30-11-2001, 04:13
|
#1 |
|
عضو شعبيات
|
الذاهبه قنبله 2001 وردود الشعار......اريش هنااااا
بسم الله الرحمن الرحيم اعزائي رواد منتدي شعبيات السلام عليكم اعذروني بسبب الأنقطاع لكن وش اسوي حكم الأمتحانات...عزتي لي رمضان من غير سمبوسه <-------------تراها ما تنعطى وجه بالسواليف ادري انكم اشتقتولي(ماخذه مقلب فحالهاا) اعزائي لايختلف اثنان ان ذاهبه ناصر ا لقحطاني ستخلد ضمن قصايد الرثا امتداد لمرثيه الهزاني ومرثيه نمر بن عدوان ومرثيه محمد بن مسلم الـــذاهبـــــه الله اللي رادوالعقده قضاها اللي عقدها لا على الدنيا السلام ولا لباقي العمر زينه الفضا ما كنه الى خيمة طاحت عمدها والفرح ما كنه الى شيخ انقصت يدينه والعمر قطعة زجاج انكسرت ولا طال امدها والعرب في العيد بدموع اليتاما مستهينه والشوارع لفها ثوب الظلام اللي هجدها والبيوت اطلال من عقب المحبه والسكينه والشتا والليل والبرد والسما يصرخ رعدها والعيون اللي ورا الشباك مذعوره حزينه طولوا في الكهف ألأصحاب وبقت روحي وحدها كنها في كوكب ثاني خلا من سا كنينه الوداع اللي بعلم لعيني اعبر من رمدها والوداع اللي بلا علم لقفص صدري غبينه والوداع اللي بلا رجعه على ياأ مر وأدهى والله انه غرغرة سم وسكاكين سنينه والعنود اللي جفيت الناس والدنيا بعدها مدة الفرقا لغاليها وهي تعطي الثمينه وينها كيف اتركتني ليه ماجت في وعدها والقمر لا طل خابرها تجي بيني وبينه رحت انادي واتلمس في مهب الريح يدها كني احصان بلا صاحب طوى البيدا حنينه رحت أصيح الصبح وينه والعرب ما رد احدها ما سمعت ألى صدى صوتي يقول الصبح وينه كنهم من يوم ذيك الشمس غابت عن بلدها طلعوني في النفود وصكوا ابواب المدينه كنهم من يوم ذيك الذاهبه محد وجدها كل رجال من الشرهه قلع الدرب عينه أثرها ما تت وماتت كل فرحه في مهدها والربيع اقفت به اللي كانت التاج لجبينه جاورت عقب الحدايق حفرة مقسا لحدها حفرة ماني مصدق كيف ضمت يا سمينه للحزن فيني مثل ما لطهاره في جسدها ويش اسوي لا فتشت اللي لها وسط الخزينه زخرفت حلم وبنت له مسكن وسمت ولدها آآه لو غرد ولدها في خميلة والدينه عاهدتني وظفرت بيمين أقوى من عهدها والصبي لا خير فيه كان ما نفذ يمينه ما تتقى عن رثاها عرق أقتض بشهدها ولا تبقى خلف قضبان الجفن عذراء سجينه كيف عند العالم ايام العزاء محصى عددها ولا انا طالت شهوره والله اعلم كم سنينه لا الثرى فيها نبات ولا المشي خفف نكدها لا السما فيها طيور ولا البحر يمه سفينه لا القمر هذا مساه ولا العصي هذا رغدها لا الزهر هذا شذاه ولا الذهب هذا رنينه قا لوا الشيخ الفلاني مرجع القوم وسندها قال يبشر با العوض والعلم جينا نا قلينه ساق لك بدر البدور اللي نشدها من نشدها جادل هزة عروش وخيبة روس ذهيله قسمها في رسمها في جسمها الافي رشدها واسمها ان جا للغضب قومه على الا لسن رطينه أترك اناي وعطية شيخنا غنا لسعدها وانبسط يا عم ونسى اللي ورى التربه دفينه قلت ولصدري تناهيد تروع من شهدها آآه وا ويلاه من يجذب على قلبي ضنينه خلوا اغلى ذاهبه ترعى ربيع اللي فقدها والعطا راعيه محدن صوبه الله لا يهينه لو ظمنت الجنهو تفاحة القلب