14-06-2002, 14:39
|
#1 |
|
شـــاعــر ه
|
أنــــا انخلتـــك !!
[c] أنا نــخـَـــلتك .. قـــــم واهــــّـزع عذوقـي أبا انتثر بـِـشـــر و غطاريف و اعيـــــــــاد وعلى ثرى "عِـرقه" سقا الوَجد شــوقي ذيك النخيلَ اللي بها للهوى امـجـــــــــــاد أنــا الغروب ، وفيك مــعـــــــنى شـروقي وانته رجــــــــــاي ، وكل ما شـفتك إزداد وكان التخلف هو عـَـــذابي و عــــــوقي أصيح منه ، وكلي اغلال و اصـــــــــــفاد فإنت "التحرر" مـنــــه تشرب عروقي واحـــــطم الأغـــــــــلال ، واكسر ابعـــاد و اصيح : يابــــنت " التقالـــيد" فــوقي الناس راحــــوا ، وانتي بهــم و اسهــــاد كل ٍ أشوفه تــحــــــــت ، إلا أنت فوقـــي وكل ٍ أشوفه ليل وإلا أنت َوقــــــــــّـــــــاد [/c] اخر تعديل كان بواسطة » حصه في يوم » 14-06-2002 عند الساعة » 14:44. |
|
|
|
14-06-2002, 15:00
|
#2 |
|
عضو شعبيات
|
هلا ياحصه ، صح لسانك كالعاده قصيده مبهره ..! شاعريّه وتمكّن يندر وجوده ، لكن ! ياحصه أنا متابعك من أيام منتدى الأقلاع أنا أؤمن بتبنّي الشاعر قضيّه معينه بغض النظر عن نوع القضيّه وهالشي يرجع لقناعات الشاعر نفسه ! لكن أنا ملاحظ ان قصايدك كلها تدور في فلك واحد ، وأن تعددت الأفكار فأن المحور أو الفكره الرئيسيه واحده ! هناك أشياء تستحق أن نطرقها ، لأن سماء الشعر رحبه ، وخطا أن نجعل الشعر متقوقع في بوتقه واحده !! تحياتي لك وآمل أن يتسع صدرك للملاحظه ومادفعني سوى أعجابي بما تكتبين أنا نــخـَـــلتك .. قـــــم واهــــّـزع عذوقـي أبا انتثر بـِـشـــر و غطاريف و اعيـــــــــاد وعلى ثرى "عِـرقه" سقا الوَجد شــوقي ذيك النخيلَ اللي بها للهوى امـجـــــــــــاد أنــا الغروب ، وفيك مــعـــــــنى شـروقي وانته رجــــــــــاي ، وكل ما شـفتك إزداد الله الله روعه فعلا  |
|
|
|
|
14-06-2002, 16:07
|
#3 |
|
شـــاعــر ه
|
شكراً على المجاملة .. هذا أولاً .. ثانياً : أنا .... نعم ، صاحبة قضية . طيب ... وش العيب ؟ .. |
|
|
|
|
14-06-2002, 19:14
|
#4 |
|
عضو شعبيات
|
[poet font="Simplified Arabic,4,blue,normal,normal" bkcolor="white" bkimage="" border="none,4,gray" type=0 line=200% align=center use=ex length=0 char="" num="0,black" filter=""] من سكرة العشاق يابنت فوقي = خلّي قضايا اهل التحرّر والالحاد هاتي على ماجيب وان رقت روقي= كان التحضّر موضة الغرب لاعاد حيّ الشريعة كان تكفل حقوقي = حيّ التخلّف كان هو شرع الاجداد قضيتك يفرح بها كلّ ل؟؟ = ماله من الماضي تقاليد وامجاد يبطى على ادراك المفاهيم (سوقي ) = فاضي وراس المال شيشه وبراد على القشر ولا ّ على الخير روقي= وافخر بماضينا على روس الاشهاد واسوق لملاقا النشاما غبوقي = وافرح بيومٍ فيه حاوي وردّاد [/poet] معاني الكلمات سوقي = شعبي اسوق لملاقا النشاما غبوقي لانها تسوى بعض النشاما واكثر حاوي ورداد مثل دارج ( بين حاوي ومردود ) وقلبنا المفعول فاعل |
|
|
|
|
14-06-2002, 21:44
|
#5 |
|
عضو شعبيات
|
مابه أن شاء الله عيب ! كانت مجرد ملاحظه ما أقصد فيها الأساءه آنا آسف وصح لسانك مره أخرى ولاهوب أنا الي يجامل في الشعر ، تحياتي |
|
|
|
|
15-06-2002, 02:13
|
#6 |
|
شـــاعــر ه
|
إستلم يافياض ، وانا بنت أبوها ، واللي بيي الشر ياطا عباتي !! [c] فياض .. لا تغلط ، ترى السوق ســــوقي أبــيع به واشــــــري ، وأقوده و يــنــقاد العـلم جاهي ، و"الشهادة" عــــــــموقي يوم إن علمك بس "راعي" و قصـــــــاد رح ورني وشـــــــــلون طرد الســـلوقي ورزق ٍ تعلق في رجا الكلب لي صــــــاد ورح ورني وشلون سرقَ الســـــــروقي اللي يغير ، وعـَــنه الناس رقـّـــــــــــــاد هــذي مفاخــــــركم وهـــذي طــــــروقي اللي جـــعلتنا بـيــنكم روس و اســــــياد وحتيش ليصرته من الــناس ر؟؟؟ منتاب نــــــــــــد ٍ لي إلى ذكر الأنــــــداد نـــدك ... تراه اللي يحـــلبَ الــغـَـــبوقـي ورع ٍ غطاه القـَــْمل ، ويعـــابـــل إقــراد [/c] اخر تعديل كان بواسطة » ضاري بالعطا في يوم » 27-11-2002 عند الساعة » 12:21. |
|
|
|
|
27-11-2002, 12:16
|
#7 |
|
المشرف العام على شعبيات
|
تنقل للنقائض |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
