16-11-2001, 07:31 | #1 |
عضو شعبيات
|
شمس في يوم غائم
اكيد من قرا العنوان قال وش هالتطور و هالفلسفه بس بصراحه هذا عنوان فلم سوري قديم احبه <<<<<<<بس تراه فيلسوف مع ذلك المهم انا كتبت ابيات على شكل جديد _بالنسبه لي_ و بالصراحه مادري اذا كنت حكرتها او لا؟؟؟؟؟ لاكن هي طلعت كذا و اليكم القصيده: تحبس الدمعه بعيني و يتصورها الخيال ************و تستهل الغيمه اللي وبلها شوق و حنين . . كل مالديت معها من جنوب و من شمال ************هلت العبره على وقت معي عيا يلين . . كل ما قلنا ملكنا بالبسيطه راس مال ************جتني تنكد عليه تقول مديون دين . . عيت و دلت عليه نعنبوها بالحبال ************لين دلتني مع اللي للمنايا واردين . . كل ما زينتها باللبوسها بنت الحلال ************ادبرت واقفت عليه مع ركاب المدبرين . . اثر فرحتنا عقيم و بقعا تخلفله عيال ************الله انه يجبر الخاطر بصبر الصابرين . . يوم مالتبي عن الارض العزاز اليا الهيال ************في سوايا من نكايد جابها ابليس اللعين . . علميني يالليال اللي تبكين الرجال ************فهميني موقفك لو كان منتي تهرجين . . ماتدنين المناوي يوم حلمي ما ينال؟؟؟ ************لين اشوف الخير قادم مع وفود الوافدين . . وارسم الفرحه بعيني و اركب ركاب الخيال ************و اتحضنهامثل لهفت عاشقين مرهفين . . ما نبالك يالدنيه لاحرام و لا حلال ************غير بسمة خافق ترسم على وحهي تبين . . . و سلامتكم ان شالله تعجبكم وتقبلو تحيات......... <<<<<<هالاطخم |
16-11-2001, 08:16 | #2 |
موقوف
|
اخوي حمووووود الفلته صح لسانك مليوووون على هالقصيده عز الله انك كتبت واجدت يعطيك العافيه وتسلم يمناك تقبل تحياتي أختك .. عطر الخزامى |
16-11-2001, 09:58 | #3 |
عضو شعبيات
|
الله الله ياحمود يا اخو محيميد يالاطخم انا اشهد انك فلتة شعر صح الله لساااانك مليااااااار ياذيبان ولاهنت قصيدتك جدا راااااائعة تقبل تحيات اخوك طلال الشمري |
16-11-2001, 16:21 | #4 |
عضو شعبيات
|
اخواني الله يجزي الطيب بفعله . فيه شطرين هنا وزنها مو عدل لك عليه لاكن سامحو <<<<<<تراه مبتدي <<<<<<<<<بس فلته الشطر الاول: جتني تنكد عليه تقول مديون دين التعديل: اقبلت بانكد حكايها تقل مديون دين . . الشطر الثاني: اثر فرحتنا عقيم و بقعا تخلفله عيال التعديل: اثر فرحتنا عقيم و خلفة بقعا عيال مره ثانيه اسمحو ماحد معصوم من الخطا وكل عام و انتم بخير و مبروك الشهر علينا و عليكم. امانه اللي يجي للخبر يسير علي امي تسوي سنبوسه ملكيه هي السر وراء طخوميتي وتقبلو تحيات..... <<<هالاطخم |
16-11-2001, 22:22 | #5 |
عضو شعبيات
|
اخوي حموووووووود الفلته صح لسانك كلمات جميله....لا هنت يا الأطخم لا هنت مدام قلت الوالده تصلح سمبوسه حلوه بالله عليك ودي بسمبوسه تدري غربه ومحد يصلح سمبوسه في في امريكااااااا هههههههههههههاي حسبي الله على ابليسك شهويتني فيهااااا تقبل تحياتي |
17-11-2001, 00:29 | #6 |
عضو شعبيات
|
وارسم الفرحه بعيني و اركب ركاب الخيال ************و اتحضنهامثل لهفت عاشقين مرهفين . . ما نبالك يالدنيه لاحرام و لا حلال ************غير بسمة خافق ترسم على وحهي تبين الله الله يا حموووود الفلته انت متورط بالابداع جمعت المشيتين يوم غيرك ضيعهن صح لسانك ومبروك عليك الشهر |