وشهدها قلت من بكره عسا مجنونها تاقف سنينه ------------------ لروعه الذاهبه تعدد الردود حول القصيده منها قصيد للشاعر عبد العالي الحربي: الذهول اجتاح ناصر ساعه القمه صعدهاا يوم غابت من تجيه لموعده قدام حينه والفجيعه من سببها طاول عيونه سهدهاا من فقد هاك الذهيبه مسهر العالم ونينه سارى بالليل ينشد والغدارى ما رقدهاا كيف لا والعشره اللي بينهم عشره متينه راح ينشد منهو اللي شافها منهو رصدهاا والحقيقه في لسان الصمت ما خذها رهينه وراح ينشد مدلهمات الخمايل مع بردهاا يوم شاهد من صدوق اللي نشد بالأرض عينه والآجابه في ثراها يوم شافه ما صمدهاا قال ذا معناه ماتت!!الله يرحم عابدينه اللهم لااعتراض ان كان حاصدها حصدهاا ولا انتهى عمر البنادم جاه غي حتنه حتينه الفراق وسيرته من قبلنا محد حمدهاا ورثوه النا..وحنا لمن بعدنا مورثينه والنفوس ليا تولاها الحزن قام وجلدهاا لين يغير حالها عن حالها اللي خابرينه يوم كان الحلم علم وتستمده من مددها والمشاعر في رضاها كل عضو... مجندينه يو كانت يوم كانت والعدود لمن وردهاا تارد العد القراح وعن سواها محتمينه ويوم كان اهل الحرار اللي تمارى في هددها من فعل هاك النداوي كل حر ..مبرقعينه واكسبت فيه الهن والطايله محد زهدها بس هم متوكدين ان التحدي ..خاسرينه وانقلب وجه الزمان وحظها العاثر قردهاا ول ياحيف الزمان ليا قسى من عقب لينه لا الفتى هذا نباه ..ولا الفرس هذا طردهاا لا الغلا هذا غلاه...ولا الحدث هذا يقينه الله الله والسوالف.... ذيبها والا اسدهاا لو يبي راس الطويله والله انا عارفينه والعطيه لك من اللي مدها شيمه قصدهاا يسلم الشيخ الفلاني....والله يسلم يمينه من كريم لمستحق وهي عليها طول يدهاا ان قبلها عاذرينه..وان تركها عاذرينه وانت مارديتها حقران شخصك ما جحدهاا عندك العذر السمين...في يمين حالفينه الهنوف اللي فداها من على شي حسدهاا كل شي راح معها واصبحت ذا اليوم طينه ورحلت ماهو بهواها..وتركتلك من جعدهاا خصله منها يفوح المسك الأذفر كل حينه وتركت قصه حزينه مثل حزن اللي سردهاا مع بقايا ذكريات بخزنه عنده.. حصينه كل ما عنت عليه الذاهبه الخزنه عمدها ويا رجهن شوي يذهن ثم قعد يفرك يدينه طول الله عمر ناصر سيرته محد انتقدهاا وبيض الله وجه ناصر...صان حرمه ميتينه وعظم الله اجر ناصر في الهنوف اللي فقدهاا بيحت خافي كنينه....يا عسى ربي يعينه ----------- جرح العيوف تجاري ناصر في ذاهبته بقصيده لاتحتاج لمقدماات في ليالي عمري مرت قصه محد سردهااا اكتبتها هالجروح..وماتت الروح الحزينه في يديني كان موت الوافيه داخل بلدهاا غسلتها هالتعاسه...والكفن ساكن بعينه ودعتني هالسعاده وضمت ايديني بيدهاا وجت تنبه:هذا جرحك داخلك ذكرى دفينه اذكر اني كنت طفله حزنها ساكن مهدهاا ماعرفت وشلون تسرق قلبها من بين يدينه واذكر اني كنت احلم والسما ترسل بردهاا ف ليله قلبي كسرني...لأجل ناس جارحينه واذكر ان اهداب عين ضمت بضيم سهدهاا واذكر اخر هم جاني..كل ابوهم جايبينه واذكر اخر بسمه جتني عبرت لي عن سعدها وقدمت لي بعض حزني وبعضي الثاني غبينه واذكر اني كنت ارفرف طفله فيها شهدها طفله ماتت بضيمي في عيون.. مستكينه ف داخلي بنت وفيه بطبعها كلن قصدها كلهم جوها نصوها...