13-03-2002, 03:53
|
#1 |
|
عضو شعبيات
|
تخاريف كاتب على الشعراء عاتب ( الجزء الأخير )
هلا اخواني سنايدي عزوتي والله مشتاق لكم حيل بصراحة انا قطعت فيكم ومالي داعي يعني لكن للظروف احكام وقواعد خصوصاً انها واقفة النفس هاليومين لكن الحمد لله زال خطرها  عاد اقول لكم هذا الجزء الثالث والاخير من تخاريف كاتب على الشعراء عاتب لاني قررت اشوف لي طريق اسنع من الطريق ذا لانه كله مطبات وانا اخاف على موتري ( ددسن 70 ) بس وش هالطريق ابخليها الين يجي الوقت المناسب وافصح عنها ........تذكرون في المقالين اللي راحوا اني تطرقت في الاول لـ 3 شعراء والمقال الثاني خصصته للفلتة الشاعر (.........) وفي هذا المقال ابتطرق لشاعرين واختم التخاريف  ============= يقول سلمكم الله غيرك ما طرى يا شوق ... لو لاح في سماي بروق ما للحب بعــدك ذوق ... ابصملك على العشـرة تعرفون ذي القصيدة من شاعرها ومن اللي غنـ... بصراحة والله كنت من المعجبين في هذا الشاعر يعني لا تظنون اني ناقد ولا يعجبني احد ولا وازيدكم بعد اكتب شعر ( بس مكسر ياهوه من قدك )المهم شاعرنا ذا غلط غلطة تحسب علية بعشرة  غيرك ما طرى يا شوق ... مفهوم لو لاح في سماي بروق ... بعد مفهوم ما للحب بعدك ذوق .... مفهوم ولا لا  ابصملك على العشرة جينا للزبدة الحين مهوب معروف ينقال ابصم لك بالعشرة كيف اجل على العشرة ؟ بالله ركزوا معي قلبوها يمين يسار ارفعوها طمنوها عيت تجي تعصلت معي تبون تقولون هذي قصيدة مغناة اقول لكم كل اللي يكتبه الشاعر محسوب عليه حتى لو قعد يشخبط محسوب عليه الله يهديك بس يا ... طحت من عيني وتعلقت في رموشي =============== قال الشاعر :- الزين في لميا وتغريد والطاف ...........................مهوب في حصة وكشرة منيرة  مسكين ذا الشاعر توهق واسرف في المشاعر مادرى انه غريب بينهم وصار مثل ( ... ) صدق مسكين ... اجل الزين عقب المغربيات ينعاف ؟ والله سقامة وقلة دين وسفاهة وتفاهة وحقارة يعني لو اقول اردى الصفات ما تكفيه شاف له كشرة مليس عليها 10 ميلو مكياج وقال انهن ملكات جمال !! يا شيخ والله يا كشرة منيرة هاللي تقول انها تسواهن كل ابوهن من ساسهن الى راسهن يكفيك من كلامهن ( صبحك بلخير , مسيك بلخير ) ولا حدك الوقت عليهن ( افداك بروحي وانا اختك ) مهوب وحدة ما تفهم عربيها من اجنبيها لا ويمكن الاجنبي تفهمه وان كانك تنشد عن الزين تراه موجود عندنا مهوب تزوير ومزيف والله واللي رفع سبع ان موطى وحدة من نساءنا انها تسوى كشرة كل المغربيات هذي و هي موطى جزمتها عاد كيف باقيها وما قصر الشاعر الكبير طلال الرشيد رد عليه كثر قصيدته مرتين وسكته ولا يهون اخوي ( شبيب شاهر السبيعي ) كفى ووفى وجاب الزبدة بصراحة ماودي اتكلم عن الشاعر ذا لان قلمي اسمى من انه يتدنس فيه لكن كل اللي اقوله له ( القافلة تسر .. وهو يكمل الباقي ) =================== برايفتات وصلتني كم رسالة هواش وتقل ناوين مطاق من اللي قروا مقالي الاول وقالوا ليش تسب فهد عافت ياناس انا ما سبيته ولا قللت من شاعريته بالعكس فهد في غنى عن شهادتي لكن هذي زلات تحسب عليه واذا كان غيري يشوفها ابداع فيه ناس تنقد عليه هذا للتوضيح ================ في المقال القادم اعنف مقال كتبته عزيز نفس يفتح النار على ( ... ) ويقول له :- تراك منتب شاعر ................ !! |
