان ما اتصلت اني لفضحك هنا و هناك واني لا أطير النوم من عينك وعلومك كلها عندي وما اصير السبع لا تقول ما قلتلي لا تقاطع يالقاطع الا تعرف اللي يقول ( صدرك وسيع و صدري اليوم ضايق ؟.؟ من هم ورعان(ن) ضوى اليل ما جيت ) تحياتي لك |
27-10-2002, 18:21 | #7 |
..
|
اخوي طراد صح بدنك نيابة عن الشاعر تسلم اخوي طراد لا هنت تحياتي لك |
28-10-2002, 09:45 | #8 |
شـــاعــر
|
أبو علياء صح لسان الشاعر وصح اختيار الناقل ,, صاير تغيب واجد يا ابو علياء!!؟؟ عسى المانع خير ,,, دمت لي ,,,,,,,,, أخوك / عبدالله مرّان |
28-10-2002, 12:35 | #9 |
عضو شعبيات
|
[c] يابو عليا انا طالبك خلك من اللي يحب القصيد نبي اللي يحبك انت وش يسوي [/c] |
28-10-2002, 15:08 | #10 |
..
|
الجار يا مرحبا تسلم يا الجار لاهنت هذا من ذوقك تحياتي لك واشواقي |
28-10-2002, 15:29 | #11 |
..
|
خالد التميمي صح بدنك و تسلم لاعدمناك ياابو وليد لاتمدحني واصدق واغتر بنفسي تشرفت انا ولقصيده بمرورك تحياتي لك |
28-10-2002, 15:36 | #12 |
..
|
عبدالله مران صح بدنك تسلم الله لا يهينك الخير بقدومك ياابومران ابو مران انطح الصياح بصياح تسلم انا مرابط اربع وعشرين ساعه في الديوانيه انت اللي مرورك على الديوانيه قليل انا اعرف الاسباب??? ولا اقول الا الله يسامحك وتبقى عزيز وغالي العتب مرفوع والزعل ممنوع تحياتي لك |
28-10-2002, 15:46 | #13 |
..
|
دورك ياهصاهيصو
حبيب قلبي وقرة عيني و مهجة فؤادي ولد الهاص يتصبر والصبر زين في القريب العاجل انشاء الله نلتقي والله ماودي اكلم الا واقول انا جايك والقلوب على القلوب شواهد تحياتي لك |
29-10-2002, 08:30 | #14 |
عضو شعبيات
|
عتبي عليك يابو علياء
عتبي عليك يابو علياء حيث انك رديت على الجميع ولم ترد علي ارجو ان يكون المانع خير تقبل تحياتي واشواقي اخوك الجـــــــــــــار |
29-10-2002, 09:19 | #15 |
..
|
الجاااااااااااااااااااااااااااااااار
[c] الجار فتح عينك قد الريال انت ووجهك روعتني قلت يسويها الحض وتصيدني مايشوف الا القلب تحياتي لك ياعميان [/c] |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|