وفيها قلب مزعلينه واعرف اني بنت شيخ حظها ياما قردهاا حظها مال وتعثر في حبال من ونينه واعرف اني(بنت) فيني خافق ياما جحدها يعطي هالعالم محبه..ولاطلبتك قال وينه واعرف اني مثل ام فاقده فلحظه ولدها مات قلبه في يديها قبل لا يشبع حنينه واعرف ان الموت احقر من جلدها من جلدها وان وداع الشخص يبقى ذكرى تحملها سنينه الذاهبه ماتت وراحت وغاب عن عينك جسدهاا واستراحت واستباحت وقلبها ساكن ضنينه البلا لاجاك موت يعصر الروح.... برعدهاا يسرق الدنيا ويركض ويزرع بقلبك انينه الذاهبه ربي رحمهاا..بقدرته كسر عمدهاا بس انا فيني شقايه خلا اعماقي رهينه ناصر اعماقي حزينه والفرح فيني افتقدهاا والشجر ساكن بعيني ..بس نوره مضيعينه ---------------- اتمنى ان القصايد تعجبكم تحياتي وتقديري لكم |
|
|
|
30-11-2001, 04:24
|
#2 |
|
عضو شعبيات
|
و ها هيه اريش العين تعود من جديد (الله يعينها مقطوعه من السمبوسه  )اختي اريش العين تسلمين على المصافحه هذي اللي جت بعد طول غياب . . . . . . . و تقبلو تحيات.......... <<<<<هالاطخم |
|
|
|
|
30-11-2001, 04:36
|
#3 |
|
موقوف
|
أختي أريش العين .. من طول الغيبات جاب الغنايم والله اشتقنا لمشاركاتك المتميزه مثلك  يعطيك العافيه يابعدي على هيك موضوع ومثل ماتفضلتي .. لايختلف اثنان على تخليد قصيدة الذاهبه ضمن مرثيات شعرنا النبطي ويكفي انها دفعت الكثير من عمالقة الشعر لمجاراتها فأثروا بذلك حصيلة الشعر النبطي عموووما ماودي اطيل في الكلام فأشوه جمال مشاركتك ولو اني لاجيت ابتكلم عن هذه المرثيه العظيمه يبي لي منتدى كامل اخنبق فيه مره اخرى .. يعطيك العافيه يا الغاليه تسلم يمناك على هالموضوع الرائع والله يوفقك والجميع ان شاء الله في الاختبارات ويخلصها على خير تقبلي خالص تحياتي واعجابي أختك .. عطر الخزامى |
|
|
|
|
30-11-2001, 08:34
|
#4 |
|
شـــــاعــــــر
|
الأخت العزيزة اريش العين السلام عليكم اختي نقدر ضروف الإمتحانات وجوها المشحون لقد غبتي ومع حضورك رأينا من الشعر ما بهرنا ابيات لشاعر غني عن التعريف وقصائد لاحقة لها تدل على ما تتمتعين به من نظرة ادبية تقبلي تحياتي ودعائي لك بالتوفيق والنجاح لتعودي لنا تحملين مصباح من الضياء اخوك ابو نوت |
|
|
|
|
30-11-2001, 11:02
|
#5 |
|
رحمة الله عليه
|
اختي : أريش العين .....الله يوفقك في امتحاناتك ويبلغك مقصدك ولاتستعجلي اختي حبينانتطمن عليك. والادراستك اختي والله عندنا اهم وربي يوفقك... اختي .الله يبيض وجهك على هالمشاركه الأكثر من رائعه والذاهبه مشهوره ومن روائع الشعر النبطي والعنود اللي جفيت الناس والدنيا بعدها ######## مدة الفرقالغاليهاوهي تعطي الثمينه وينها كيف اتركتني ليه ماجت في وعدها ######## والقمر لا طل خابرها تجي بيني وبينه الله الله الله الله الله الله ,,,, مؤثره فعلا وانا اخترت هالبيتين اعجبني ,,,,,,,,,,, وتسلمين اختي |
|
|
|
|
30-11-2001, 11:09
|
#6 |
|
شــاعر
|