17-11-2001, 00:55 | #7 |
شـــــاعــــــر
|
حمود يازين ساولفك وقصيدك بعد صح لسانك حمود اسمع ........ نصيحة اخوية ما تكثر من السنبوسة تراك تبي تسبه العالم بزينك والله يعطيك العافية على هالأبيات الحلوة صدقني احلى من صورتك واجد لاتزعل هذي الحقيقة تقبل مزيدا من الإعجاب بزينك وشعرك . |
17-11-2001, 03:18 | #8 |
عضو شعبيات
|
هذا البيت أعجبني مرررررررررره علميني يالليال اللي تبكين الرجال ************فهميني موقفك لو كان منتي تهرجين قصيده جميله صح لسانك أخوي و بارك الله فيك |
17-11-2001, 03:48 | #9 |
سيـــف الســـيــف
|
اطخم+شاعر+سنبوسه+فلته= صدقني عمليه حسابيه صعبه اخوي حمود الفلته00000 طابت اوقاتك مشوار الالف ميليبدى بخطوه الصراحه قصيده تلفت الانتباه لقوة ابياتها وقوة مفرداتها اخوي صح لسانك وبيض الله وجهك والله يعطيك العافيه وترى ابا اسال نايف عن سر السنبوسه العجيب اللي خلاك تكتب مثل هالرائعه لك تحياتي |
17-11-2001, 05:47 | #10 |
رحمة الله عليه
|
اخوي وحبيبي :حمووووووووووووووودي....صح لسانك وبيض الله وجهك ياذيبان...كفووالله اثر السنبوسه تسوي كذا ...الله الله .. عيت و دلت عليه نعنبوها بالحبال ************لين دلتني مع اللي للمنايا واردين . . كل ما زينتها باللبوسها بنت الحلال ************ادبرت واقفت عليه مع ركاب المدبرين والله ياحبيبي حموووووودي كل الدعوه مدبره مير الله يكفينا شرها يالحبيب ...تسلم والله ولاتنسانا من السنبوسه ...تراك واسطتي |
18-11-2001, 02:11 | #11 |
عضو شعبيات
|
اختي عطر الخزامى ياحي هالاسم و راعيته و الله يمسيك بالخير لين يغرد الطير وصح بدنك اختي ميااااااار مره و مره وتسلمين على هالكلام الحلو <<<<احرجتيه و الله يطول عمرك و تقلبي تحيات........ <<<<هالاطخم |
18-11-2001, 02:21 | #12 |
عضو شعبيات
|
اخوي طلال ياحيك و حي هالقبيله (شمر السناعيس الضياغم)و الساعه المباركه اللي تمر على بعض اصداراتنا المتواضعه الله يخليك يالغالي و صح بدنك مليااااااارين و الله يحيك و تقبل تحيات....... <<<<<هالاطخم |
18-11-2001, 02:27 | #13 |
عضو شعبيات
|
ارررررريش العين انا يكفيني اسمك يكون موجود لو ما كتبت حرف واحد الله يسلمك و الله لا يهينك و صح بدنك يالغاليه. اما بما يخص السمبوسه انا جاهز حجزنا امس دفعه لخوي بدوي عذبته انا بطاري السمبوسه لين قالي ارسلي و انتي ان شالله الدفعه الثانيه على شان ما تقولين شهواني . وتقبلي تحيات اخوك...... <<<<<<الاطخم |
18-11-2001, 02:34 | #14 |
عضو شعبيات
|
اخوي و حبيبي و قرة عبني عبدالرحمن (المدهر) صح لسانك يالغالي و تسلم. اما بخصوص التورط فهذا التورط ورطني معه في دوامة الابداع و مبروك عليك الشهر مره ثانيه لو ان المباركه بينا كانت هاتفيه لاكن ما يخالف مبروك عليك الشهر مره ثانيه وتقبل تحيات ......... <<<<هالاطخم |
18-11-2001, 02:40 | #15 |
عضو شعبيات
|
هلا و غلا باخوي ابونوت يالله حي الغالي ياخوي ترا انا انتظر من ذاك اليوم متى تخلص؟؟؟؟؟ ياخوي انت الحلا و انت الطرا و انت المعلم اما المبوسه و الله مقدر امي ما تسويها الا بعد اذان المغرب تعرف ليش؟؟؟؟ <<<<ما يقاوم يخرب صيامه و صح بدنك يالحبيب و غالي تراك و زي ما قالك لا تذخر وتقبل تحيات........ <<<<<<<هالاطخم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|