18-05-2003, 13:15
|
#1 |
|
شـــاعر مضر
|
يقول الراوي (زيد والغريسة واخوها عامر)من أجمل ما قرأت
[c] (سالفة زيد وغريسة واخوها عامر) يقول الراوي يا سادة يا كرام  ,, ,, (((يقولون ان هالسالفة احصلت في قبيلة بني هلال اللي كانت لها السلطة في نجد كلها مبطي يعني قبل السبع مية الى الثمان مية سنة وفي جنوبي نجد من صوب جرف عليا. وغريسة هذي بنت من بني هلال هاوت لها واحد اسمه زيد (يوم الهوى يا عيالي على وضح النقا  ولا فيه من علوم الردى شي) ..يقولون وانه بغى يتزوجها وعيا اخوها عامر واحجروها بني عم لها عن زيد .وجاه البلا والجلا من هواها .وما خلى شي ما جربه معهم من علوم الطيب على شان يتركونها له وعيوا .والبنت هي بعد مهاوية زيد .ويقولون .يوم زيد ضاقت به الدنيا نوى يترك ديرتهم ويشد عنهم بعيد .ويوم الغريسة درت ان زيد بيشد شديد ما عقبه رجعة .ضاقت على غريسة الدنيا .وقالت لرفيقة لها ..تشوّفي لزيد مع اهل الخيل فإلى شفتيه شافك فقولي يا غرسة في الوادي ............. عليك ليلٍ بادي وهذا كان تلغيز لزيد (إن حبيته الغريسة تحتريه في الوادي الى جاء الليل على شان تسلم عليه قبل يشد عنهم ) ويقولون ان رفيقة غريسة يوم قالت ذالكلمة كان به شايب يسمونه (الأوقيشر) يقولون انه فطين وخبيث في نفس الوقت ..يعني يحب يشب الفتنة .ويوم سمع كلام رفيقة الغريسة فهم قصدها . وهو يروح يعدي لين اقبل على اخو الغريسة اللي اسمه عامر ..ويوم قرب منه قال: الغرس ذالليلة صرامه ,,,,,,,,,,,,,وعامر يلوسب في العمامة (يعني ان الغرس بيقطع ثمره في هالليلة والغرس هو غريسة .وعامر يلوسب في العمامة يعني انه غافل ما يدري وش صار في غرسه) ويوم سمع عامر كلام الاوقيشر ارتاع ودرى ان الاقيشر يقصد بالغرس شي تحت حكمه ..وقال للاوقيشر بيّن وش مغزاك؟ ..وقال الاوقيشر :برّق في اللي وراك . ومشى الاوقيشر ..وعرف عامر ان القصد اما مرته والا اخته .. وجلس طول الليل متغطي بالعمامة وهو ما نام .لين سمع صوت شي وراء رواق البيت وقام يتتبعه (والى هي الغريسة رايحة تبي تسلم على زيد ) ويقولون :يوم واجهت الغريسة زيد كل منهم بكى ..الى مير عامر مدركهم بسيفه وهو يذبح زيد وهو ياخذ اخته ويربطها ..وياخذها بعيد عن العرب في هضبة فيها مثل الغار وهو يقطع رجلها ويخليها مربطة في الغاار ويقولون انه صار من القهر كل يوم يركب فرسه ويجيها في الغار ويسقيها ماء على شان ما تموت ويقطع عضو من اعضاء جسمها .. وجلست على ذالحال ايام ويوم جاء عقب عاشر يوم الى هي ميتة وكاتبة بدمها على صفاة الغار القصيدة هذي: قالت غريسة زينة القول والنبا=فجاني زماني والمقدّر دهانيه تهاويت مع زيد وطابت ليالنا =ثمان سنين في طرابه وامانيه هاواني وهاويته على الونس والهوى=وقطفنا ثمر ما لاق والنفس فانية سقاني شراب من ثمانه وانا بعد=سقيته شراب صافي من ثمانية يا ليت زيد طاعني يوم اقول له=اسر وكل الناس في النوم هانية ولا طاعني والامر ما فيه حيلة=غشا زيد حلو النوم وانا غشانيه ولا انتبهت ألا ان زيد ضحية=نعيته ولو هو حيٍّ نعانيه ولما اقطعوا رجلي تراكيت بالعصا=على جال قبره قلت ما جاه جانيه وبعد اقطعوا الاخرى تدربت جثّّتي=على قبر زيد وقلت هذا مكانيه الى مت ما سايلت عن وابل الحيا=ولا من حفر قبري ولا من نعانيه عفا الله عن زيد عشيري ذنوبه=ولو هو عصاني يوم اقول إسر ثانية محا الله عن زيد عشيري ذنوبه=ولو كان في حوض المنية رمانيه يا حافر