هلا باختي اريش العين: وش رايك في الفلته وده يقهرنا بالسمبوسه عشانا ما عندنا منها شي؟ الفلته يمنع اللعب بالنار..تجيب سيره للسمبوسه ترى تلخبط افكارنا كلها اختي اريش العين فقدناك والله..وعذرناك لما عرفنا ظروفك واقول عندنا وعندكم خير وانشالله النتايج مشرفه.. تسلمين على هذا الذوق الرفيع الذي تعودنا عليه..دائما اختياراتك موفقه وذوقك مميز.. وصح لسانك الشاعر ناصر القحطاني لقد سجل هذه الكلمات في تاريخ الادب العربي لتبقاء نبراسا لابداعات جيل هذا العصر... تقبلي تحيات اخوك البدوي |
|
|
|
|
30-11-2001, 14:30
|
#7 |
|
سيـــف الســـيــف
|
هلا اريش العين 000000 حياك الله شوفي انتي انشالله اذا ستر الله عليك من حاجتين لايضيعون مستقبلك والا انشالله نتيجتك امتياز اذا هذا اختيارك 00 والحاجتين هذي هم الشعر -- وسمبوسة الفلته على العموم مشكوووره على هالاختيار الطيب اللي يدل على ذائقه شعريه رائعه نفخر انها تكون بيننا صح لسان القايل وسلمت يدا الناقل لك تحياتي |
|
|
|
|
30-11-2001, 22:48
|
#8 |
|
عضو شعبيات
|
الاخت اريش العين اختيار موفق وصح لسان ناصر القحطاني وصح لسان عبد العالي الحربي وصح لسان وجرح العيوف ودمتم جميعا |
|
|
|
|
01-12-2001, 04:39
|
#9 |
|
عضو شعبيات
|
حيا الله اخوي حمووووووود ميه هلا بالفلته يا خوي بسك تراك فركت كبدي السمبوسه حلم حياتي اكلهاااا لا تحرني... عزتي لي انا وبدوي ماناكل سمبوسه..... بالعافيه يا الأطخم بس هاااا توعدني بسمبوسه(نشبه ) شكرا لمرورك وجود الفلته يسعدني والحمد الله ان الموضوع نال اعجابك تقبل تحياتي وتقديري   |
|
|
|
|
01-12-2001, 07:01
|
#10 |
|
عضو شعبيات
|
..الله يااريش العين والله انك بعد هذي تستاهلين نرسلك سنبوسه بالبريد الإلكتروني طبعاً ..!! وبدوي يكفيه الهمبورجر..!! طبعاً مايختلف اثنين على أن قصيدة الذاهبه هي قمبلة 2001 لروعتها وابداع كاتبها ناصر القحطاني في صياغة مشاعره وابداع الفنان خالد عبد لرحمن في ادائها بلحن يناسبها .. ومهما قالت صحافة( شدلي واقطع لك) عن الشاعر الرائع ناصر فلن نصدقها لأننا اصبحنا نميز اسلوبه عن غيره من الشعراء .. ذوق رائع يااريش العين وصح لسان كل من قام بمجارات هذه الرائعه وسلمت يمينك على نقلها .. وشدي حيلك في الإختبارات ..ولاتحلمين بالسمبوسه ..لين تخرجين ,,,, . |
|
|
|
|
01-12-2001, 11:51
|
#11 |
|
عضو شعبيات
|
اختى عطر الخزاما هلا وغلا ووجودك يا اختي الكريمه زاد جمال الموضوع......اسعدني وجود عطر الخزاما .. ومشكور على المشاعر الطيبه والله يوفق الجميع... تقبلي خالص حبي وتقدير |
|
|
|
|
01-12-2001, 12:19
|
#12 |
|
عضو شعبيات
|
هلا با الذوق الراقي ارررريش العين اختيار موفق جدآ وتشكرين عليه ملاحضه 0 0 0 اوافق عكاشه الراي <<===== يثق في عكاشه ثقه عمياء لك تحياتي |
|
|
|
|
02-12-2001, 03:20
|
#13 |
|
عضو
|
إريش العين : لا تغيبين ممنوعة من ذلك فإنتي تا تين بما لم ياتي به ِ الإولين عسى السعاده والفرح والمسرات نصيبكم يوم إستلام الشهادة يا رش رش رائعة بكل روعة حضورك وروعة قصيدة القحطاني وجرح العيوف يا إريش العين سمبوسه مافي عيا حمود الفلته والا والله إني ناخيه يرسلها بس الظاهر إنه ممنوع ندز لمريكا سنابيس بس هم يدزون لنا وغصب ايه وين رحنا تحياتي وقبليها |