|
|
|
13-03-2002, 17:45
|
#2 |
|
شـــــاعــــــر
|
الأخ العزيز عزيز نفس السلام عليكم هلا ومرحبا ومن طول الغيبات جاب الغنايم اخوي بيض الله وجهك واحسنت جدا كان لي عتب على ذكر الاسماء الصريحة واشكرك على التجاوب والاستعاضه بالتلميح اريد ان اهمس لك بكلمات اسلوبك وقلمك وفكرك نحتاجه هنا دائما ارجو الاستمرار تقبل تحياتي وتقديري ولي عودة ان شاء الله اخوك ابونوت [ مارس 13, 2002: تم تعديل الموضوع بواسطة : ابونوت ] |
|
|
|
|
13-03-2002, 21:32
|
#3 |
|
عضو شعبيات
|
عزيز نفس شكرا للصراحه والطرح الجريء مهم جدا ان نجد من يقومنا ويبين لنا اخطاءنا بشرط ان يخاطبنا بلغة الناقد وليس الحاقد اسلوبك رائع في النقد00يعطيك العافيه بعض الحاقدين يجعلوننا نكره الشعر بدل ان يساعدونا على الرقي فيه اسلوبك رائع اخي000الى الامام بالنسبه للابيات السابقه حلها بسيط ولكن يبدو ان الشاعر لم يفطن له 0 0 غيرك ما طرى يا شوق ... لو لاح في سماي بروق ما للحب بعدك ذوق .... ابصملك على العشرة 0 0 تصبح غيرك ما طرى يا شوق ... لو لاح في سماي بروق ما للحب بعدك ذوق .... ابا ابصملك 00وبالعشره وش رايك ؟؟ تنفع ؟؟ لك الود واعطر التحايا 0 0 [ مارس 13, 2002: تم تعديل الموضوع بواسطة : دنيا من الوله ] |
|
|
|
|
14-03-2002, 13:06
|
#4 |
|
عضو شعبيات
|
هلا وغلا اخوي الغالي ابو نوت والله انك تخليني استحي ( اصفقني يا شيخ اذا تعرف الحيا ) بس بصراحه ابو نوت انت دخلت قلبي من اول ما خشيت المنتدى احس براحة اذا شفت ردك علي ردك يخليني احس بشي غريب ( طاش ما طاش ) والله يا بو نوت انت مسوي لي عمل ولا ايش انت مخليني افر المنتدى ادور مواضيعك وردوك بس والله انك غالي يا بو نوت وردك علي اتشرف فيه وتخلي عزيز نفس يتخلى عن عزته لك الله لا يحرمني منك ويجعل لك في كل خطوة بركة وترفيعك بي للسما وسام اعتز فيه واعلقة بسلسلة على صدري بس لا تبخل علي بردودك تحياتي واشواقي الحارة لك ============ الاخت دنيا من الوله اشكرك على اطرائك وانا نقدي للاصلاح ما افسده الغير وانا ناقد ولانيب حاقد جيت مره ابحقد على واحد حبيته من قلب ويقولون من حبك لعن خامس طعش جد ابو جدك الثاني ( ممكن احد يترجمها لي ) وراح انشاءالله استمر معكم بس لازم تتفاعلون معي ولا تحرمني من الردود وارائكم واي شي تلاحظونه علي انا ما اتخلى عن ملاحظاتكم ونقدكم اما بالنسه لتعديلك ماش ما ضبطت معك صارت ثقيلة بقوة جيت ابغنيها نشب لساني بين سنوني من ثقلها الواو حاست الدنيا كلها لكن يا ليت شاعرها يكون مر من هنا ولا واحد من معرفه مر وهو مستعجل يلقطها له ويعلمه عني ( الا رحت فيها ) اشكرك مرة اخرى اختي الفاضلة وانا منكم واليكم ويا حبني لكم تحياتي الباردة في نهار الصيف الحار |