للقبر وسّع جوانبه=على جانبٍ من زيد لا تبعدانيه المقصد اني ما اقوله بخاطري=ابي الى جاء الوبل زيد سقانيه أوصّيك يا نقر الصفا لا تغرّني=ان جو عريبٍ واردين شنانية يا مدوّر زيد ترى زيد عندنا=ذبيح العمر هذا سبب كل جانية اخوي عامر يعطي القوم عمره=شجاع وياما من نهار حمانيه مثل عامر توسم به الإبل والغنم=وزيد كفى عن ربعي الا ثمانية ابوي وأخوالي وعمي وعزوتي=وذبح الشفايا في عشيري هنانيه يقولون يوم عامر قرى ابياتها اللي كاتبتها بدمها قبل تموت وقرى بيتينها اللي تمدحه فيها انه غشي من الندم ومن الحزن وتندم على انه ما زوجها لزيد على سنة الله ورسوله ويقولون انه حارب الطعام والمنام وقم اسبوعين لين مات حزن على اخته))) انتهى كلام الراوي [/c]اخر تعديل كان بواسطة » ناصر الفراعنة في يوم » 18-05-2003 عند الساعة » 14:25. |
|
|
|
18-05-2003, 13:45
|
#2 |
|
اخي العزيز ناصر الفراعنه قصه مؤثره فعلاً والبيت هذا بيت القصيد يا مدوّر زيد ترى زيد عندنا=ذبيح العمر هذا سبب كل جانية تسلم على القصه والقصيده ويعطيك الف عافيه تحياتي لك اختك الجازي |
|
|
|
|
18-05-2003, 16:34
|
#3 |
|
رحمة الله عليه
|
الشاعر الكبير ناصر الفراعنه  ياهلا والله ومرحبا ماشاء الله عليك مطلع ومثقف (ونادر ماتلقى شعار نبط ومثقفين) وبالنسبه لزيد وغريسه تسلم على هالسرد الجميل والممتع وليتك والله يابوفارس ماتطلع من المنتدى ولازم توعدنا بقصه وقصيده من جنس ذي (وصلتك المناديب)  <======= هذي لابوفارس |
|
|
|
|
18-05-2003, 18:54
|
#4 |
|
عضو شعبيات
|
مساء الخير اخوي ناصر الفراعنه
الله يعطيك العافيه وسلمت اناماك على القصه الجميله جدا والمميزه فيها معاني كثيره لك مني كل الشكر والتقدير ما قصرت أختك رهف |
|
|
|
|
21-05-2003, 06:05
|
#5 |
|
شـــاعر مضر
|
الاخت العزيزة والرائعة خلقا وفكرا الجازي مرورك يعني لي الكثير ونعم بيت القصيد هو ما ذكرتيه |
|
|
|
|
21-05-2003, 06:07
|
#6 |
|
شـــاعر مضر
|
اخي العزيز عزيز الله يحييك تحية المطر ومرور مثلك وشرواك هو المكسب يا بعدي والمناديب وصلت وجعل عيني ما تبكيك وكل ما ذكرته يدل على ان النشامى واجد والرجال اللي فيهم غيرة لا زالوا موجودين يمناك لا عدمناك |
|
|
|
|
21-05-2003, 06:09
|
#7 |
|
شـــاعر مضر
|
الاخت العزيزة رهف شكرا لمرورك الذي اثلج صدري ودمتي بخير سيدتي |
|
|
|
|
22-05-2003, 06:35
|
#8 |
|
شــاعــر
|
أخي وعزيزي ///// نـــــــــــــــاصر الفراعــــــــــــــــنه قصة مفيدة وقصيدة مؤثرة ،،،، وإختيار موفّق من شخص رائع في كل حالاته اخوك ------- كريم النفس ---- عبد الله الجزلا ني ------- |
|
|
|
|
26-05-2003, 07:07
|
#9 |
|
شـــاعر مضر
|
الاخ العزيز كريم النفس الف شكر لك سيدي على مروك الكريم |
|
|
|
|
27-05-2003, 12:19
|
#10 |
|
عضو شعبيات
|
سلمت ابو فارس قصه معبره ورائعه واختياراكثر روعه الله يعطيك العافيه ودمت بخير ولك صادق الود |
|
|
|
|
12-06-2003, 19:09
|
#11 |
|
العضوية الماسية للموقع
|
إختيار موفّق مبدع في جميع المجالات تحياتي 0 |
|
|
|
|
01-08-2003, 13:11
|
#12 |
|
عضو شعبيات
|
يعطيك العافيه ياناصر الفراعنه ولأهنــــت. اشكرك على ذا القصه والابداع وتسلم يمينك واختيار موفق كعادتك. ولأتحرمنا من جديدك من القصص وابداعك. تقبل تحياتي الخويطري |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