|
|
|
|
02-12-2001, 12:30
|
#14 |
|
عضو شعبيات
|
وهذا رد مودع ظن على الذاهبه الهـــوى والـــــزاد والمــــاء والحـــــــياة اللي وجدها 00000000خـــــــالق الــــــكون السلام00وكــل البـشر عـابدينه ربــنـــا المعـــبـــود ثـــبـــــت فــي اراضيـــنا وتدها 00000000الجبـــــال الـشامخـــــات00الراســـيه والحصــــــينه بالسماء نجــم وشـــهاب والغـيـــمه تــداعب بردها 00000000وفي البحر درٍثمـــــين ويداعــــب المـــوج السفــينه اكتمل عـــقد الحـــياه والـــــواجب انســــــانٍ حمدها 00000000نحــــمدك ياخيــــر مولى00نتبـــــع نهــجه ودينــه اعــلن القـــلب الحــداد والنــــار في صدري وقدها 00000000اكتـــئب ياقلب واحزن00الــفـــرح ضاعت سنينه من سمعـت الــذاهبـــه وناصر افراحــي طــردها 00000000وخالد الفنــــان ابـــــدع 00في تفــــاصـيل الحزينه تحت الثـرى ياســميــنه عزتــي لــمــن هو فقدها 00000000حسرتي مات الغرام00والمـــوت حــــقٍ واردينه كـــل مـن يسمــع رثــاه قــصته راح وســـــردها 00000000ابكـت عيـــون الــرجال00والــعــــذارى نايحــينه كنت ناســـي واعتـــرف الشــــوق وداني لبـلـدها 00000000من ذكــرت اللي نسى00واحــــلف انـــا ذاكـرينه درةٍ ابكــت فــــوادي تداعب النجـــــمــه وحـدها 00000000القمر يخــجل ضيــاه00شاف خـلي طـــاف زينه كيف ابنسى من جرحني ومن هو لعيـني قردها 00000000كيف ابنــسى ياعــرب00والنــــوم والله فاقـــدينه ايامــنا الحـــلــوه ســـراب كيـف ماذقـــنا سعدها 00000000انتـــشى طعـــم المرار00 وارتـحل قلبـي لعـــينه فرخ شـــيـهانٍ اصــيــله تنتـــظر ســاعة هددها 00000000والسبوق بمــــقدم المخــلاب00قــومه عــــاقدينه كمــــله ربٍ كــريم وقــــــل يــوجد في عــددها 00000000نادرٍ مثــله جــميــــــل00ياعــسى ربــــي يزينه التوى جســمٍ عــــليــل وراح يطـــــلــبها شهدها 00000000لو تقــول انه حصين00العــد غصـــبٍ شاربينه وداعـــة ظنوني حــرام وداعة ظنــوني جهدها 00000000تنشد الغافل تعال00صــارت ايــامــي حزينــه جيــتــها ارســـم امانـي وكـــل افـــراحـي وأدها 00000000من يوم عني ابتـعــد00انطــفــى نـور الــمدينه عمرها تــــســع وثمـــان مااكتمل حتى رشدها 00000000تداعب طيوف الخيال00وتجـرح النسمه يدينه اندمــــج فكر الغـــرام وانثــــنــى بقلـبي جسدها 00000000خصرها الممشوق مثل العود00زايد فيه لينـه تكــتسي حلو الجـــمال والشعــر ظافــي لـــيدها 00000000والعيون الـساحرات00تقتـــل العاشــق بحــينه الله اللــي راد والعــــقده قضــــاها الـــلي عـقدها 00000000لا على الدنيا سـلام00 ولالبـــاقي العمر زينه مودع ظن  |
|
|
|
|
02-12-2001, 19:55
|
#15 |
|
عضو شعبيات
|
اخوي ابو النوت هلا وغلا والله نورت الموضوع بوجودك..اسعدني ردك كثيراا ...شكرا لك على المشاعر الطيبه  ...وربي يوفقك الجميع..<-----------جتها الصيحه ماتدري وش تقول تقبل تحياتي وتقديري |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
