[اسير الليل]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

ياخافقي والله مانيب ناسيك
وشولن ينسى الشخص نبضه فؤاده

ياخافقي مانيب للذل مصخيك
ولانيب ياخفاق ناوي النكاده

لكن اذا تعارضت هذي و ذيك
الموت ياخفاق دون الركاده

مانيب انا ملحقك باحد ومشقيك
اباتركك طود رفيعن سواده

ولانيب ياخفاق للناس موطيك
اباتركك حر ونبضك سعاده

وان كان ياخفاق حبك لراعيك
غلب على عزتك والا الجلاده

ابانطلك ياخافقي مع حراويك
و .. الله ولا قلب له الذل عاده

[/poet]



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

قالوا وراكم يا(محمد) مجتنب شعر الحداثه
وش بلاكم ؟.. ذا الحداثه كل كاتب قد طرقها !!

تطرب السامع ولو هو مايميز وش قرا به
من قراها تسحره مثل سحر جبال ابها

قلت مالي بالحداثه ..اي شف(ن) او ارادة
من سمع شعر السديري يطرق طروق طرقها /(1)

وفي الزمان الاولي .. الشعر كلن درى به
يرصفوا به سحر يسلب .. بال شخص يستمعها

ومايعرفون الصور في مجلات التلاده
والحداثه صارت عيون وسلهم يا لحظها/(2)

الشعر ماهو سباق .. والحسن لاهل القلاده(3)
والرجل ماهوب عيب لو عيونه ماكحلها

الشجاعه والكرم والتفاني في مراده
هذي طباع الرجال .. من فهمها ماتركها

وشعر هالايام اكبر .. عرض ازياء ونكاده
والحرامي صار يسرق في نهار ويعلن ابها/(3)

وين انا ووين الحداثه .. و وين هو من هو طلبها
من عرفها اجتنبها .. من تبعها ماعرفها

ياهل المجلس تراني مجتنب شعر الحداثه
وعيني الحره تسلهم بس اذا شافت طلبها

طلبتي ضحك و تبسم من ثنايها قلاده
لولو مرصوف سبحان رب(ن) ابتدعها

[/poet]
(1)::السديري/// الشاعر الكبيرالامير محمد السديري
(2)::وسلهم يا لحظها /// فعل امر للحظ(وهو العين) بالسلهمه
(3)::يعلن ابها/// (يعلن بها=ينشرها) والالف لزوم الوزن وكثيرا ماترد بهذا اللفظ(يعني بالالف) في الشعر.



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
سريت الليل في غربة البر = اناجي الليل بهموم قلبي
اشوف الناس حولي ولا اشعر = احس لحاليه والليل نسري
سريت الليل من شيء تفجر = ومن جوفي تناثر كل حزني
احاول الحق النسمات واخسر = واغسّل في سواد الليل همي
وارد ارجع انا لليل وانثر = همومي في هوا ليل مقفي
احس اني بسواد الليل مبحر = كما بحار في بحر التمني
يناديني معي من كان ينظر = وانا ساري مع الليل متعدي
اناجي الليل انا و الليل مغتر = ولا يعطيني الليل اي ردي
وافكر يمكن ان الليل ينسر = لو اترك صحبته واروح وحدي
يرد الليل وقف لا تعجل = ترا مثلك محد قد شال حبي
وارد اضحك انا والليل مغتر = يقول انته تراك تشيل عشقي
وانادي الليل انا ياعمري اصبر = ترا حبك خذا قلبي بسرقي
انا عاشق معك ياعمري اسهر = وابدي حبكم عن كل حبي
ويضحك خافقي لليل وانسر = ويرد الليل ضحكي بالتغلي
بعذري ساري في ليل مبهم = سواد الليل ينسي كل همي



[/poet]

والسلام ..