|
|
|
|
14-03-2002, 16:11
|
#5 |
|
عضو شعبيات
|
لالالالالالالالا حراااام عليك تختم هالتخاريف والله رهيبه من جد تملك قلم راااااائع <----قول لي من وين شريته بشتري مثله عن جد اسلوب نقد مميز .. استمر ..لا تحرمنا من هالتخاريف .. ما أطووووول ..بروح أقرا الجزئين اللي قبل  ... <------جاز لها الأسلوب لا عدمناك أخوي ولا عدمنا هالتخاريف  |
|
|
|
|
14-03-2002, 17:04
|
#6 |
|
عضو شعبيات
|
هلا وغلا اختي بدوية نجد <<<<<<اويلي يا نجد تسلفيني الاسم يومين شاكر لك هالمدح اللي خلاني اطيح من على الكرسي ( على بالك ) بس انا وقفت التخاريف هذي عشان ابي اغير تخاريف الى ....... ( عاد تابعوني واعلمكم ) يعني منيب تاركم ابنشب في حلوقكم الله يسلمك اختي العزيزة ولاعدمتكم ولا عدمت شوفتكم ========= تملك قلم راااااائع <----قول لي من وين شريته بشتري مثله ملزمة لا منيب قايل لك لان امي محلفتني  فمان الله |
|
|
|
|
15-03-2002, 15:48
|
#7 |
|
عضو شعبيات
|
صباح الخيررر انشا الله قلم عزيز نفس بيكون ثابت بهالمنتدى واحب اقول ان اسلوب التهكم من اساليب النقد عزيز نفس له 3 مواضيع ومتاكده ان الكل قراها وحتى وان ماكانت فيه ردود ابصم على كذا بالعشره  بانتظار الموضوع الجديد والا سلوب الجديد [ مارس 15, 2002: تم تعديل الموضوع بواسطة : جمر الآهات ] |
|
|
|
|
16-03-2002, 00:12
|
#8 |
|
عضو شعبيات
|
هلا اختي جمر الآهات واخيرا رد عملاق وجهات نظر نقدية اشكرك اختي الفاضلة وانشاءالله بستمر معكم الين ما يكتب الله اللي يختاره وبتشوفون اللي يسركم وانا استخدم الاسلوب الساخر لقابليته عند الناس يعني لو جيت بجدية راح يكون فيها حزازيات لذلك احاول اخلي القارئ وهو يقرأ يضحك عشان يزيل اللي بنفسه خصوصا اذا كان القارئ هو المنقود واحب اشكر كل من وقف معي وهم ابو نوت وجمر الآهات وابقولهم ما قصرتوا ومدحكم ووقوفكم معي اكبر فخر لي ولا يهون الباقين تحياتي |
|
|
|
|
19-03-2002, 06:58
|
#9 |
|
عضو شعبيات
|
أخوي العزيز:عزيز نفس صراحه اول موضوع قريته لك هو ردك على بنت العز وأعجبني ردك ويوم شفت ها الموضوع دخلت(قامت تقص قصة حياتها البنت ) لا عاد والله كنت متوقعه اني بشوف شي يونس وهذا اللي صار. بس اقول ماعليك من احد واكتب اللي يرضيك وحنا نسمع لك ونشجعك (اذا نهمك )بروح ادور مواضيعك. تقبل خالص تشجيعي نفلــــه. |
|
|
|
|
21-03-2002, 12:46
|
#10 |
|
عضو شعبيات
|
هلا اخت نفله يالله مسها بلخير اشكرك على كلامك اللي كله يقطر دبس وعلى قصة حياتك بصراحة استانست فيها عاد ردي كان له وجهين ( احم احم ترا مهوب قصده شي ثاني ) على العموم رضاكم وتشجيعكم للي اكتبه هو اكبر فخر لي الله يسلمك اختي الفاضلة بس ها تابعيني بالموضوع الجاي اللي توني مخلص منه وتحت التنقيح ( واحد يشرحها لي )  تحياتي لك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
