30-12-2001, 10:40 | #16 |
شـــاعــر
|
نادره : صح بدنك .. مثل منتي دايم قمة الذوق ويشرفني ردك والله لاهنتي .. وشكرا لكل من قرا القصيده ... |
30-12-2001, 21:14 | #17 |
عضو شعبيات
|
السلام عليكم أخوي المبدع أسم على مسمى / تسلم يمينك وصح لسانك. قلت الوعد قال ايه .. كلش بحينه .... الله يفتح لك من الضيقه فجوج قلت آآه .. طيب شف لي الدرب وينه .... قال انتبه باقي على شفتك روج تحياتي/علي الحارثي |
12-01-2002, 02:44 | #18 |
شـــاعــر
|
اخوي .. علي الحارثي .. صح بدنك .. والله يسلمك .. لاهنت والله يالغالي .. وشكرا لكل من قرا القصيده .. |
12-01-2002, 03:45 | #19 |
شـــــاعــــــر
|
المبدع مساء الخير اعتذر بشدة والله العظيم اني ما شفت القصيده هذي الا هالحين بس الحمد لله لحقت اشوفها . بس وش اقول اسمك المبدع وبدعت تبديع . قلت آآه .. طيب شف لي الدرب وينه .... قال انتبه باقي على شفتك روج بذمتي قصيدة تخلي الواحد يضيع . يعني بختصار قالي عكاشة انك شاعر غير عادي قلت ما شفت له الا قصيدة وحده وزينه بس يوم شفت هذي جرفتني لين ضيعت دربي بس من غير ما يصير علي اثر . صح لسانك ورجاء خاص ودنا بمثل هالقصيدة كم وحده الله يعافيك . تحيات وتقدير اخوك ابونوت |
12-01-2002, 21:26 | #20 |
شـــاعــر / صــحفـي
|
المبدع حقا عزفت على قافية طبعت الروج على شفاهنا ابحرت في عينه بليا .. سفينه .... سجيت فيها لين ضيعني الموج === زاويه طرف ٍ حاجز ٍ دمعتينه .... لولاه كان الخد بالكحل ممزوج كاسيه رمش ٍ زاد ملحه وزينه .... من فوق متكحل ومن تحت مدعوج ==== قلت آآه .. طيب شف لي الدرب وينه .... قال انتبه باقي على شفتك روج |
30-01-2002, 12:04 | #21 |
شـــاعــر
|
ابو نوت .. صح بدنك .. وهذا من ذوقك الله يطول عمرك .. وان شاء الله اني متواصل ومتواجد وبالجديد دايم .. لاهنت يالغالي محمد البريكي : لاهنت والله .. كلك ذوق وشهاده اعتز بها والله .. الله يطول عمرك اخوي وشكرا لكل من قرا القصيده ,,,,, تحياتي |
30-01-2002, 22:51 | #22 |
عضو
|
أخوي المبدع السلام عليكم ورحمة الله وبركاته من طول الغيبات جاب الغنايم علي بالملازيم إنك حكمتها بالإبداع لين يالله يالله يصك عليها الغطاء الله الله ياالإبداع كاسيه رمش ٍ زاد ملحه وزينه .... من فوق متكحل ومن تحت مدعوج صح لسانك والحقيقة أبدعة في كامل القصيدة وتسلم تسلم تسلم البيت الإخير يلجم التعبير الله عليك يالمبدع إبدعة كالعادة أقبل فائق إحترامي وأعتذاري في التأخير وعلى المحبة نلتقي |
31-01-2002, 00:27 | #23 |
عضو شعبيات
|
ياعين من حطيت عيني بعينه .... وابطيت واقف في بحر عينه أموج ابحرت في عينه بليا .. سفينه .... سجيت فيها لين ضيعني الموج حاولت .. الد الشوف عما يهينه .... ولاانتبهت الا وانا فيه ملبوج شفت الفتن في ملتقى حاجبينه .... والسحر في عينه مع الزين مدموج اسود سواده لابسته السكينه .... وابيض بياضه طايش اللون مرجوج زاويه طرف ٍ حاجز ٍ دمعتينه .... لولاه كان الخد بالكحل ممزوج كاسيه رمش ٍ زاد ملحه وزينه .... من فوق متكحل ومن تحت مدعوج بين الرموش السود شفت الغبينه .... واللي رماه الرمش ماعاد له بوج مرت ثواني من حياتي ثمينه .... وانا اتهادى بين الاشواق وأدوج مرت وانا قابض على راحتينه .... واقف مقابل له وساهي ومدلوج مدري وش اللي صار بيني وبينه .... والقلب ماردنه ضلوعي العوج ولا انتبهت الا بسحبت يدينه .... قال انت تبغى الناس تلحقني هروج قلت اعذر اللي شافك الله يعينه .... يبطي ودمعه بعد فرقاك مزعوج عينك بنظرات الغلا مستهينه ؟؟... قال الغلا في داخل القلب منسوج قلت الوعد قال ايه .. كلش بحينه .... الله يفتح لك من الضيقه فجوج قلت آآه .. طيب شف لي الدرب وينه .... قال انتبه باقي على شفتك روج المبــــــــــــــــــــــــــدع اسم على مسمى جزالة معنى + جمال الوصف + حلاوة التصوير = ابـــــداع هكذا يكون شاعرنا المبدع صح لسانك وتقبل تحياتي وتقديري |
01-02-2002, 23:36 | #24 |
شـــاعــر
|
ابو مهنا وعليكم السلام ورحمة الله وبركاته .. صح بدنك والله يابو مهنا .. هذا والله من ذوقك طال عمرك .. شهاده افتخر بها .. لاهنت والله |
02-02-2002, 03:04 | #25 |
عضو شعبيات
|
قلت آآه .. طيب شف لي الدرب وينه .... قال انتبه باقي على شفتك روج صح لسانك اخوي الغالي المبدع لا املك الا ان اقول مبدع تسلم يالغالي تقبل تحياتي اخوك مهاوي نجد |
03-02-2002, 14:24 | #26 |
شــاعر
|
لم تكن غلطان عندما سجلت بهذا الاسم اسمح لي اقول اسم على مسمى.... كما اسمح لي اقول مبدع+ مجرم+ ساحر طيب وين وديت الفاين بعد مسحت الروج خله معاك للذكرى ترى بيمر يوم يكون ذكرى جميله اخوي المبدع صح لسانك على هذه الرائعه وما اروع ما تكتب دائما تقبل تحيات اخوك البدوي |
03-02-2002, 16:54 | #27 |
عضو شعبيات
|
يا سلاااااااااام صح لسانك يالمبدع وصدق انت مبدع |
08-02-2002, 02:43 | #28 |
شـــاعــر
|
ذيب الغداري .. ياهلا والله وغلا .. والله انها شهاده من شاعر كبير افتخر بها الله لايهينك ياذيبان وتسلم يمينك .. صح بدنك وتقبل شكري وتقديري .. |
08-02-2002, 02:45 | #29 |
شـــاعــر
|
مهاوي نجد صح بدنك .. وكلك ذوق طال عمرك .. الله انه لايهينك .. |
08-02-2002, 02:48 | #30 |
شـــاعــر
|
بدوي في امريكا ياهلا والله وغلا .. نور المنتدى برجعتك يالغالي .. والحمد لله على السلامه ابي اقولك شي بس لاتعلم احد .. .. المنديل اللي عليه الروج هو اللي كتبت القصيده عليه صح بدنك والله يابدوي .. وهذا من ذوقك طال عمرك تقبل تحياتي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|